Smriti Irani : स्मृती इराणी पुन्हा मंत्री होणार? उत्तर प्रदेशातून राज्यसभेची निवडणूक लढण्याची शक्यता

Smriti Irani : माजी केंद्रीय मंत्री स्मृती इराणी पुन्हा एकदा देशातील राजकीय वर्तुळात चर्चेत असून स्मृती इराणी पुन्हा एकदा केंद्रीय मंत्री

Smriti Irani : माजी केंद्रीय मंत्री स्मृती इराणी पुन्हा एकदा देशातील राजकीय वर्तुळात चर्चेत असून स्मृती इराणी पुन्हा एकदा केंद्रीय मंत्री होणार असल्याची शक्यता वर्तवण्यात येत आहे. नुकतंच निवडणूक आयोगाने उत्तर प्रदेशातील 10 राज्यसभेच्या जागांसाठी निवडणुकीची घोषणा केली आहे. यावेळी भाजप नवीन चेहऱ्यांना संधी देणार असल्याची चर्चा आहे. राष्ट्रीय सरचिटणीस स्मृती इराणी (Smriti Irani) आणि हरीश द्विवेदी (Harish Dwivedi) यांना उत्तर प्रदेश कोट्यातून राज्यसभेवर पाठवण्याची तयारी भाजपकडून होत असल्याची माहिती समोर येत आहे.

राज्यातील राज्यसभेच्या 10 जागांसाठीची निवडणूक प्रक्रिया 29 सप्टेंबरपासून सुरू होत आहे. निवडणुकीसाठी असलेल्या या 10 जागांपैकी सध्या आठ जागा भाजपच्या ताब्यात आहेत, तर समाजवादी पक्ष (SP) आणि बहुजन समाज पक्षाकडे (BSP) प्रत्येकी एक जागा आहे. यावेळी या जागांची विभागणी भाजप आणि समाजवादी पक्ष यांच्यात होईल. बसपाचे एकमेव राज्यसभा खासदार रामजी गौतम यांचा कार्यकाळ संपत असल्याने, संसदेच्या वरिष्ठ सभागृहात पक्षाचे प्रतिनिधित्व शून्य होईल. उत्तर प्रदेशातून राज्यसभेवर गेलेल्या भाजपच्या आठ खासदारांमध्ये केंद्रीय मंत्री हरदीप पुरी यांचाही समावेश आहे.

भाजपचा नवीन चेहऱ्यांच्या शोधात

गीता शाक्य आणि सीमा द्विवेदी यांच्या जागी नवीन चेहरे आणण्याचाही पक्ष विचार करत आहे. गीता यांच्या जागी येण्यासाठी अनेक उमेदवार शर्यतीत आहेत, ज्यामध्ये त्याच समाजातील ममताश शाक्य यांचाही समावेश आहे. ओबीसी कोट्यातून प्रकाश पाल हे देखील दावेदार आहेत ते सध्या पक्षाच्या ओबीसी मोर्चाचे प्रदेशाध्यक्ष म्हणून काम पाहत आहेत. दलित उमेदवारांमध्ये विद्यासागर हे देखील दावेदार आहेत. पक्ष सामाजिक समीकरणांवर विशेष लक्ष केंद्रित करत आहे.

स्मृती इराणी यांना मिळू शकते उमेदवारी

अंदमान आणि निकोबारचे नायब राज्यपाल म्हणून नियुक्ती झाल्यानंतर डॉ. दिनेश शर्मा यांनी 11 सप्टेंबर रोजी राजीनामा दिला. त्यांच्या जागी ब्राह्मण कोट्यातून हरीश द्विवेदी यांच्यावर पक्ष विश्वास दाखवू शकतो. अलीकडच्या काळात केंद्रीय नेतृत्वाचा हरीश यांच्यावरील विश्वास वाढला आहे. यावेळी उत्तर प्रदेशातून स्मृती इराणी हे सर्वात मोठे नाव असू शकते. पक्ष स्मृती यांच्या सेवांचा वापर उत्तर प्रदेशपासून ते केंद्रापर्यंतच्या विविध स्तरांवर करू शकतो आणि त्याद्वारे महिलांसाठीच्या कोट्याची अटही पूर्ण होऊ शकते. भाजपची लवकरच बैठक होणार आहे.

उत्तर प्रदेशमध्ये कोणाचे वर्चस्व अधिक आहे?

तर दुसरीकडे सध्याच्या विधानसभेतील संख्याबळाचा विचार करता, भाजपकडे सर्वाधिक जागा असण्याची शक्यता आहे आणि त्यानंतर समाजवादी पक्षाचा (SP) क्रमांक लागतो. आग्र्यातील फतेहाबाद मतदारसंघातील भाजपचे आमदार छोटेलाल वर्मा यांच्या अलीकडील निधनानंतर, 403 सदस्यांच्या विधानसभेत भाजप आघाडीकडे 288 आमदार आहेत. यामध्ये भाजपचे 255, अपना दल (सोनेलाल) चे 13, राष्ट्रीय लोक दल (RLD) चे 9, सुहेलदेव भारतीय समाज पक्षाचे (सुभासपा) 6 आणि निषाद पक्षाचे 5 आमदार यांचा समावेश आहे.

कोपर्डी प्रकरणात मोठी घडामोड; मुंबई उच्च न्यायालयाचे न्यायमूर्ती घटनास्थळाची करणार प्रत्यक्ष पाहणी

सपा-काँग्रेस आघाडीकडे सुमारे 103 आमदार आहेत, ज्यामध्ये सपाच्या 101 आमदारांचा समावेश आहे. याव्यतिरिक्त जनसत्ता दल (लोकतांत्रिक) चे दोन आणि तीन अपक्ष आमदार आहेत. या तीन अपक्ष आमदारांमध्ये उत्तर प्रदेश सरकारमधील अन्नपुरवठा मंत्री मनोज कुमार पांडे यांचा समावेश आहे. हे तिघेही सपाच्या तिकिटावर निवडून आले होते.

संबंधित बातम्या