डॉ. अतुलबाबा भोसलेंसाठी देवेंद्र फडणवीस मैदानात, शुक्रवारी मलकापुरात घेणार जाहीर सभा

Atulbaba Bhosle : भारतीय जनता पार्टी, शिवसेना, राष्ट्रवादी काँग्रेस, आर.पी.आय. व मित्रपक्षांच्या महायुतीचे कराड दक्षिणमधील अधिकृत उमेदवार डॉ. अतुलबाबा सुरेश भोसले (Atulbaba Bhosle) यांच्या प्रचारार्थ मलकापूर (ता. कराड) येथे राज्याचे उपमुख्यमंत्री देवेंद्र फडणवीस (Devendra Fadnavis) यांची जाहीर सभा आयोजित करण्यात आली आहे.

शुक्रवार दि. 15 नोव्हेंबर 2024 रोजी सकाळी 11.30 वाजता मलकापुरातील बैल बाजार रोडवरील श्री गणपती मंदिरामागील भव्य पटांगणावर ही सभा होणार आहे. विधानसभा निवडणुकीचा प्रचार आता शिगेला पोहचला आहे. या निवडणुकीच्या प्रचारात भाजपा – महायुतीचे कराड दक्षिणचे उमेदवार डॉ. अतुलबाबा भोसले यांनी आघाडी घेत, राष्ट्रीय व राज्य पातळीवरील नेत्यांच्या सभांच्या माध्यमातून प्रचाराचे रान चांगलेच तापविण्याचा प्रयत्न सुरु केला आहे.

नुकतीच विंग (ता. कराड) येथे केंद्रीय गृहमंत्री अमित शाह (Amit Shah) यांची अलोट गर्दीत जाहीर प्रचार सभा पार पडली. त्यानंतर आता मलकापूर (ता. कराड) येथे शुक्रवारी (ता. 15) सकाळी 11.30 वाजता उपमुख्यमंत्री देवेंद्र फडणवीस यांची जाहीर सभा आयोजित करण्यात आली आहे. या सभेला जिल्ह्यातील भाजपा आणि महायुतीतील घटक पक्षांचे प्रमुख नेते उपस्थित राहणार आहेत.

या सभेची मलकापुरातील भव्य पटांगणावर जय्यत तयारी सुरु असून, कार्यकर्त्यांनी व जनतेने मोठ्या संख्येने या सभेला उपस्थित राहावे, असे आवाहन भाजपाचे तालुकाध्यक्ष पैलवान धनंजय पाटीर यांनी केले आहे.

माझ्या विरोधात एक भाजपचे अधिकृत तर एक अनधिकृत उमेदवार, अनुराधा नागवडेंचा विरोधकांना टोला

राज्यात विधानसभा निवडणुकीसाठी एकाच टप्प्यात 20 नोव्हेंबर रोजी मतदान होणार आहे. तर 23 नोव्हेंबर रोजी मत मोजणी होणार आहे. राज्यात यावेळी महाविकास आघाडी आणि महायुतीमध्ये मुख्य लढत पाहायला मिळत आहे.

संबंधित बातम्या