मर्दानी ३ चित्रपट बॉक्स ऑफिसवर सुसाट; भारतात 50 कोटी तर जगभरात 75 कोटींचा टप्पा पार

बॉक्स ऑफिसवर मर्दानी 3चे यश प्रेक्षकांच्या प्रचंड प्रेमासह एक शांत पण ठाम संदेश देत असल्याचे राणी मुखर्जी सांगतात.

Mardaani 3 movie is doing well at the box office : यश राज फिल्म्सची मर्दानी 3 या अत्यंत प्रशंसित मर्दानी फ्रँचायझीला पुढे नेत बॉक्स ऑफिसवर भक्कम यश मिळवत आहे. मर्दानी 3 ही आता फ्रँचायझीतील सर्वाधिक कमाई करणारी फिल्म ठरली असून, आज तिने भारतात 50 कोटी रुपये आणि जागतिक पातळीवर 75 कोटी रुपयांचा महत्त्वाचा टप्पा ओलांडला आहे. ज्या काळात बॉक्स ऑफिसवर ‘अल्फा मेल’ पात्रांचे वर्चस्व दिसून येत आहे, त्या वेळी मर्दानी 3चे यश प्रेक्षकांच्या प्रचंड प्रेमासह एक शांत पण ठाम संदेश देत असल्याचे राणी मुखर्जी सांगतात.

राणी म्हणतात, “मर्दानी 3ने प्रेक्षकांशी इतक्या मोठ्या प्रमाणावर नाते जोडले याबद्दल मी मनापासून कृतज्ञ आहे. जेव्हा बॉक्स ऑफिसवरील चर्चा ‘अल्फा मेल’ पात्रांभोवती फिरत आहे, तेव्हा हे यश एक महत्त्वाची गोष्ट सिद्ध करते, महिला प्रधान चित्रपटांनाही प्रेक्षक आहेत. इंडस्ट्रीने याची नोंद घ्यावी आणि भविष्यात अशा आणखी चित्रपटांची निर्मिती व्हावी अशी माझी इच्छा आहे.”

त्या पुढे म्हणतात, “शिवानी शिवाजी रॉय ही कोणाचीही ‘महिला आवृत्ती’ म्हणून लिहिलेली नाही. ती फक्त एक नायक आहे, प्रामाणिकपणा, धैर्य आणि करुणेने घडलेली. ती तिच्या पुरुष समकक्षांइतकीच ताकदवान आहे. प्रेक्षकांनी तिच्या कथेला दिलेला प्रतिसाद दाखवतो की महिला केवळ भावनिकच नव्हे तर व्यावसायिकदृष्ट्याही चित्रपटाचे नेतृत्व करू शकते.”

राणी पुढे म्हणते , “हा टप्पा केवळ आकड्यांपुरता मर्यादित नाही. तो इंडस्ट्रीला सांगतो की उद्देशपूर्ण कंटेंट, जो मजबूत महिला पात्राभोवती केंद्रित असतो, तोही नायक-केंद्रित चित्रपटांइतकाच प्रभावी ठरू शकतो. महिला प्रधान कथांमध्ये गुंतवणूक करणे हे जोखमीचे नाही, तर एक संधी आहे.” भारतीय सिनेमासाठी महिला प्रधान चित्रपटांचे यश अत्यावश्यक असल्याचे राणी मानतात.

आमदार रोहित पवार मुख्यमंत्र्यांना भेटले, अजित पवार प्रकरणात केली ‘ही’ मोठी मागणी

त्या म्हणतात, “मर्दानी फ्रँचायझीचे यश म्हणजे भारतीय सिनेमातील नायकत्वाची व्याख्या विस्तारत आहे. अशा प्रकारचे सिनेमा आवश्यक आहेत कारण आपल्याला विविध प्रकारचे चित्रपट बनवायचे आहेत आणि त्यात महिलेला केंद्रस्थानी ठेवणे गरजेचे आहे.” मर्दानी 3मुळे राणी मुखर्जीने या फ्रँचायझीत सलग तीन हिट चित्रपट देत हॅटट्रिक साधली आहे.

गेल्या 12 वर्षांपासून मर्दानी फ्रँचायझीला मिळणाऱ्या प्रेमाबद्दल राणी सांगतात, “शिवानी शिवाजी रॉयमध्ये ताकद आणि चिकाटीचे असे प्रतिबिंब आहे जे महिलांसाठी आणि समाजासाठी प्रेरणादायी आहे. धैर्य म्हणजे मोठ्याने गर्जना करणे नसून सातत्याने आपल्या भूमिकेवर ठाम राहणे आहे. कदाचित म्हणूनच शिवानी लोकांच्या मनात खोलवर रुजली आहे.”

धुरंधर 2 आणि टॉक्सिकच्या रिलीजपर्यंत कोणतीही मोठी स्पर्धा नसल्याने, मर्दानी 3 पुढील दिवसांतही बॉक्स ऑफिसवर आपली कमाई सुरू ठेवेल आणि आपला प्रभावी संदेश देशभर पोहोचवत राहील.

मर्दानी 3 कमाईचा तपशील:
चौथ्या आठवड्याचा एकूण – 2.52 कोटी

भारत नेट एकूण – 50.07 कोटी

जागतिक बॉक्स ऑफिस (4 आठवड्यानंतर):
भारत: 61.09 कोटी ग्रॉस
परदेश: 13.92 कोटी ग्रॉस
एकूण: 75.01 कोटी

आपल्या कारकिर्दीच्या 30व्या वर्षात राणी मुखर्जीने पुन्हा एकदा एकल नायिकेच्या भूमिकेत थिएटरमध्ये यश मिळवले आहे, जे त्यांच्या दीर्घकालीन लोकप्रियतेचे आणि बॉक्स ऑफिसवरील विश्वासार्हतेचे प्रतीक आहे. मर्दानी 3ची रिलीज ही विशेष ठरते कारण ती राणी मुखर्जींच्या सिनेमातील 30 वर्षांच्या प्रवासाशी जुळून आली असून, या ऐतिहासिक टप्प्याचे संपूर्ण इंडस्ट्रीत कौतुक आणि जल्लोष होत आहे.

संबंधित बातम्या