मनोज बाजपेयी यांच्या वाढदिवसानिमित्त विपुल अमृतलाल शाह यांनी ‘गव्हर्नर’चा फर्स्ट लूक पोस्टर केला रिलीज

‘गव्हर्नर: द सायलेंट सेवियर’ या चित्रपटाने मनोज बाजपेयी यांच्या वाढदिवसानिमित्त पोस्टरमुळे प्रेक्षकांमध्ये जबरदस्त उत्सुकता निर्माण केली आहे.

The first look poster of ‘Governor’ has been released : विपुल अमृतलाल शाह यांनी अनेक वेगळ्या धाटणीचे चित्रपट दिले आहेत आणि आता ते आणखी एका रोचक प्रोजेक्टसह प्रेक्षकांसमोर येण्यास सज्ज आहेत. ताज्या अपडेटनुसार, त्यांच्या आगामी चित्रपटाचे पोस्टर्स समोर आले असून, त्यामध्ये चित्रपटाच्या नावासोबतच एक रहस्यमय सस्पेन्सही दिसून येतो. ‘गव्हर्नर: द सायलेंट सेवियर’ या चित्रपटाने मनोज बाजपेयी यांच्या वाढदिवसानिमित्त आपल्या पहिल्याच पोस्टरमुळे प्रेक्षकांमध्ये जबरदस्त उत्सुकता निर्माण केली आहे.

काहीही जास्त न सांगता खूप काही सांगणारा ‘गव्हर्नर: द सायलेंट सेवियर’चा हा पहिला पोस्टर रिव्हील करण्यात आला आहे, ज्याचे दिग्दर्शन चिन्मय मांडलेकर यांनी केले आहे. यात मनोज बाजपेयी पाठमोरे दिसतात, हातात सूटकेस घेऊन कॉरिडॉरमध्ये चालताना. पोस्टरवरील टॅगलाईन आहे, “जर मी अपयशी ठरलो… तर इंडिया अपयशी ठरेल,” जी एका हाय-व्होल्टेज लीगल ड्रामाची झलक देते.

दुसऱ्या पोस्टरमध्ये हिरव्या रंगाची खुर्ची दाखवण्यात आली आहे, ज्यावर “इंडिया दिवाळखोरीच्या उंबरठ्यावर आहे” आणि “ही फक्त खुर्ची नाही… जबाबदारी आहे” अशा टॅगलाईन्स आहेत. हे देशाभोवती गुंफलेल्या गंभीर आणि प्रभावी कथेकडे निर्देश करते. हा चित्रपट विपुल अमृतलाल शाह आणि मनोज बाजपेयी यांचा पहिला एकत्रित प्रकल्प आहे. दोन नॅशनल अवॉर्ड विजेते एकत्र येत असल्याने हा चित्रपट प्रेक्षकांसाठी एक वेगळाच सिनेमॅटिक अनुभव ठरणार आहे, जो लवकरच मोठ्या पडद्यावर येणार आहे.

जगावर इंटरनेट वॉरचं संकट! जहाजांनंतर इराणची होर्मुजमधील इंटरनेट केबल्सवर हल्ल्याची धमकी

मनोज बाजपेयी यांच्या वाढदिवशी पोस्टर रिलीज केल्याने हा क्षण अधिक खास बनला आहे. आपल्या उत्कृष्ट अभिनयासाठी आणि दमदार स्क्रीन प्रेझेन्ससाठी ओळखले जाणारे मनोज बाजपेयी या चित्रपटातही एक लक्षात राहील अशी भूमिका साकारण्यासाठी सज्ज आहेत. त्यांनी आपल्या अभिनयाच्या जोरावर इंडस्ट्रीमध्ये मोठे स्थान निर्माण केले आहे. ‘सनशाईन पिक्चर्स’च्या बॅनरखाली बनणारा हा चित्रपट आणखी एक इंटेन्स ड्रामा ठरणार आहे.

या चित्रपटासोबत विपुल अमृतलाल शाह पुन्हा एकदा एक दमदार कथा घेऊन येत आहेत. तसेच, मनोज बाजपेयी यांच्या वाढदिवशी पोस्टर रिलीज करण्याची ही पद्धत साऊथ इंडस्ट्रीतील त्या ट्रेंडची आठवण करून देते, जिथे कलाकारांच्या वाढदिवशी त्यांच्या चित्रपटांच्या खास झलक शेअर केल्या जातात आणि हा दिवस चाहत्यांसाठी अधिक खास बनवला जातो.

‘गव्हर्नर: द सायलेंट सेवियर’ हा चित्रपट विपुल अमृतलाल शाह यांनी प्रोड्यूस केला असून ‘सनशाईन पिक्चर्स’तर्फे सादर करण्यात येत आहे. या चित्रपटाचे सह-निर्माते आशिन ए. शाह आहेत. चित्रपटाची कथा सुवेंदू भट्टाचार्जी, सौरभ भरत, रवि असरानी आणि विपुल अमृतलाल शाह यांनी मिळून लिहिली आहे. जावेद अख्तर यांच्या गीतांसह चित्रपटाचे संगीत अमित त्रिवेदी यांनी दिले आहे.

संबंधित बातम्या