‘रामायण’मध्ये लारा दत्ता आणि शीबा चढ्ढा यांची महत्त्वपूर्ण भूमिका; कैकेयी आणि मंथरेच्या रुपातील नवी पोस्टर्स प्रदर्शित

Ramayana: ‘रामायण’च्या निर्मात्यांनी राणी कैकेयीच्या भूमिकेतील लारा दत्ता आणि मंथरेच्या भूमिकेतील शीबा चढ्ढा यांची दोन नवी व्यक्तिरेखा पोस्टर्स सादर केली आहेत.

Ramayana : नमित मल्होत्रा यांच्या ‘रामायण’च्या (Ramayana) निर्मात्यांनी राणी कैकेयीच्या भूमिकेतील लारा दत्ता (Lara Dutta) आणि मंथरेच्या भूमिकेतील शीबा चढ्ढा ( Sheeba Chadha) यांची नवी व्यक्तिरेखा पोस्टर्स सादर केली आहेत. या माध्यमातून महाकाव्यातील दोन महत्त्वपूर्ण व्यक्तिरेखांवर प्रकाश टाकण्यात आला असून, प्रभू श्रीरामांचे भाग्य कायमचे बदलून टाकणाऱ्या घटनांची झलक पाहायला मिळत आहे. ‘रामायण’च्या निर्मात्यांनी राणी कैकेयीच्या भूमिकेतील लारा दत्ता आणि मंथरेच्या भूमिकेतील शीबा चढ्ढा यांची दोन नवी व्यक्तिरेखा पोस्टर्स सादर केली आहेत. या पोस्टर्सच्या माध्यमातून महाकाव्याच्या कथानकाला निर्णायक वळण देणाऱ्या दोन महत्त्वपूर्ण व्यक्तिरेखांची प्रेक्षकांना ओळख करून देण्यात आली आहे.

तमिळ कुटुंबात जन्म, दक्षिण आफ्रिकेत वर्णद्वेषाविरोधात लढा; शांततेच्या नोबेल मिळालेल्या पिल्लई कोण आहेत ?

या पोस्टर्समधून कथेतील एका निर्णायक वळणाची झलक पाहायला मिळते. कैकेयीच्या दोन वरांमुळे राजा दशरथ आणि प्रभू श्रीराम यांच्या आयुष्याची दिशा बदलणार होती, तर मंथरेच्या कानभरणीमुळे राणी कैकेयीच्या निर्णयांवर प्रभाव पडणार होता. याच घटनांमुळे संपूर्ण राज्याचे भविष्य बदलून जाणार होते. या आधी निर्मात्यांनी राजा दशरथ यांच्या भूमिकेतील अरुण गोविल यांचे पोस्टर प्रदर्शित केले होते. त्यानंतर या नव्या पोस्टर्समुळे दोन भागांमध्ये साकारल्या जाणाऱ्या या महाकाव्यातील कलाकारांच्या संचात आणखी दोन महत्त्वपूर्ण व्यक्तिरेखांची भर पडली आहे.

ऑस्कर 2027 प्रवेशानंतर आता होम्बळे फिल्म्सच्या माध्यमातून मराठी चित्रपट ‘गोंधळ’ जगभरात प्रदर्शित होणार

अनेक पिढ्यांच्या मनात दूरचित्रवाणीवरील प्रभू श्रीरामांच्या भूमिकेमुळे अढळ स्थान निर्माण करणारे अरुण गोविल आता ‘रामायण’च्या जगात अयोध्येचे राजा म्हणून पुन्हा एकदा प्रेक्षकांसमोर येणार आहेत. लारा दत्ता यांची कैकेयीच्या भूमिकेतील व्यक्तिरेखा राजेशाही थाटात सादर करण्यात आली आहे. त्यांचा पारंपरिक पोशाख आणि अलंकार अयोध्येच्या राणीचे वैभव अधोरेखित करतात. दुसरीकडे, शीबा चढ्ढा यांची मंथरेच्या भूमिकेतील व्यक्तिरेखा वेगळ्या रूपात पाहायला मिळते. त्यांच्या पोस्टरमध्ये त्या हातात काठी घेतलेल्या दिसत आहेत.

निर्मात्यांनी सोशल मीडियावर ही पोस्टर्स शेअर करताना पुढील मजकूर लिहिला “एक राणी. एक आई. दोन वर, जे पित्याच्या प्रेमाला आव्हान देत श्रीरामांचे भाग्य कायमचे बदलून टाकणार होते. एक कपटी बुद्धी. जिच्या कानभरणीमुळे आईच्या प्रेमाचे रूपांतर संपूर्ण राज्याच्या सर्वांत अंधकारमय क्षणात होणार होते.

राणी कैकेयीच्या भूमिकेत लारा दत्ता, मंथरेच्या भूमिकेत शीबा चढ्ढा
या व्यक्तिरेखा पोस्टर्समुळे कैकेयी आणि मंथरा या दोन्ही व्यक्तिरेखांची पहिली झलक प्रेक्षकांना पाहायला मिळाली आहे. पोस्टर्ससोबतच्या मजकुरातून श्रीरामांच्या जीवनप्रवासाला आकार देणाऱ्या महत्त्वपूर्ण घटनांमध्ये या दोघींची भूमिका किती निर्णायक ठरणार आहे, याचे संकेत मिळतात. नितेश तिवारी दिग्दर्शित ‘रामायण’मध्ये रणबीर कपूर प्रभू श्रीरामांच्या, साई पल्लवी सीतेच्या, रॉकिंग स्टार यश रावणाच्या, सनी देओल हनुमानाच्या, तर रवी दुबे लक्ष्मणाच्या भूमिकेत दिसणार आहेत.

नमित मल्होत्रा यांच्या प्राइम फोकस स्टुडिओजची निर्मिती असलेल्या या चित्रपटाची निर्मिती आठ वेळा ऑस्कर पुरस्कार जिंकलेल्या DNEG आणि यशच्या मॉन्स्टर माइंड क्रिएशन्स यांच्या सहकार्याने करण्यात येत आहे. ‘रामायण’ची दोन भागांमध्ये भव्य महाकाव्य म्हणून निर्मिती करण्यात येत आहे. या चित्रपटाचा पहिला भाग 5 नोव्हेंबर 2026 रोजी जगभरातील चित्रपटगृहांमध्ये प्रदर्शित होणार आहे. तर दुसरा भाग दिवाळी 2027 मध्ये प्रेक्षकांच्या भेटीला येईल. हा चित्रपट भारतभर हिंदी, तमिळ, तेलुगू, कन्नड आणि मल्याळम् या भाषांमध्ये प्रदर्शित होणार आहे. ‘रामायण’ IMAX स्वरूपातही प्रदर्शित होणार आहे. भारत वगळता जगभरातील वितरणाची जबाबदारी सोनी पिक्चर्सकडे असेल, तर हिंदी भाषिक बाजारपेठेतील वितरणाची जबाबदारी धर्मा प्रॉडक्शन्स सांभाळणार आहे.

संबंधित बातम्या