गणेशोत्सवानिमित्त राधिका भिडेचं नवं गाणं ‘विश्वाचा गणराज तू’ प्रदर्शित; बाप्पाच्या भक्तीचा संगीतमय नजराणा

गणेशोत्सवाच्या निमित्ताने भक्तिगीत रिलीज केलं असून बाप्पाच्या भक्तीचा अनुभव संगीताच्या माध्यमातून देण्याचा प्रयत्न या गाण्यात करण्यात आला आहे.

Radhika Bhide’s new song ‘Vishwacha Ganraj Tu’ released : गणेशोत्सवाचा उत्साह सर्वत्र पाहायला मिळत असतानाच संगीतप्रेमी आणि गणेशभक्तांसाठी एक खास गाणं प्रेक्षकांच्या भेटीला आलं आहे. गायिका राधिका भिडे हिचं नवं गणेशगीत ‘विश्वाचा गणराज तू’ प्रदर्शित करण्यात आलं आहे. टाइम्स म्युझिकने गणेशोत्सवाच्या खास निमित्ताने हे भक्तिगीत रिलीज केलं असून बाप्पाच्या भक्तीचा अनुभव संगीताच्या माध्यमातून देण्याचा प्रयत्न या गाण्यात करण्यात आला आहे.

‘विश्वाचा गणराज तू’ या गाण्याला राधिका भिडेचा आवाज लाभला आहे. समृद्धी पांडे यांनी या गाण्याचे शब्द लिहिले आहेत, तर मयूर बहुलकर यांनी संगीतबद्ध केलं आहे. गणरायाविषयी असलेली श्रद्धा आणि भक्ती शब्द-सुरांच्या माध्यमातून या गाण्यात मांडण्यात आली आहे. पारंपरिक गणेशभक्ती आणि आधुनिक संगीताचा मेळ साधण्याचा प्रयत्न या गाण्यात पाहायला मिळतो.

गणेशोत्सव म्हटलं की आरती, भजन आणि गणरायाच्या विविध गाण्यांशिवाय उत्सवाचा आनंद पूर्ण होत नाही. सार्वजनिक गणेशोत्सव मंडळांपासून घरगुती गणपतीपर्यंत सर्वत्र बाप्पाची गाणी ऐकायला मिळतात. अशातच ‘विश्वाचा गणराज तू’ या नव्या गाण्याची भर गणेशगीतांच्या यादीत पडली आहे. भक्तिमय शब्द आणि राधिका भिडेच्या आवाजामुळे हे गाणं गणेशभक्तांना विशेष अनुभव देण्याचा प्रयत्न करतं.

डीजे विरूद्ध आवाज उठवणाऱ्या बापटांवर हल्ला; फडणवीस म्हणाले, प्रत्येकाला मत मांडण्याचा अधिकार मात्र…

गाण्याच्या शीर्षकातूनच गणरायाचं विश्वव्यापी रूप अधोरेखित करण्यात आलं आहे. गणपती हा विघ्नहर्ता, बुद्धीचा अधिपती आणि भक्तांच्या संकटांना दूर करणारा गणराज अशी श्रद्धा आहे. याच भावनेला केंद्रस्थानी ठेवत ‘विश्वाचा गणराज तू’ या गाण्याची निर्मिती करण्यात आली आहे.

गायिका राधिका भिडेच्या आवाजासोबत समृद्धी पांडे यांचे शब्द आणि मयूर बहुलकर यांचं संगीत अशी या गाण्यासाठी खास टीम एकत्र आली आहे. त्यामुळे गीत, संगीत आणि गायनाचा सुरेख संगम या भक्तिगीतातून अनुभवायला मिळतो. गणेशोत्सवाच्या भक्तिमय वातावरणात हे गाणं श्रोत्यांसाठी नवा संगीतमय नजराणा ठरणार आहे.

‘विश्वाचा गणराज तू’चा व्हिडीओदेखील आता प्रेक्षकांसाठी उपलब्ध करण्यात आला आहे. टाइम्स म्युझिक स्पिरिच्युअलच्या YouTube चॅनेलवर हे गाणं प्रदर्शित करण्यात आलं असून गणेशोत्सवाच्या काळात गणरायाच्या भक्तीत रंगून जाणाऱ्या श्रोत्यांसाठी हे नवं गाणं खास आकर्षण ठरण्याची अपेक्षा आहे.

गणेशोत्सवाच्या दिवसांत अनेक नवी भक्तिगीतं प्रेक्षकांच्या भेटीला येत असतात. त्यात आता राधिका भिडेच्या ‘विश्वाचा गणराज तू’ची भर पडली आहे. भक्तिमय शब्द, सुरेल गायन आणि संगीताच्या माध्यमातून गणरायाला केलेलं हे संगीतमय वंदन गणेशभक्तांना किती पसंत पडतं, हे पाहणं उत्सुकतेचं ठरणार आहे.

संबंधित बातम्या