भारतीय सिनेमाचा ग्लोबल विस्तार! प्राईम व्हिडिओ आणि मॅडॉक फिल्म्सचा मोठा निर्णय

Global expansion of Indian cinema! Big decision by Prime Video and Maddock Films : प्राईम व्हिडिओ, भारतातील आघाडीचा ओटीटी प्लॅटफॉर्म, आणि प्रसिद्ध प्रॉडक्शन हाऊस मॅडॉक फिल्म्स यांनी आज एक महत्त्वपूर्ण करार जाहीर केला आहे. या मल्टी-ईयर लाइसेंसिंग कोलॅबोरेशन अंतर्गत, मॅडॉक फिल्म्सच्या ८ बहुप्रतिक्षित चित्रपटांचे वर्ल्डवाइड-एक्सक्लुसिव्ह स्ट्रीमिंग हक्क आता प्राईम व्हिडिओकडे असणार आहेत.

हॉरर-कॉमेडी, रोमॅंटिक फ्रँचायझी आणि थरारक चित्रपटांचा समावेश

या डीलमध्ये मॅडॉक फिल्म्सच्या लोकप्रिय हॉरर-कॉमेडी युनिव्हर्सचे आगामी चित्रपट, जसे की थामा आणि याच युनिव्हर्समधील आणखी दोन अनाउंस न झालेल्या टायटल्सचा समावेश आहे. याशिवाय, परम सुंदरी (सिद्धार्थ मल्होत्रा आणि जान्हवी कपूर यांच्या प्रमुख भूमिका), शिद्दत २, बदलापूर २, तसेच श्रीराम राघवन दिग्दर्शित इक्कीस (ज्यात अगस्त्या नंदा मुख्य भूमिकेत आहेत) हे चित्रपटही या कराराचा भाग आहेत. या सर्व चित्रपटांचे थिएटर रिलीज २०२५ ते २०२७ दरम्यान होणार असून, त्यानंतर अल्पावधीतच हे चित्रपट प्राईम व्हिडिओवर २४० हून अधिक देशांमध्ये स्ट्रीमिंगसाठी उपलब्ध होतील.

आनंदाची बातमी! गणेशोत्सवासाठी गावी जाणाऱ्या चाकरमान्यांना टोलमाफी; DCM एकनाथ शिंदेंचा निर्णय

स्त्री २ सारख्या ब्लॉकबस्टरने मॅडॉक फिल्म्सच्या हॉरर-कॉमेडी युनिव्हर्सची धमक दाखवून दिली होती. या फ्रँचायझीने थिएटरनंतर OTT प्लॅटफॉर्मवरही जबरदस्त लोकप्रियता मिळवली. प्राईम व्हिडिओ आता या युनिव्हर्सचे अधिकृत डिजिटल घर बनणार आहे. डीलनंतर प्राईम व्हिडिओने हे पुन्हा एकदा स्पष्ट केलं आहे की ते भारतीय मनोरंजनाला ग्लोबल स्टेजवर आणण्यासाठी पूर्णपणे कटिबद्ध आहेत. हे चित्रपट फक्त भारतातच नव्हे, तर जगभरातील प्रेक्षकांसाठी देखील उपलब्ध असतील — आणि तेही थिएटर रिलीजनंतर लवकरच.

आधीच्या यशस्वी भागीदारीचा पुढचा टप्पा

प्राईम व्हिडिओ आणि मॅडॉक फिल्म्स यांचं हे सहकार्य आधीही यशस्वी ठरलं आहे. स्त्री, स्त्री २, तेरी बातों में ऐसा उलझा जिया यांसारख्या चित्रपटांनी आणि भूल चुक माफ, जी करदा यांसारख्या कंटेंटने प्रेक्षकांच्या मनात विशेष स्थान मिळवलं आहे.

काय म्हणाले प्रमुख पदाधिकारी?

मनीष मेंघानी, डायरेक्टर आणि हेड ऑफ कंटेंट लाइसेंसिंग, प्राईम व्हिडिओ इंडिया म्हणाले,“दिनेश विजन यांच्या मॅडॉक फिल्म्ससोबत आमचं हे सहकार्य आणखी बळकट झालं आहे याचा आम्हाला आनंद आहे. या ८ चित्रपटांच्या स्लेटमध्ये हॉरर-कॉमेडीपासून ते फ्रँचायझी सिक्वेल्सपर्यंत सर्व काही आहे. आम्ही भारतातील उत्तम कथा जगभर पोहोचवण्याचं काम करत आहोत.”

फ्रिजमध्ये अन्न किती दिवस सुरक्षित? चुकीच्या पद्धतीने आरोग्य धोक्यात

दिनेश विजन, सीईओ आणि फाउंडर, मॅडॉक फिल्म्स म्हणाले, “आम्ही अशा कथा सांगण्यावर विश्वास ठेवतो ज्या प्रेक्षकांना आश्चर्यचकित करतात, भावनिक करतात आणि आठवणीत राहतात. प्राईम व्हिडिओ हे आमच्यासारख्याच व्हिजनसह काम करतं. हा दीर्घकालीन करार भारतीय कथा जगभर पोहचवण्याच्या आमच्या ध्येयाचा नैसर्गिक विस्तार आहे.”

…म्हणून तेजस्विनीने सुरू केलं टेम्पल ट्रेलस! नव्या माध्यमातून करणार प्रेक्षकांचं मनोरंजन

हा करार भारतीय सिनेमाच्या जागतिक वाटचालीत एक महत्त्वाचा टप्पा ठरणार आहे. प्राईम व्हिडिओवरून आता घरबसल्या प्रेक्षकांना थिएटर क्वालिटी कंटेंट पाहण्याचा सुवर्णसंधी मिळणार आहे — तीही भारतातच नव्हे तर संपूर्ण जगभर!