‘ऐल्फा’ म्हणजे अॅटिट्यूडचा उत्सव… हा मजेदार पॉपकॉर्न एंटरटेनर करताना मी खूप धमाल केली!’ – आलिया भट्ट

आलिया सांगते की तिच्या कारकिर्दीतील ‘ऐल्फा’ हा लिंगभेदाच्या पलीकडे जाऊन ‘ऐल्फा’ वृत्तीचा उत्सव साजरा करणारा चित्रपट आहे.

‘Alpha’ means a celebration of attitude : यशराज फिल्म्सचा ‘ऐल्फा’ हा भारतात याआधी कधीही न पाहिलेला मोठ्या बजेटचा पॉपकॉर्न अॅक्शन एंटरटेनर आहे, ज्याच्या केंद्रस्थानी दोन महिला सुपरस्टार्स – आलिया भट्ट आणि शर्वरी – आहेत. आलिया सांगते की हा चित्रपट करताना तिने तिच्या कारकिर्दीतील सर्वात आनंददायी अनुभवांपैकी एक अनुभवला आणि ‘ऐल्फा’ हा लिंगभेदाच्या पलीकडे जाऊन ‘ऐल्फा’ वृत्तीचा उत्सव साजरा करणारा चित्रपट आहे.

आलिया म्हणते,“ऐल्फा करताना मला खूप मजा आली. चित्रपटाच्या सेटवरचा हा कदाचित माझ्या आयुष्यातील सर्वात आनंददायी अनुभवांपैकी एक होता. अॅक्शन, भव्यता आणि साहसाने भरलेल्या या जगात प्रवेश करण्याचा अनुभव खूपच रोमांचक होता. या चित्रपटाने मला अशा पद्धतीने आव्हान दिले, जे मी याआधी कधी अनुभवले नव्हते आणि त्यातील प्रत्येक क्षण मला आवडला.”

WhatsApp Pay ला अपेक्षित यश न मिळाल्यानंतर Meta ची नवी रणनीती, कुणाल शाह यांच्या नावामागंच नेमकं गणित काय?

ती पुढे म्हणते, “मला सर्वात जास्त आवडलेली गोष्ट म्हणजे या चित्रपटाच्या केंद्रस्थानी दोन महिला आहेत, ज्या संपूर्ण अॅक्शनची धुरा सांभाळत आहेत. असे चित्र फारसे पाहायला मिळत नाही आणि त्याचा भाग होण्यात मला खूप आनंद झाला. अल्फा हा अॅटिट्यूडचा उत्सव आहे आणि चित्रपटगृहात साजरा करण्यासारखा एक मोठा सिनेमॅटिक अनुभव आहे.” आलिया सांगते की या अॅक्शन एंटरटेनरच्या सेटवर जाण्यासाठी ती दररोज उत्सुक असायची.

ती म्हणते, “हा अनुभव आणखी खास बनवणारी गोष्ट म्हणजे इतक्या अप्रतिम टीमसोबत काम करण्याची संधी. आमचे दिग्दर्शक, कलाकार, अॅक्शन टीम किंवा पडद्यामागील संपूर्ण क्रू – प्रत्येकामध्ये आम्ही काय तयार करत आहोत याबद्दल प्रचंड उत्साह होता. मला वाटते त्या उर्जेचा काही भाग पडद्यावरही दिसून येईल. दररोज सकाळी सेटवर जाण्याची मी आतुरतेने वाट पाहत असे आणि प्रत्येक क्षणाचा मनापासून आनंद घेतला.”

आदित्य चोप्रा निर्मित आणि ‘द रेल्वे मेन’ फेम दिग्दर्शक शिव रवैल दिग्दर्शित ‘ऐल्फा’ हा चित्रपट ३ जुलै रोजी जगभरातील चित्रपटगृहांमध्ये प्रदर्शित होणार आहे.

संबंधित बातम्या