Sagar Mohalkar : कुख्यात गुंड सागर मोहळकरवर सात राऊंड फायर; चार गोळ्या अंगात, प्रकृती गंभीर

Sagar Mohalkar : शहरातील न्युरानी कॉलनी बुधवारी सायंकाळी अक्षरश गोळीबाराच्या आवाजाने दणाणून गेली. कुख्यात गुंड सागर मोहळकर याच्यावर

Sagar Mohalkar : शहरातील न्युरानी कॉलनी बुधवारी सायंकाळी अक्षरश गोळीबाराच्या आवाजाने दणाणून गेली. कुख्यात गुंड सागर मोहळकर याच्यावर मोटारसायकलवरून आलेल्या अज्ञात हल्लेखोराने थेट सात राऊंड फायर केल्याची धक्कादायक घटना घडली. यापैकी चार गोळ्या मोहळकरच्या अंगात घुसल्याची माहिती डॉक्टरांनी दिली असून त्याची प्रकृती गंभीर आहे.

सायंकाळी साडेसातच्या सुमारास ही थरारक घटना घडली. गोळीबारानंतर परिसरात एकच खळबळ उडाली. नागरिकांमध्ये भीतीचे वातावरण पसरले असून न्युरानी कॉलनी काही काळ तणावाखाली होती.

सागर मोहळकर हा नुकताच कारागृहातून बाहेर

सागर मोहळकर (Sagar Mohalkar) हा नुकताच नाशिक मध्यवर्ती कारागृहातून (Nashik Central Jail) जामीनावर बाहेर आला होता. त्याच्यावर यापूर्वी 307 सह विविध गंभीर गुन्हे दाखल असल्याची माहिती पोलिसांकडून मिळाली आहे. दोन दिवसांपूर्वीच त्याच्या वडिलांनी त्याच्याविरोधात जामखेड पोलीस ठाण्यात एनसी दाखल केली होती. मोहळकर हा नशेच्या आहारी गेलेला असून जामखेड परिसरात त्याची दहशत असल्याची चर्चा आहे.

उपचारांसाठी नगरला हलवले

गोळीबारानंतर जामखेड पोलिसांनी तात्काळ मोहळकरला ग्रामीण रुग्णालयात दाखल केले. त्यानंतर शहरातील खासगी रुग्णालयात प्राथमिक उपचार करून पुढील उपचारासाठी नगर येथे हलविण्यात आले. डॉक्टरांच्या माहितीनुसार त्याच्या शरीरात चार गोळ्या अडकल्या असून परिस्थिती चिंताजनक आहे.

हल्लेखोर फरार झाले

असून पोलिसांचा सखोल तपास सुरू गोळीबार करणारा हल्लेखोर घटनेनंतर पसार झाला आहे. पोलिसांनी परिसर सील करून तपास सुरू केला असून सीसीटीव्ही फुटेज आणि स्थानिकांकडून माहिती घेतली जात आहे.

होणार आर्थिक लाभ अन्…, जाणून घ्या सर्व 12 राशींसाठी आजचा दिवस कसा राहणार ?

दवाखान्याबाहेर मोठ्या प्रमाणात गर्दी जमल्याने काही काळ तणावपूर्ण वातावरण निर्माण झाले होते. या थरारक गोळीबारामुळे जामखेड पुन्हा एकदा हादरले असून गुन्हेगारीच्या प्रश्नावर पोलिसांसमोर मोठे आव्हान उभे राहिले आहे. पुढील तपास जामखेड पोलीस करत आहेत.

संबंधित बातम्या