सलमान खान ‘बॅटल ऑफ गलवान’साठी सज्ज? अपूर्व लाखियाच्या BTS क्लिपमुळे उत्सुकता शिगेला!
- Written By: shruti letsupp Published:
Salman Khan ready for ‘Battle of Galwan’ Apoorva Lakhia’s BTS clip raised curiosity : बॉलीवूडचा सुपरस्टार सलमान खान नेहमीच आपल्या दमदार अभिनयाने आणि अॅक्शनने प्रेक्षकांच्या मनावर राज्य करत असतो. चाहते नेहमीच त्याच्या पुढच्या प्रोजेक्टबाबत उत्सुक असतात, आणि सध्या सलमान खान आपली आगामी देशभक्तिपूर्ण वॉर फिल्म ‘बॅटल ऑफ गलवान’साठी तयारी करत असल्याचे संकेत मिळत आहेत. ही फिल्म 2020 मध्ये भारत-चीनदरम्यान लडाखमधील गलवान व्हॅलीमध्ये झालेल्या वास्तविक संघर्षावर आधारित आहे.
धक्कादायक! बाहेरून स्पा सेंटर पण, आत देह व्यापार, पुणे पोलिसांची धाड अन् 18 मुलींची सुटका
सलमान खानने या चित्रपटाचा मोशन पोस्टर सोशल मीडियावर शेअर केला आणि त्यामधील त्याचा धडाकेबाज लूक पाहून चाहत्यांमध्ये चित्रपटाबाबत उत्सुकता आणखी वाढली. दरम्यान, दिग्दर्शक अपूर्व लाखिया यांनी नुकताच एक बिहाइंड-द-सीन (BTS) व्हिडिओ इन्स्टाग्रामवर शेअर केला असून, यामुळे ‘बॅटल ऑफ गलवान’मधील सलमान खानच्या भूमिकेची चर्चा पुन्हा एकदा रंगू लागली आहे.
सासू ख्रिश्चन, नवरा ब्राह्मण, वडील मराठा अन् आई… असं कॉकटेल कुटुंब; पडळकरांची पवारांवर टीका?
या लघु व्हिडिओ क्लिपमध्ये एक धुसर छायाचित्र दिसते, जी सलमान खानसारखी भासते. व्हिडिओमध्ये अ‍ॅक्शन कोरिओग्राफीची जोरदार रिहर्सल सुरू असल्याचे पाहायला मिळते. जरी सलमान खानचे नाव किंवा चेहरा स्पष्टपणे दिसत नाही, तरी चाहत्यांनी अंदाज बांधला आहे की हे दृश्य ‘बॅटल ऑफ गलवान’साठीच आहे.
व्हिडिओसोबत अपूर्व लाखियाने एक प्रेरणादायी कॅप्शन लिहिले आहे. “प्रॅक्टिसमुळेच परिपूर्णता येते, नो पेन नो गेन. हा व्हिडिओ सोशल मीडियावर मोठ्या प्रमाणावर शेअर होत असून, त्यावरून अंदाज लावला जात आहे की सलमान खान आता एका वेगळ्या आणि गभीर भूमिकेत झळकणार आहेत.
‘बॅटल ऑफ गलवान’ ही फिल्म 15 जून 2020 रोजी लडाखच्या गलवान खोऱ्यात भारतीय आणि चिनी सैन्यांमध्ये झालेल्या झटापटीवर आधारित आहे. या संघर्षात दोन्ही देशांचे जवान शहीद झाले होते. विशेष म्हणजे, या संघर्षात बंदुकींचा वापर झालेला नव्हता, कारण त्या भागात शस्त्रास्त्र वापरण्यावर बंदी होती. यामध्ये लाठ्या-काठ्या आणि दगडांचा वापर करत शौर्यपूर्ण लढाई झाली होती.
एका दिवसात शिक्षकांचा प्रश्न मार्गी लावा; आंदोलन स्थळावरून शरद पवारांची सरकारला तंबी
‘बॅटल ऑफ गलवान’ हा चित्रपट केवळ एक वॉर फिल्म नसून, भारतीय जवानांच्या पराक्रमाची आणि बलिदानाची शौर्यगाथा आहे. सलमान खान या चित्रपटात कशा प्रकारे झळकतो, हे पाहणे आता सर्वांच्याच उत्सुकतेचा विषय ठरत आहे. ही एक अशी कथा आहे जी प्रत्येक भारतीयाने अनुभवावी आणि जाणून घ्यावी.
संबंधित बातम्या
सलमान खानच्या ‘बॅटल ऑफ गलवान’चं मोशन पोस्टर प्रदर्शित! भारताच्या सर्वात क्रूर युद्धाची कहाणी आता रूपेरी पडद्यावर
