live now
Karnataka Election : काँग्रेसमुक्त भारत म्हणून चिडवायचे, आता भाजपामुक्त दक्षिण भारत झाला : खर्गे
-
- Written By: letsupteam Published:
Karnataka Elections Result : कर्नाटक विधानसभा निवडणुकीसाठी ( Karnataka Elections) 10 मे ला मतदान घेण्यात आलं. त्यानंतर निकाल आज (13 मे) जाहीर झाले होणार आहेत. दरम्यान यावेळी कर्नाटकची जनता कुणाला कौल देणार? हे आज समोर येणार आहे. सकाळी आठ वाजल्यापासून ही मतमोजणी सुरू झाली आहे. तर दुपारी दोन वाजेपर्यंत हे कौल हाती येतील असा अंदाज व्यक्त करण्यात येतोय.
LIVE NEWS & UPDATES
-
काँग्रेसमुक्त भारत म्हणून चिडवायचे, आता भाजपामुक्त दक्षिण भारत झाला : खर्गे
या विजयाने संपूर्ण देशात एक नवी उर्जा निर्माण केली आहे. भाजपा 'काँग्रेसमुक्त भारत' करू असं म्हणत आम्हाला चिडवत होता. मात्र, सत्य हे आहे की, आता भाजपामुक्त दक्षिण भारत झाला आहे असे म्हणत काँग्रेसचे अध्यक्ष मल्लिकार्जुन खर्गे यांनी भाजपवर हल्लाबोल केला आहे.
#KarnatakaElectionResults | It's a big victory. Through this, a new energy emerged in the whole nation. BJP used to taunt us and say that we'll make 'Congress mukt Bharat'. Now the truth is that it is 'BJP mukt south India': Congress national president Mallikarjun Kharge pic.twitter.com/R96Lriw60X
— ANI (@ANI) May 13, 2023
-
पंतप्रधान मोदींनी केले काँग्रेसचे अभिनंदन
पंतप्रधान नरेंद्र मोदी यांनी ट्विट करत काँग्रेसचे अभिनंदन केले आहे. कर्नाटकच्या विधानसभा निवडणुकीत विजय मिळवल्याबद्दल तुमचे अभिनंदन. जनतेच्या अपेक्षा पूर्ण करण्यासाठी तुम्हाला शुभेच्छा, असे त्यांनी म्हटले आहे. तसेच कर्नाटक निवडणुकीत ज्यांनी आम्हाला पाठिंबा दिला त्या सर्वांचे मी आभार मानतो. यासह भाजपच्या कार्यकर्त्यांनी केलेल्या मेहनतीचे मी कौतुक करतो असेही ते म्हणाले आहे.
I thank all those who have supported us in the Karnataka elections. I appreciate the hardwork of BJP Karyakartas. We shall serve Karnataka with even more vigour in the times to come.
— Narendra Modi (@narendramodi) May 13, 2023
Congratulations to the Congress Party for their victory in the Karnataka Assembly polls. My best wishes to them in fulfilling people’s aspirations.
— Narendra Modi (@narendramodi) May 13, 2023
-
आम्ही गरीबांच्या मुद्द्यांवर लढलो; कर्नाटक निकालावर राहुल गांधींची पहिली प्रतिक्रिया
मी सर्वात आधी कर्नाटकच्या जनतेला, काँग्रेस कार्यकर्ते आणि नेत्यांचं अभिनंदन करतो. कर्नाटक निवडणुकीत एका बाजूला भांडवलशाहीची ताकद होती आणि दुसरीकडे गरीब जनतेची शक्ती होती. या गरीब जनतेच्या शक्तीने भांडवलशाहीचा पराभव केला. हेच प्रत्येक राज्यात होईल. काँग्रेस कर्नाटकात गरीबांबरोबर उभा राहिला. आम्ही गरीबांच्या मुद्द्यावर निवडणूक लढलो.
– राहुल गांधी (काँग्रेस नेते)
LIVE: Media Interaction | New Delhi https://t.co/mflXxURASX
— Rahul Gandhi (@RahulGandhi) May 13, 2023
-
शरद पवारांचे भाजपला खडेबोल!
शरद पवार यांनी आज लागलेल्या कर्नाटक विधानसभेच्या निकालावरुन भाजपला सुनावले आहे. कर्नाटकात भारतीय जनता पक्षाचा पराभव होईल याची आम्हाला खात्री होती. केंद्र सरकार व भाजपकडून ज्या राज्यात त्यांचे सरकार नाही तेथील आमदार फोडून ते राज्य ताब्यात घ्यायचे असा कार्यक्रम सुरू आहे. त्यासाठीच सत्तेचा वापर करणे हे सूत्र त्यांनी वापरले. कर्नाटकातही आधी त्यांनी हेच केलं. येथील लोकनियुक्त सरकार त्यांनी पाडले. महाराष्ट्रात एकनाथ शिंदेंनी जे केलं तेच तिथे झालं. मध्य प्रदेशातही त्यांनी तेच केलं. गोव्यात बहुमत नसताना आमदार फोडून ते राज्य हातात घेतलं. दुसरीकडे फोडाफोडी, खोक्यांचं राजकारण हे लोकांना पसंत नाही याचं उत्तम उदाहरण आपल्याला कर्नाटकच्या निवडणुकीतून मिळालं आहे.
-
हे निकाल देशभरात मोदी है तो मुमकिन हैं , असं म्हणणाऱ्यांसाठी चपराक आहे- सुषमा अंधारे
- हे निकाल देशभरात मोदी है तो मुमकिन हैं , असं म्हणणाऱ्यांसाठी चपराक आहे.
- मागील नऊ वर्षात मोदींनी प्रचंड नकारात्मकतेच हेट पॉलिटिक्स पसरवलं आहे. त्याला लोक कंटाळलेले आहे.
- बेरोजगारी, महागाई याचा ग्रोथ रेट पाहता कर्नाटकमधील जनता सुजाण आहे.
- दक्षिण भारतीय प्रगत विचारधारेचे आहे. आणि या येणाऱ्या निकालाचा फायदा आणि नवी ऊर्जा येणाऱ्या काळात महारष्ट्रात पाहायला मिळेल.- कर्नाटक निकालावर सुषमा अंधारेंची प्रतिक्रिया
-
भाजपासाठी विजय आणि पराभव नवा नाही
भाजपासाठी विजय आणि पराभव नवा नाही. भाजपा कार्यकर्त्यांनी या निकालानंतर गोंधळून जाण्याची गरज नाही. पक्षाच्या पराभवावर आम्ही आत्मचिंतन करू. मी आदरपूर्वक हा पराभव स्वीकारतो.
– बी. एस. येडीयुरप्पा (भाजपा नेते व माजी मुख्यमंत्री, कर्नाटक)
"Victory and defeat aren't new to BJP. Party workers need not be panicked by these results. We will introspect about the party's setback. I respectfully accept this verdict," says BJP leader BS Yediyurappa on the party's defeat in #KarnatakaElectionResults pic.twitter.com/LYudJZGIcL
— ANI (@ANI) May 13, 2023
-
डीके शिवकुमार आणि सिद्धारमय्या यांना दिल्लीला बोलावलं
कर्नाटकमध्ये काँग्रेसला स्पष्ट बहुमत मिळणार असल्याचं निश्चित झालं आहे. त्यामुळं कॉंग्रेसच्या आमदारांना आजच बंगळुरुमध्ये बोलवलं आहे. त्याचवेळी कर्नाकटमधील राजकीय घडामोडींना वेग आला आहे. या घडामोडी घडत असतानाच कॉंग्रेसचे प्रदेशाध्यक्ष डीके शिवकुमार आणि नेते सिद्धरामय्यांना हायकमांडने आजच दिल्लीला बोलवले आहे. त्यामुळं कर्नाटकचा आगामी मुख्यमंत्री कोण होणार याचा निर्णय उद्याच होण्याची शक्यता आहे.
-
कर्नाटकात भाजपकडून पराभव मान्य?
कर्नाटकमध्ये काँग्रेसची विजयी घौडदौड सुरू असून निवडणूक आयोगाच्या ट्रेंडमध्येही काँग्रेसला बहुमत मिळाले आहे. तर आता भाजपने आपला पराभव मान्य केला आहे. मुख्यमंत्री बसवराज बोम्मई यांनी प्रतिक्रिया दिली आहे. की, 'पंतप्रधान आणि भाजप कार्यकर्त्यांनी खूप प्रयत्न करूनही आम्ही विजयी होऊ शकलो नाही. तर पूर्ण निकाल आल्यावर आम्ही तपशीलवार विश्लेषण करू'
-
माजी पंतप्रधान देवेगौडा यांचे नातू निखिल कुमारस्वामी पिछाडीवर
JD(S) नेते आणि माजी पंतप्रधान एचडी देवेगौडा यांचे नातू निखिल कुमारस्वामी सध्या रामानगरममधून पिछाडीवर आहेत. भारतीय निवडणूक आयोगाच्या ताज्या आकडेवारीनुसार, निखिल कुमारस्वामी यांना रामनगरम जागेवरून 47,891 मते मिळाली आहेत, तर काँग्रेसचे इक्बाल हुसेन निखिलच्या मागे आहेत. हुसेन यांना 61,353 मते मिळाली असून, भाजपचे गौतम मारिलिंग गौडा यांना 8701 मते मिळाली आहेत.
-
कॉंग्रेस पक्ष कार्यालयात आतिशबाजी करत जल्लोष
कर्नाटकमध्ये काँग्रेसची विजयी घौडदौड सुरू असून निवडणूक आयोगाच्या ट्रेंडमध्येही काँग्रेसला बहुमत मिळाले आहे. त्यामुळे कॉंग्रेस पक्ष कार्यालयात आतिशबाजी आणि गुलाल उधळत करत जल्लोष करण्यात आलाय.
-
निवडणुक आयोगाने २२४ पैकी २२३ जागांचे कल जारी केले
निवडणूक आयोगाच्या ट्रेंडमध्येही काँग्रेसला बहुमत मिळाले आहे. भाजपसह जेडीएसलाही झटका बसला आहे. निवडणुक आयोगाने २२४ पैकी २२३ जागांचे कल जारी केले आहेत.
काँग्रेस- ११५ जागा, ४३.१ टक्के मतं
भाजप- ७३ जागा, ३६.२ टक्के मतं
जेडीएस- ३० जागा, १२.८ टक्के मतं
इतर- ५ जागा
-
माजी मुख्यमंत्री जगदीश शेट्टार १४ हजार मतांनी पिछाडीवर
काँग्रेसचे नेते व माजी मुख्यमंत्री जगदीश शेट्टार हे १४ हजार मतांनी पिछाडीवर आहे. त्यांना १९१७० मतं मिळाली आहे. तर भाजपचे उमेदावर महेश तेनगिनकई यांना ३३००५ मतं आहेत. शेट्टार यांनी निवडणुकीच्याआधी भाजपमधून काँग्रेसमध्ये प्रवेश केला होता.
-
निपाणीमध्ये राष्ट्रवादी आघाडीवर
निपाणी मतदारसंघामध्ये राष्ट्रवादी काँग्रेसचे उमेदवार उत्तम पाटील हे आघाडीवर आहेत. त्यांना २०४३७ मते मिळाली आहे. तर भाजपचे उमेदवार अण्णासाहेब जोल्ले हे १९६३० मतांसह दुसऱ्या क्रमांकावर आहे. तर काँग्रेसचे उमेदवार काकासाहेब पाटील १२८१० मतांसह तिसऱ्या क्रमांकावर आहे.
-
बेळगाव ग्रामीणमध्ये काँग्रेस आघाडीवर
बेळगाव ग्रामीण मतदारसंघामध्ये महाराष्ट्र एकीकरण समितीचे उमेदवार आर. एम. चौगुले हे १८९४५ मतासंह दुसऱ्या क्रमांकावर आहे. तर काँग्रेसच्या उमेदवार लक्ष्मी हेब्बाळकर या २८१२६ मतांसह पहिल्या क्रमांकावर आहे. भाजपचे उमेदवार नागेश मानोळकर हे ९७१९ मतांसह तिसऱ्या क्रमांकावर आहे.
-
काँग्रेसमध्ये हालचालींना वेग
कर्नाटकात काँग्रेस पूर्ण बहुमताने सरकार स्थापन करू शकते. अशा स्थितीत पक्षाने आपले आमदार फुटण्यापासून वाचवण्याची तयारी केली आहे. सूत्रांकडून मिळालेल्या माहितीनुसार, काँग्रेसने हैदराबादमध्ये रिसॉर्ट बुक केले आहे.
-
काँग्रेसच्या वरिष्ठ नेत्यांची बंगळुरूतील महत्वाची बैठक
काँग्रेस बहुमतापासून अवघ्या काही जागा दूर, 111 जागांवर आघाडी
विजयी उमेदवारांना हैद्राबाद येथे सुरक्षित स्थळी हलवण्यात येणार
भाजपा 73, जेडीएस 30 तर इतर 5 जागांवर आघाडीवर आहे.
-
खानापूरमध्ये भाजप आघाडीवर
खानापूर मतदारसंघामध्ये भाजपचे उमदेवार विठ्ठल हळगेकर हे पुढे आहेत. त्यांना आत्तापर्यंत १८,७५२ मते मिळाली आहे. तर काँग्रेसच्या उमेदवार अंजली निंबाळकर यांना ६३०९ मते मिळाली आहे. महाराष्ट्र एकीकरण समितीचे उमेदवार मुरलीधर पाटील हे २५९७ मतांसह तिसऱ्या क्रमांकावर आहे.
-
निपाणी मतदारसंघामध्ये भाजप उमेदवार पुढे
निपाणी मतदारसंघामध्ये भाजप उमेदवार अण्णासाहेब जोल्हे हे पुढे आहे. तर राष्ट्रवादी काँग्रेसचे उमेदवार उत्तम पाटील रिंगणात आहे. उत्तम पाटील यांच्यासाठी शरद पवार यांनी सभा घेतली होती. तसेच देवेंद्र फडणवीस यांनी देखील इथे सभा घेतली होती.
-
निवडणुक आयोगाच्या आकडेवारीनुसार २०९ जागांचे कल हाती
हाती आलेल्या कलांनुसार काँग्रेस हा सर्वात मोठा पक्ष दिसत आहे.
काँग्रेस- ११०
भाजप- ७१
जेडीएस- २३
इतर- ५
-
काँग्रेस विधिमंडळ पक्षाची उद्या बैठक
कर्नाटकात काँग्रेसची विजयाकडे वाटचाल सुरू आहे. अशा परिस्थितीत काँग्रेस नेते डीके शिवकुमार एकामागून एक फोनवरून आमदारांच्या संपर्कात आहेत. काँग्रेस विधिमंडळ पक्षाची उद्या बैठक होणार आहे. त्याचवेळी भाजप नेते सतत जेडीएस नेतृत्वाच्या संपर्कात असतात.
-
काँग्रेसला आत्तापर्यंत ४३ टक्के मतदान
कर्नाटकात विधानसभा निवडणुकीसाठी सर्वाधिक ७३.१९% मतदान झाले, चिक्कबल्लापूर जिल्ह्यात सर्वाधिक ८५.५६% मतदान झाले. काँग्रेसला सर्वाधिक ४३ टक्के मते मिळाली आहेत, तर भाजपला आतापर्यंत केवळ ३६ टक्के मते मिळाली आहेत.
-
मल्लिकार्जुन खरगे यांचा मुलगा प्रियंक खरगे आघाडीवर
चित्तपूर मतदारसंघातून काँग्रेस नेते मल्लिकार्जुन खरगे यांचा मुलगा प्रियंक खरगे आघाडीवर आहे.
एच डी कुमारस्वामी आणि भाजप उमेदवारात काटे की टक्कर चालू आहे.
-
कर्नाटकचे मुख्यमंत्री बसवराज बोम्मई आघाडीवर
कर्नाटकचे मुख्यमंत्री बसवराज बोम्मई हे त्यांच्या शिशगाव मतदारसंघातून आघाडीवर आहे. आत्तापर्यंत त्यांना १२,६७९ मते मिळाली आहेत. बसवराज बोम्मई 1200 मतांनी आघाडीवर आहेत. काँग्रेसचे पठाण यासिर अहमद खान दुसऱ्या क्रमांकावर, तर जनता दल (धर्मनिरपेक्ष)चे शशिधर येलिगर तिसऱ्या क्रमांकावर आहेत.
-
काँग्रेस ११४ जागांवर आघाडीवर
कर्नाटकमध्ये भाजप व काँग्रेस यांच्यामध्ये जोरदार टक्कर पहायला मिळते आहे. काँग्रेस सध्या ११४ जागांवरआघाडीवर असून भाजप ८१ जागांवर पुढे आहे.
-
काँग्रेस नेते व माजी मुख्यमंत्री जगदीश शेट्टर पिछाडीवर
हुबळी-धारवाड-मध्य मतदारसंघात काँग्रेस नेते व माजी मुख्यमंत्री जगदीश शेट्टर पिछाडीवर आहेत, तर राज्यमंत्री सी.एन. अश्वथ नारायण हे मलेश्वरममधून आघाडीवर आहेत. कर्नाटक विधानसभा निवडणुकीची मतमोजणी सुरू आहे. निवडणूक आयोगाच्या मते, काँग्रेस-74, भाजप-45 आणि जेडी(एस)-16 आघाडीवर आहेत.
-
कुमारस्वामी दुसऱ्या फेरीत पिछाडीवर
कर्नाटकचे माजी मुख्यमंत्री कुमारस्वामी दुसऱ्या फेरीत मागे
कुमार स्वामी यांचा मुलाची आघाडी
-
भाजपची ६८ जागांवर घसरण
भाजप ६८ जागांवर घसरली आहे. तर काँग्रेस १३७ जागांच्या आघाडीवर पोहोचली आहे. कर्नाटकमध्ये काँग्रेस पुन्हा सत्तेवर येताना दिसत आहे. भाजपला हा मोठा धक्का मानला जात आहे. कर्नाटकमध्ये दर पाच वर्षांनी सत्ता बदलाचा इतिहास आहे. त्यानुसार जागांचे कल हाती येत आहे.
-
काँग्रेसची १२७ जागांवर आघाडी
काँग्रेसची १२७ जागांवर आघाडी झाली आहे, तर भाजप ७८ जागांवर आघाडीवर आहे. ही आघाडी तोडणे भाजपसमोर मोठे आव्हान असणार आहे. हे निकालांचे सुरुवातीचे कल आहेत. कर्नाटकच्या या निवडणुक निकालामध्ये पहिले कल हाती येत आहेत. यामध्ये जागांचे आकडे हे क्षणक्षणाला बदलत असल्याचे दिसत आहे. मतमोजणीच्या आणखी बऱ्याच फेऱ्या बाकी आहेत. काही वेळापूर्वी भाजप ११६ जागांवर आघाडीवर होते तर काँग्रेस ९६ जागांवर होती.
-
भाजप ११६ जागांवर आघाडीवर
कर्नाटकच्या सर्व २२४ जागांचे कल हाती आले आहेत. त्यानुसार भाजप ११६ जागांवर आघाडीवर आहे. तर काँग्रेस ९६ जागांवर आघाडीवर आहे. क्षणक्षणाला हे आकडे खालीवर होत आहे. तर जेडीएस १४ जागांवर आघाडीवर आहे. सुरुवातीच्या कलांमध्ये भाजपने बहुमताचा आकडा गाठला आहे. दोन्ही पक्षांकडून जोरदार प्रचार करण्यात आला होता.
-
भाजपा पूर्ण बहुमताने सरकार स्थापन करेल- बसवराज बोम्मई
कर्नाटकच्या दृष्टीने आजचा दिवस मोठा आहे. मला विश्वास आहे की, भाजपा पूर्ण बहुमताने राज्यात पुन्हा सरकार स्थापन करेल- मुख्यमंत्री बसवराज बोम्मई
#WATCH | Today is a big day for Karnataka as the people's verdict for the state will be out. I am confident that BJP will win with absolute majority and give a stable government, says Karnataka CM Basavaraj Bommai, in Hubballi. pic.twitter.com/8r9mKGiTIe
— ANI (@ANI) May 13, 2023
Tags
संबंधित बातम्या
उद्या मोदींकडून होणार होतं उद्घाटन त्या अगोदरच रिफानरीला भीषण आग; नेमकं काय घडलं?
