‘किंग’च्या आंतरराष्ट्रीय वितरणासाठी रेड चिलीज एंटरटेनमेंट, मार्फ्लिक्स पिक्चर्स अन् यशराज फिल्म्सची ऐतिहासिक भागीदारी

Shah Rukh Khan : रेड चिलीज एंटरटेनमेंट आणि मार्फ्लिक्स पिक्चर्स यांनी शाहरुख खान अभिनीत बहुप्रतिक्षित चित्रपट ‘किंग’ च्या आंतरराष्ट्रीय

Shah Rukh Khan : रेड चिलीज एंटरटेनमेंट आणि मार्फ्लिक्स पिक्चर्स यांनी शाहरुख खान अभिनीत बहुप्रतिक्षित चित्रपट ‘किंग’ च्या आंतरराष्ट्रीय वितरणासाठी यशराज फिल्म्ससोबत हातमिळवणी केली आहे. भारतीय चित्रपटसृष्टीतील तीन दिग्गज बॅनर्स एकत्र येत असल्याने ‘किंग’बाबतची उत्सुकता आणखी वाढली आहे.

2026 मध्ये प्रदर्शित होणाऱ्या सर्वात मोठ्या चित्रपटांपैकी एक असलेल्या ‘किंग’ने (King) घोषणेदरम्यानच जबरदस्त चर्चा निर्माण केली आहे. आता यशराज फिल्म्स (Yash Raj Films) आंतरराष्ट्रीय वितरणाची जबाबदारी सांभाळणार असल्याने, हा चित्रपट जगभरातील प्रमुख बाजारपेठांमध्ये भव्य स्तरावर प्रदर्शित होणार आहे.

या भागीदारीची अधिकृत घोषणा सोशल मीडियावर करण्यात आली असून, निर्मात्यांनी ‘किंग’च्या जगाची एक झलक चाहत्यांसमोर मांडली आहे. या झलकांमध्ये शाहरुख खान एका धाडसी, आक्रमक आणि नव्या अवतारात दिसत असून, भव्य लोकेशन्स आणि प्रभावी फ्रेम्समुळे चित्रपटाची दृश्यभाषा अधिक ठळक झाली आहे. या दमदार प्रतिमांमुळे चाहत्यांमध्ये प्रचंड उत्साह निर्माण झाला असून, 2026 च्या अखेरीस ‘किंग’ गर्जना करण्यास सज्ज असल्याचे संकेत मिळत आहेत.

अजित पवारांच्या बायोपिकमध्ये अभिनेता कोण? स्वतः अजितदादांनी दिलं होतं उत्तर

 

View this post on Instagram

 

A post shared by Red Chillies Entertainment (@redchilliesent)

रेड चिलीज एंटरटेनमेंट (Red Chillies Entertainment) आणि मार्फ्लिक्स पिक्चर्स (Marflix Pictures) यांच्या निर्मितीखाली तयार होणारा ‘किंग’ हा 2026 मधील सर्वाधिक अपेक्षित बिग-स्क्रीन स्पेक्टॅकल ठरणार असून, तो 24 डिसेंबर 2026 रोजी प्रदर्शित होणार आहे.

मोठी बातमी! युमनम खेमचंद सिंह होणार मणिपूरचे नवे मुख्यमंत्री

संबंधित बातम्या