‘आवारापन 2’ची बॉक्स ऑफिसवर दमदार घोडदौड; शंभर कोटींचा टप्पा पार

Awarapan 2 या चित्रपटाने भारतीय बॉक्स ऑफिसवर १०० कोटींच्या कमाईचा टप्पा ओलांडला आहे.

‘Awarapan 2’ on strong run at box office crosses hundred crore mark : विशेष भट्ट निर्मित ‘आवारापन 2’ची बॉक्स ऑफिसवरील यशस्वी वाटचाल सुरूच आहे. इमरान हाश्मी प्रमुख भूमिकेत असलेल्या या चित्रपटाने भारतीय बॉक्स ऑफिसवर १०० कोटींच्या कमाईचा टप्पा ओलांडला आहे. प्रदर्शनाच्या पहिल्याच दिवसापासून चित्रपटाला प्रेक्षकांचा उत्स्फूर्त प्रतिसाद मिळत असून, २०२६ मधील आतापर्यंतच्या सर्वाधिक ओपनिंग मिळवणाऱ्या चित्रपटांमध्ये ‘आवारापन 2’ने तिसरे स्थान पटकावले आहे. चित्रपटातील शिवम पंडित या व्यक्तिरेखेलाही चाहत्यांकडून मोठी पसंती मिळत आहे. दिवसेंदिवस ‘आवारापन 2’बद्दलची प्रेक्षकांची उत्सुकता आणि चित्रपटाला मिळणारा प्रतिसाद वाढताना दिसत आहे.

पाच दिवसांत १०४.६३ कोटींची कमाई

भारतीय बॉक्स ऑफिसवरील चित्रपटाची दिवसनिहाय कमाई पुढीलप्रमाणे आहे—

१४ ऑगस्ट: २३.४ कोटी रुपये
१५ ऑगस्ट: ३४.०९ कोटी रुपये
१६ ऑगस्ट: २६.८२ कोटी रुपये
१७ ऑगस्ट: १०.०६ कोटी रुपये
१८ ऑगस्ट: १०.२६ कोटी रुपये

एकूण कमाई: १०४.६३ कोटी रुपये (भारत नेट बॉक्स ऑफिस)

इमरान हाश्मींसह दमदार कलाकारांची फौज

‘आवारापन 2’चे दिग्दर्शन नितीन कक्कर यांनी केले आहे. चित्रपटाची कथा आणि पटकथा बिलाल सिद्दीकी आणि विशेष भट्ट यांनी लिहिली आहे. चित्रपटात इमरान हाश्मी, दिशा पटानी, शबाना आझमी, पूरन गब्बी, सुविंदर विक्की आणि अनिरुद्ध रावल यांच्या प्रमुख भूमिका आहेत.

मुकेश भट्ट आणि विशेष फिल्म्स यांच्या सादरीकरणाखाली तयार झालेल्या या चित्रपटाची निर्मिती विशेष भट्ट यांनी केली आहे. दीपेश शाह आणि सुनमन सूद हे सहनिर्माते आहेत. ‘आवारापन 2’ सध्या जगभरातील चित्रपटगृहांमध्ये प्रदर्शित होत असून, भारतातील चित्रपट वितरणाची जबाबदारी पेन मरुधर यांनी सांभाळली आहे.

संबंधित बातम्या