‘आरडी’ चित्रपटातलं धमाल “वढ पाचची” गाणं लाँच, चित्रपट 21 मार्चला प्रेक्षकांच्या भेटीला

Vadh Paachchi Song : एका चुकीमुळे आयुष्य बदलणाऱ्या कथानकावरील ‘आरडी’ (RD) चित्रपटाच्या टीजरनं सोशल मीडियावर चांगलीच चर्चा निर्माण केली आहे. आता या चित्रपटातलं “वढ पाचची…” हे धमाल गाणं लाँच करण्यात आलं असून, 21 मार्च रोजी हा चित्रपट प्रेक्षकांच्या भेटीला येणार आहे.

“वढ पाचची” (Vadh Paachchi Song) हे अतिशय धमाल गाणं आहे. ‘पार्टी साँग’ म्हणता येईल असं हे गाणं आहे गीतकार मंदार चोळकर लिखित कॅची शब्दरचना, वरूण लिखाते यांचे ताल धरायला लावणारं संगीत आणि सुप्रसिद्ध गायक आदर्श शिंदे यांच्या दमदार आवाजामुळे हे गाणं प्रत्येकाला नाचायला लावणारं आहे. आजवर अनेक चित्रपटांतून पार्टी साँग आली असली, तरी ‘आरडी’ चित्रपटातलं “वढ पाचची” हे गाणं आणखी वेगळं आणि मनोरंजक आहे.

साद एंटरटेन्मेंट, कमल एंटरप्रायझेस यांनी झेब्रा पिक्चर्स आणि हेलिक्स प्रॉडक्शन्स यांच्या सहाय्याने आरडी चित्रपटाची निर्मिती केली आहे. आदित्य नाईक, साहिल वढवेकर, हंसराज भक्तावाला, इस्तेखार अहमद शेख हे चित्रपटाचे निर्माते तर ऋग्वेद डेंगळे, शिवराज पवार, गणेश शिंदे हे सहनिर्माते आहेत. चित्रपटाचं लेखन आणि दिग्दर्शन गणेश शिंदे यांनी केलं आहे. बी. आप्पासाहेब यांनी सहलेखन आणि सहदिग्दर्शन, हर्षवर्धन जाधव आणि मयूर सातपुते यांनी संकलन, तन्मय ढोक यांनी छायांकन, सुरेश पंडित, वरूण लिखाते यांनी संगीत दिग्दर्शन केलं आहे.

Video : मोठी बातमी! पाकिस्तानात आत्मघातकी हल्ला, 12 जणांचा मृत्यू, 30 जण जखमी

चित्रपटात गणेश शिंदे (Ganesh Shinde) , अवंतिका कवठेकर (Avantika Kavathekar) , राहुल फलटणकर (Rahul Phaltankar) , बुशरा शेख (Bushra Sheikh) , केतन पवार(Ketan Pawar), सानवी वाळके (Saanvi Walke) यांच्या प्रमुख भूमिका आहेत. ‘आरडी’ चित्रपट मोठ्या पडद्यावर पाहण्यासाठी आणखी थोडेच दिवस प्रतीक्षा करावी लागणार आहे.

संबंधित बातम्या