हर्षवर्धन पाटलांचा अजित पवारांना टोला; ..ते दिवंगत माणसाबद्दल बोलतात; माझ्याबद्दल बोलले त्यात आश्चर्य काय?

Harshvardhan Patil : शरद पवार साहेबांचा आशीर्वाद जांच्या पाठीशी असतो तो उमेदवार विजयी होतो. महाराष्ट्राची विस्कटलेली घडी पुन्हा बसवण्यासाठी परिवर्तन आवश्यक आहे. शरद पवार ते परिवर्तन घडवणार अशा शब्दांत नुकतेच राष्ट्रवादीत शरद पवार पक्षाते गेलेले हर्षवर्धन पाटील यांनी आपल्या भावना बोलून दाखवल्या आहेत. ते शरद पवारांच्या भेटीनंतर बोलत होते.

इंदापूरमध्ये आप्पासाहेब जगदाळे यांच्याशी पवार साहेबांच बोलणं झालं आहे. त्यांची उमेदवारी बद्दल नाराजी आहे. पवार साहेब ती नाराजी दूर करतील. प्रवीण माने, आप्पासाहेब जगदाळे उमेदवारी माघारी घेतील असा मला विश्वास आहे असंही हर्षवर्धन पाटील यावेळी म्हणाले आहेत.

Harshvardhan Patil : अजित पवार गटाकडून धमक्या, हर्षवर्धन पाटील यांचा गंभीर आरोप

अजित पवार हे महाराष्ट्रातील सर्वात मोठे नेते आहेत. केवळ इंदापुरात नव्हे तर महाराष्ट्रात कुठेही जाऊन बोलले तर आमच्याबद्दल गौरवोद्गार काढले तर तो त्यांचा अधिकार आहे. दिवंगत माणसाबद्दल ते बोलले त्यामुळे ते माझ्यासारख्या जिवंत माणसाबद्दल बोलले त्यात आश्चर्य नाही असा टोलाही हर्षवर्धन पाटील यांनी लगावला आहे.

अजित पवार तयारी करून बोलत नाहीत. त्यांच्याकडे येणाऱ्या चिठ्या चपाट्या येतात त्या बघून ते बोलतात. ते माझ्याविषयी जे काही बोलले त्याला इंदापूर मधील जनता योग्य उत्तर देईल असा थेट इशाराही हर्षवर्धन पाटील यांनी यावेळी बोलून दाखवला आहे..

संबंधित बातम्या