आमिर खान प्रोडक्शन्सचा ‘हॅपी पटेल: खतरनाक जासूस’ हा बहुप्रतीक्षित सिनेमा उद्यापासून चित्रपटगृहांत प्रदर्शित

आमिर खान प्रोडक्शन्सचा हॅपी पटेल: खतरनाक जासूस हा 2026 मधील सर्वाधिक प्रतीक्षित चित्रपटांपैकी एक असून उद्या हा चित्रपटगृहांत प्रदर्शित होणार.

 ‘Happy Patel: Khatarnak Jasoos’ is releasing in theaters from tomorrow : आमिर खान प्रोडक्शन्सचा हॅपी पटेल: खतरनाक जासूस हा 2026 मधील सर्वाधिक प्रतीक्षित चित्रपटांपैकी एक असून उद्या हा चित्रपटगृहांत प्रदर्शित होणार आहे. हा चित्रपट प्रोडक्शन हाऊसकडून सादर होणारा आणखी एक भव्य मनोरंजक सिनेमा असून, यावेळी तो प्रेक्षकांसमोर एका अनोख्या स्पाय-कॉमेडी अंदाजात येत आहे. चित्रपटात प्रसिद्ध अभिनेता व कॉमेडियन वीर दास मुख्य भूमिकेत आहेत. विशेष म्हणजे, हा त्यांच्या दिग्दर्शनातील पहिला चित्रपट आहे. चित्रपटात मोना सिंग आणि मिथिला पालकरही महत्त्वाच्या भूमिकांमध्ये दिसणार आहेत.

उत्कृष्ट ट्रेलर आणि चार्टबस्टर गाण्यांच्या माध्यमातून निर्मात्यांनी आधीच प्रेक्षकांमध्ये प्रचंड उत्सुकता निर्माण केली आहे. हीच उत्सुकता अधिक वाढवण्यासाठी नुकताच चित्रपटाचा भव्य प्रीमियर आयोजित करण्यात आला होता, ज्यामध्ये चित्रपटसृष्टीतील अनेक नामवंत कलाकार, दिग्दर्शक आणि कॉमेडियन सहभागी झाले होते. प्रीमियरनंतर सेलिब्रिटींकडून सोशल मीडियावर चित्रपटाचे जोरदार कौतुक केले जात आहे. दिग्दर्शक आर. एस. प्रसन्ना ते फातिमा सना शेखपर्यंत अनेक इंडस्ट्रीतील सहकाऱ्यांनी चित्रपटाची प्रशंसा करत थिएटरमधील प्रदर्शनापूर्वीच निर्मात्यांचे अभिनंदन केले आहे. सुरुवातीच्या प्रतिक्रिया अत्यंत सकारात्मक आहेत.

शाई पुसून पुन्हा मतदान करता येणं शक्य नाही, राज्य निवडणूक आयोगाचं स्पष्टीकरण

आमिर खान प्रोडक्शन्सने लगान, तारे ज़मीन पर, दंगल आणि सीक्रेट सुपरस्टार यांसारख्या प्रभावी व धाडसी कथा प्रेक्षकांपर्यंत पोहोचवण्याची एक समृद्ध परंपरा जपली आहे. हीच परंपरा पुढे नेत, प्रोडक्शन हाऊसने हॅपी पटेल: खतरनाक जासूस या चित्रपटासाठी पुन्हा एकदा वीर दास यांच्यासोबत सहकार्य केले आहे. आपल्या लोकप्रिय स्टँड-अप स्पेशल्ससह गो गोआ गॉन, बदमाश कंपनी आणि कल्ट क्लासिक दिल्ली बेली यांसारख्या चित्रपटांमधील लक्षवेधी भूमिकांसाठी ओळखले जाणारे वीर दास, दिल्ली बेली नंतर पुन्हा आमिर खान प्रोडक्शन्ससोबत जोडले गेले आहेत. हे बहुप्रतीक्षित सहकार्य आधीपासूनच प्रेक्षकांमध्ये मोठी उत्सुकता निर्माण करत आहे.

आमिर खान प्रोडक्शन्सच्या बॅनरखाली निर्मित हॅपी पटेल: खतरनाक जासूस या चित्रपटाचे दिग्दर्शन वीर दास यांनी केले असून, हा चित्रपट 16 जानेवारी 2026 रोजी चित्रपटगृहांत प्रदर्शित होणार आहे.

संबंधित बातम्या