Fawad Khan: फवाद खानचा ‘भूल भुलैया 3’ मधून बॉलिवूडमध्ये पुनरागमन? निर्मात्याने थेटच सांगितले

Fawad Khan Bollywood Comeback: 2022 मध्ये ‘भूल भुलैया 2’ च्या (Bhool Bhulaiya 2) ब्लॉकबस्टर यशानंतर, प्रेक्षक कार्तिक आर्यनला (Karthik Aryan) ‘भूल भुलैया 3’ मध्ये रुह बाबाची भूमिका साकारताना पाहण्याची वाट पाहत आहेत. अनीस बज्मी दिग्दर्शित या हॉरर-कॉमेडीमध्ये कार्तिक आर्यनसोबत तृप्ती डिमरी (Tripti Dimri) मुख्य भूमिकेत दिसणार आहे. त्याचवेळी विद्या बालन (Vidya Balan) या हॉरर कॉमेडी सिनेमात पुनरागमन करत आहे. 2007 मध्ये आलेल्या ‘भूल भुलैया’ चित्रपटात विद्या बालन, अक्षय कुमार आणि शायनी आहुजा मुख्य भूमिकेत होते. या चित्रपटात माधुरी दीक्षित नेनेही दिसणार आहे.

 

View this post on Instagram

 

A post shared by Fawad A Khan (@fawadkhan81)

या शानदार अभिनेत्यांपैकी, एका पाकिस्तानी अभिनेत्याने चित्रपटात प्रवेश केल्याची माहिती देखील अलीकडेच पसरली होती. पाकिस्तानी अभिनेता फवाद खान ‘भूल भुलैया 3’ मध्ये छोट्या भूमिकेत दिसणार असल्याची अफवा मंगळवारी सुरू झाली. यासोबत पाकिस्तानी अभिनेता 8 वर्षांनंतर बॉलिवूडमध्ये पुनरागमन करणार असल्याचे बोलले जात होते. मात्र, चित्रपटाचे निर्माते भूषण कुमार यांनी ते लगेचच फेटाळून लावले.

वाणी कपूरसोबत बॉलीवूडमध्ये परतणार का?

अलीकडेच अशी माहिती आली होती की, फवाद खान भारतीय अभिनेत्री वाणी कपूरसोबत रोमँटिक-कॉमेडी चित्रपटातून बॉलिवूडमध्ये पुनरागमन करण्यास तयार आहे. हा आंतरराष्ट्रीय प्रकल्प एक हिंदी भाषेतील चित्रपट आहे, जो संपूर्णपणे युनायटेड किंगडममध्ये शूट केला जाईल. मात्र, याबाबत अद्याप कोणतीही अधिकृत घोषणा करण्यात आलेली नाही.

Bhool Bhulaiyaa 3: ‘भूल भुलैया 3’बद्दल कार्तिकने दिली मोठी अपडेट, पोस्ट करत म्हणाला

‘भूल भुलैया 3’ पुन्हा ‘सिंघम’शी टक्कर

कार्तिक आर्यन स्टारर ‘भूल भुलैया 3’ बॉक्स ऑफिसवर ‘सिंघम अगेन’शी टक्कर देण्यासाठी सज्ज आहे, कारण दोन्ही चित्रपट दिवाळीला थिएटरमध्ये दाखल होणार आहेत. रोहित शेट्टी दिग्दर्शित या ॲक्शन ड्रामामध्ये अजय देवगण, दीपिका पदुकोण, करीना कपूर खान, अक्षय कुमार, रणवीर सिंग, टायगर श्रॉफ, अर्जुन कपूर आणि जॅकी श्रॉफ यांच्या भूमिका आहेत.

संबंधित बातम्या