आदिनाथ कोठारेचा नवा अवतार! ‘डिटेक्टिव धनंजय’मधील लूकनं प्रेक्षकांचं लक्ष वेधलं

बॉलिवुडमध्ये बड्या प्रोजेक्ट्सचा भाग होत असताना सध्या अभिनेता आदिनाथ कोठारे हा चर्चेत आहे.

Adinath Kothare Detective Dhananjay Web Series : बॉलिवुडमध्ये बड्या प्रोजेक्ट्सचा भाग होत असताना सध्या अभिनेता आदिनाथ कोठारे हा चर्चेत आहे. नुकतीच त्याने एक खास आणि एक मोठी घोषणा करून रसिक प्रेक्षकांना खास सरप्राइज दिलं होत. आदिनाथ लवकरच एका वेब सीरिजमधून प्रेक्षकांच्या भेटीला येणार असून नुकताच त्याचा प्रोमो देखील समोर आला आहे. या प्रोमोमधला आदिनाथचा लूक लक्षवेधी ठरतोय.

एका डिटेक्टिवच्या भूमिकेत

झी 5 मराठी ओरिजनल अंतर्गत लवकरच प्रेक्षकांच्या भेटीला येत असलेल्या डिटेक्टिव धनंजयमध्ये तो एका डिटेक्टिवच्या (Detective Dhananjay Web Series) भूमिकेत बघायला मिळतोय. सोबतीला आदिनाथ या नव्या वेब सीरिजसाठी अभिनेता आणि निर्माता या दोन्ही भूमिका बजावताना (Adinath Kothare) दिसणार आहे.

बड्या प्रोजेक्ट्सचा भाग

मराठी इंडस्ट्री मधली दोन मोठ्या निर्मिती संस्था एकत्र येऊन ‘डिटेक्टिव धनंजय’ या वेब सीरिजची निर्मिती करणार असून श्रीरंग गोडबोले यांची इंडियन मॅजिक आय आणि आदिनाथ कोठारेची स्टोरीटेलर्स नुक प्रायव्हेट लिमिटेड या दोन बड्या निर्मिती संस्थांच्या माध्यमातून याची (Entertainment News) निर्मिती होणार आहे. कादंबरीकार बाबूराव अर्नाळकर यांचं धनंजय हे पात्र या वेब शो मधून उलगडणार आहे. आदिनाथची करारी नजर आणि त्याचे डिटेक्टिव स्किल्स यातून उलगडणार का? हे बघण उत्सुकतेचं असणार आहे.

दुहेरी भूमिका बजावत

एकीकडे अभिनेता म्हणून सुरू असलेला आदिनाथचा प्रवास तर दुहेरी भूमिका बजावत कायम उत्तम कलाकृतीची निर्मिती करून प्रेक्षकांना वैविध्यपूर्ण प्रोजेक्ट्स तो देतोय. येणाऱ्या काळात देखील आदिनाथ रामायण, गांधी सारख्या अनेक बड्या बॉलिवूड प्रोजेक्ट्सचा मोठा भाग होणार आहे.

संबंधित बातम्या