live now
Nagarparishad Election Result Live : सांगोल्यात शहाजीबापूंचाच दरारा; भाजपला अस्मान दाखवलं…
Nagarparishad Election Result : आज राज्यातील 288 नगरपरिषद आणि नगरपंचायतीसाठी झालेल्या निवडणुकीचे निकाल जाहीर होणार असून
-
- Written By: shakir sayyad Published:
Nagarparishad Election Result : आज राज्यातील 288 नगरपरिषद आणि नगरपंचायतीसाठी झालेल्या निवडणुकीचे निकाल जाहीर होण्यास सुरुवात झाली असून या निवडणुकीत कोण बाजी मारणार याकडे संपूर्ण राज्याचे लक्ष लागून आहे. 288 पैकी 264 नगरपरिषदेसाठी आणि नगरपंचायतीसाठी राज्यात 2 डिसेंबर रोजी मतदान प्रक्रिया पार पडली होती तर 20 डिसेंबर रोजी 24 नगरपरिषदांसाठी आणि नगरपंचायतीसाठी मतदान प्रक्रिया पार पडली होती. यंदा मुख्य लढत महायुतीमधील तिन्ही घटक पक्षांमध्ये पाहायला मिळाली आहे. काही ठिकाणी भाजपविरुद्ध शिंदे शिवसेना तर काही ठिकाणी राष्ट्रवादी काँग्रेस अजित पवार गट विरुद्ध भाजप असा सामना रंगला होता.
LIVE NEWS & UPDATES
-
आमदार गोपीचंद पडळकर यांची आटपाडी नगरपंचायततीवर एक हाती सत्ता...
माजी जिल्हा परिषद अध्यक्ष अमरसिंह बापू देशमुख आणि माजी समाज कल्याण सभापती ब्रह्मानंद पडळकर साहेब यांच्या साथीने आटपाडी नगरपंचायतीवर यु. टी. जाधव सर 1177 मतांनी विजयी. या विजयाचा आनंद आमदार पडळकर यांनी उमेदवारांसोबत साजरा केला.
-
बारामती नगर परिषद अजितदादांना जोरदार धक्का
राष्ट्रवादी काँग्रेस (अजित पवार) पक्षाच्या महिला शहराध्यक्ष अनिता गायकवाड यांचा पराभव. अपक्ष उमेदवार मनीषा संदीप बनकर या निवडून आल्या आहेत. अनिता गायकवाड यांचा ८०० मतांनी पराभव
-
ईश्वरपूरमध्ये 'तुतारी' जोरात वाजली! जयंत पाटलांची एकहाती सत्ता
ईश्वरपूर नगरपरिषदेच्या एकूण ३० जागांसाठी ही निवडणूक पार पडली. यामध्ये राष्ट्रवादी शरद पवार गटाने तब्बल २३ जागा जिंकत निर्विवाद बहुमत मिळवले आहे. दुसरीकडे, भाजप महायुतीला या निवडणुकीत मोठा धक्का बसला असून, त्यांना केवळ ७ जागांवर समाधान मानावे लागले आहे. विजयानंतर ईश्वरपूरमध्ये राष्ट्रवादी शरद पवार गटाच्या कार्यकर्त्यांकडून फटाक्यांची आतिषबाजी आणि गुलालांची उधळण करत जल्लोष करण्यात येत आहे.
-
सांगोल्यात शहाजीबापूंचाच दरारा...
सांगोल्यात शहाजीबापूंचाच दरारा...
धोबीपछाडीचा डाव टाकत भाजपला अस्मान दाखवलं...
सांगोला नगरपरिषदेवर शहाजीबापूंची एकहाती सत्ता...
एकनाथ शिंदेंची जाहीर सभेतून टीका-टिप्पणी झाली होती
या सभेनंतर शहाजीबापूंच्या कार्यालयावर निवडणूक आयोगाच्या पथकांनी धाड मारत झाडाझडती घेतली होती
भाजप आणि शिंदे गटामध्ये जोरदार संघर्ष झाला होता
अखेर सांगोल्यात शहाजीबापूंचाच दरारा असल्याचं चित्र स्पष्ट
-
सिंधुदुर्गात निलेश राणे ठरले वरचढ; नितेश राणेंना धक्का!
सिंधुदुर्गात कणकवली नगरपंचायतीतशहर विकास आघाडीचे संदेश पारकर विजयी झाले असून या निवडणुकीमध्ये निलेश राणे वरचढ ठरले आहेत. तर, मंत्री नितेश राणेंना धक्का बसला आहे.
-
धनंजय मुंडे यांच्या बहिणी उर्मिला केंद्रे विजयी
नगरपालिका निवडणुकीचे निकाल हाती येत असून भाजपा सर्वात मोठा पक्ष ठरला आहे. दुसरीकडे धनंजय मुंडे यांची बहिणी उर्मिला केंद्रे या गंगाखेडमधून नगराध्यक्षपदासाठी उमेदवार होत्या. उर्मिला केंद्रे विजयी झाल्या आहेत. स्वत: धनंजय मुंडे प्रचारासाठी मैदानात उतरले होते.
-
इंदापुरात हर्षवर्धन पाटलांना मोठा धक्का!
इंदापुरमध्ये राष्ट्रवादी काँग्रेसने जोरदार विजय मिळवला असून 15 उमेदवार विजयी ठरले. कृष्णा भीमा विकास आघाडीचे पाच उमेदवार निवडून आले. नगराध्यक्षपदासाठी राष्ट्रवादी काँग्रेसचे भरत शहा विजयी ठरले, तर प्रदीप गारटकारांचा पराभव झाला. माजी सहकार मंत्री हर्षवर्धन पाटील यांना भाजपचे नेते प्रवीण माने यांच्याकडून मोठा धक्का बसला आहे.
-
राष्ट्रवादी काँग्रेस शरद पवार गटाला परळीत मोठा धक्का, शिवसेना शिंदे गटाचे व्यंकटेश शिंदे विजयी
राष्ट्रवादी काँग्रेस शरद पवार गटाला परळीत मोठा धक्का
राष्ट्रवादी काँग्रेस शरद पवार गटाच्या नगराध्यक्ष पदाच्या उमेदवार संध्या देशमुख यांचे पती दीपक देशमुख यांचा पराभव
दीपक देशमुख यांनी प्रभाग क्रमांक 6 मधून निवडणूक लढवली होती. या ठिकाणी शिवसेना शिंदे गटाचे व्यंकटेश शिंदे हे विजयी झाले आहेत.
-
ठाकरेंच्या शिवसेनेच्या जयश्री भिसे विजयी
पंढरपूर कुर्डूवाडी नगरपालिका निवडणुकीचा निकाल जाहीर झाला असून, यामध्ये ठाकरेंच्या शिवसेनेच्या जयश्री भिसे 600 मतांनी विजयी झाल्या आहेत. इथे भाजपचा पराभव झाला असून शरद पवार पक्षाचे 13 उमेदवार विजयी, शिवसेनेचा एक आणि अपक्ष उमेदवार विजयी झाला आहे.
-
एकनाथ शिंदे यांचे स्वीय सहाय्यक बालाजी खतगावकर यांना राजकारणात पहिलं यश
एकनाथ शिंदे गटाचे नगराध्यक्ष पदाचे उमेदवार विजयी. एकनाथ शिंदे यांचे स्वीय सहाय्यक बालाजी खतगावकर यांना राजकारणात पहिलं यश
-
जेजुरीत जयदीप बारभाई विजयी
राष्ट्रवादी अजित पवार गटाचे नगराध्यक्ष पदाचे उमेदवार जयदीप बारभाई विजयी
राष्ट्रवादी काँग्रेस पक्ष अजित पवार गटाचे 17 उमेदवार विजयी
भाजपा गटाचे दोन उमेदवार विजयी
तानाजी खोमणे अपक्ष उमेदवार विजयी.
-
खुलताबाद नगरपरिषद निवडणुकीमध्ये काँग्रेसने बाजी
खुलताबाद नगरपरिषद निवडणुकीमध्ये काँग्रेसने बाजी मारत या ठिकाणी अमीर पटेल हे नगराध्यक्ष पदासाठी निवडून आले आहेत त्यांनी भाजपचा उमेदवाराचा पराभव केला आहे.
-
महाडमध्ये सुनील तटकरे यांना मोठा धक्का
महाडच्या नगराध्यक्ष पदाच्या निवडणुकीत शिवसेनेचे सुनील कविस्कर विजयी. भरत गोगावले यांचा तटकरेंना धक्का, महाड नगर पालिकेवर शिवसेनेचा भगवा
-
भाजपचं शतक पूर्ण...तर शिंदे अन् अजित पवार गटाची अर्धशतकाकडे वाटचाल
भाजपची 101 जागांवर आघाडी
-शिंदेंची शिवसेना 42 जागांवर
-अजितदादांची राष्ट्रवादी 35 जागांवर
-काँग्रेस 16 जागांवर तर शरद पवार गट 10 आणि ठाकरेसेना 7 जागांवर आघाडीवर
-
औसा नगरपरिषदेचं चित्र स्पष्ट, राष्ट्रवादी काँग्रेस अजित पवार गट विजयी
- राष्ट्रवादी काँग्रेस अजित पवार गटाचा औसा नगरपरिषदेवर ताबा
- 23 जागे पैकी 17 जागेवर राष्ट्रवादी काँग्रेस अजित पवार गटाचा विजय
- 6 जागेवर भाजप विजय
- काँग्रेसला भोपळाही फोडता आला नाही, गेल्या वेळेस दोन वरून, यंदा शून्यावर काँग्रेस
- नगराध्यक्ष पदाचे उमेदवार परवीन नवाबुद्दीन शेख साडेचारशे मतांनी विजय
-
अहिल्यानगर जामखेडमध्ये मतमोजणी दरम्यान गोंधळ
अहिल्यानगर जामखेडमध्ये मतमोजणी दरम्यान गोंधळ
जामखेडमध्ये मतमोजणी थांबली
2 उमेदवारांनी evm वर आक्षेप घेतला
निवडणूक निर्णय अधिकारी काय निर्णय घेणार याकडे लक्ष
विधान परिषदेचे सभापती राम शिंदे विरुद्ध आमदार रोहित पवार यांची प्रतिष्ठा पणाला
-
भगूरमध्ये शिवसेनेच्या 25 वर्षांच्या सत्तेला सुरूंग; भाजप-राष्ट्रवादीच्या प्रेरणा बलकवडे विजयी
आज राज्यातील 288 नगरपरिषद आणि नगरपंचायतच्या निवडणूकीचा निकाल हाती येत आहे. त्यामध्ये नाशिक जिल्ह्याच 11 नगरपरिषदांसाठी निवडणूक पार पडल्यानंतर आज भगूरमध्ये भाजप-राष्ट्रवादीच्या युतीच्या नगराध्यक्ष पदाच्या उमेदवार प्रेरणा बलकवडे विजयी झाल्या आहेत. या विजयामुळे भगूरमध्ये गेल्या 25 वर्षांपासून सत्तेत असलेल्या शिवसेनेच्या सत्तेला सुरूंग लागला आहे.
-
मालवणमध्ये निलेश राणेंचीच हवा...नगरसेवकांची विजयाकडे वाटचाल...
Malwan Nagarparishad : राज्यातील नगरपरिषद निवडणुकांचे (Malwan Nagarparishad Election Result ) निकाल हाती येत आहेत. अशातच सिंधुदूर्ग जिल्ह्यातील मालवण नगरपरिषदेची निवडणुकी राज्याच चर्चेचा विषय बनली होती. याच निवडणुकीत दोन भावांचा उघडउघड संघर्ष सुरु असल्याचं पाहायला मिळालं होतं. भाजपचे मंत्री नितेश राणे आणि शिंदे गटाचे आमदार निलेश राणे यांच्यात संघर्ष झाल्याचं दिसून आलं होतं. या निवडणुकीत भाजपच्या पदाधिकाऱ्यांकडून पैसे वाटप केल्याचा आरोप आमदार निलेश राणे यांनी केला होता. याचदरम्यान, भाजपचे प्रदेशाध्यक्ष रविंद्र चव्हाण यांच्यावरही त्यांनी थेट आरोप केले होते. अखेर या निवडणुकीत शिंदे गटाच्या नगरसेवकांची विजयाकडे वाटचाल सुरु असल्याचं चित्र दिसून येत असल्याने मालवणमध्ये निलेश राणे यांचीच हवा असल्याचं सिद्ध होताना दिसत आहे.
-
शिर्डी नगरपालिकेत नगराध्यक्ष पदाचे महायुतीच्या उमेदवार जयश्री थोरात आघाडीवर
शिर्डी नगरपालिका निवडणूक; नगराध्यक्ष पदाचे महायुतीच्या उमेदवार जयश्री थोरात आघाडीवर
शिर्डी नगरपालिकेत नगराध्यक्ष पदाचे महायुतीच्या उमेदवार जयश्री थोरात आघाडीवर आहे. तर हिंगोलीत भाजपचे 5, राष्ट्रवादीचे 6 उमेदवार विजयी झाले आहे.
-
नेवासा मतदार संघात महायुतीचे उमेदवार विजयी
नेवासा मतदार संघात महायुतीचे उमेदवार विजयी
करणसिंह घुले( शिवसेना शिंदे) विजयी
क्रांतिकारी - 10 नगरसेवक विजयी
महायुती- 6 नगरसेवक विजयी
अपक्ष- 1 नगरसेवक विजयी
-
अंबरनाथ, बदलापूरमध्ये अद्याप मतमोजणीला सुरूवात नाही
नगरपरिषद आणि नगरपंचायतीसाठी अंबरनाथ, बदलापूरमध्ये अद्याप मतमोजणीला सुरूवात झाली नसल्याची माहिती समोर आली आहे.
-
भाजपा सर्वात मोठा पक्ष ; 103 जागांवर आघाडीवर
भाजपा सर्वात मोठा पक्ष
सुरुवातीच्या कलानुसार नगरपरिषद आणि नगरपंचायत समितीचे निकाल पुढे येत असून भाजपा हा सर्वात मोठा पक्ष ठरताना दिसत आहे. भाजपा तब्बल 103 जागांवर आघाडीवर आहे.
-
श्रीरामपूर- दुसऱ्या फेरीअखेर करण ससाणे 2700 मतांनी आघाडीवर
श्रीरामपूर नगरपालिका निवडणुकीत दुसऱ्या फेरीअखेर करण ससाणे 2700 मतांनी आघाडीवर आहे तर संगमनेरमध्ये संगमनेर सेवा समितीचे चार नगरसेवकांचे उमेदवार विजयी झाले आहे. संगमनेरमध्ये सत्यजित तांबें व थोरात यांच्या सेवा समितीने जोरदार मुसंडी मारताना दिसत आहे.
-
संगमनेर सेवा समितीचे 4 नगरसेवकांचे उमेदवार विजयी
संगमनेर सेवा समितीचे चार नगरसेवकांचे उमेदवार विजयी
संगमनेर सेवा समितीचे 4 नगरसेवकांचे उमेदवार विजयी झाले आहे. सुरुवातीच्या कलानुसार सत्यजित तांबें व थोरात यांच्या सेवा समितीने जोरदार मुसंडी मारताना दिसत आहे.
-
भिसी नगरपंचायतीत 4 जागांवर काँग्रेसच्या उमेदवारांचा विजय
चंद्रपूर भिसी नगरपंचायतीत 4 जागांवर काँग्रेसच्या उमेदवारांचा विजय
चंद्रपुरमधील भिसी नगरपंचायतीत 4 जागांवर काँग्रेसच्या उमेदवारांचा विजय झाला आहे तर लातूरच्या उदगीरमध्ये उपमुख्यमंत्री अजित पवारांच्या राष्ट्रवादीचे 4 उमेदवार विजयी झाले आहेत.
-
अकोटमध्ये एमआयएमचे दोन नगरसेवक विजयी
अकोटमध्ये एमआयएमचे दोन नगरसेवक विजयी तर धामणगावमध्ये भाजपचे 6 उमेदवार विजयी झाले आहे.
-
धामणगावमध्ये भाजपचे 6 तर भगूरमध्ये अजित पवारांच्या राष्ट्रवादीचे 7 उमेदवार विजयी
धामणगावमध्ये भाजपचे 6 उमेदवार विजयी
नगरपालिका निवडणुकांसाठी मतमोजणी सुरु झाली असून भाजपने सुरुवातीलाच खातं उघडलं आहे. धामणगावमध्ये भाजपचे 6 उमेदवार विजयी झाले आहेत. तर भगूरमध्ये अजित पवारांच्या राष्ट्रवादीचे 7 उमेदवार विजयी
-
सिन्नरमध्ये ठाकरेंची शिवसेना आघाडीवर
सिन्नरमध्ये ठाकरेंची शिवसेना आघाडीवर
सिन्नरमध्ये शिवसेना ठाकरे गट आघाडीवर असून मतमोजणीसाठी एकूण 15 टेबल्सची व्यवस्था करण्यात आली आहे. तर दुसरीकडे राज्यातील अनेक ठिकाणी भाजपमध्ये आघाडीवर आहे.
-
नगरपरिषद निवडणुकांचे निकाल येण्यास सुरूवात, कणकवलीत भाजपचे 4 उमेदवार आघाडीवर
नगरपरिषद निवडणुकांचे निकाल येण्यास सुरूवात, कणकवलीत भाजपचे 4 उमेदवार आघाडीवर
नगरपरिषद निवडणुकांचे निकाल येण्यास सुरूवात झाली असून कणकवलीत भाजपचे 4 उमेदवार आघाडीवर असल्याची मााहिती समोर आली आहे. तर नांदेडमध्ये देखील भाजप आघाडीवर आहे.
-
भाजपा 74 जागांवर तर सिल्लोडमध्ये आमदार अब्दुल सत्तर यांचे चिरंजीव नगराध्यक्ष पदाचे उमेदवार आघाडीवर
भाजपा 74 जागांवर तर सिल्लोडमध्ये आमदार अब्दुल सत्तर यांचे चिरंजीव नगराध्यक्ष पदाचे उमेदवार आघाडीवर
नगरपरिषद आणि नगरपंचयातीसाठी मतमोजणी सुरु झाली असून सुरुवातीच्या कलनुसार भाजपा सर्वात मोठा पक्ष ठरताना दिसत आहे. भाजपा 74 जागांवर आघाडीवर आहे. महायुती 137 जागांवर आघाडीवर आहे तर महाविकास आघाडी 27 जागांवर आघाडीवर आहे. तर दुसरीकडे सिल्लोडमध्ये आमदार अब्दुल सत्तर यांचे चिरंजीव नगराध्यक्ष पदाचे उमेदवार आघाडीवर आहे.
संबंधित बातम्या
महाराष्ट्र केसरीची गदा जिंकली आणि बूटांना मुजरा करत हर्षवर्धन सदगीरने घेतली निवृत्ती
