Video : बॉलीवुडच्या बादशहाकडून नवीन संसद भवनाचं कौतुक; सांगितली हृदयस्पर्शी गोष्ट

New Parliament Building Inauguration : नवीन संसद भवनाच्या उद्घाटनापूर्वी बॉलीवुडचा किंग शाहरुख खानने (Shah Rukh Khan)पंतप्रधान नरेंद्र मोदी (Narendra Modi)यांचे अभिनंदन केले आहे. संसद भवनाचा एक व्हिडिओही (Video) किंग खानने ट्विटरवर शेअर केला आहे. व्हिडिओ शेअर करताना त्यांनी नवीन भारताच्या नवीन संसद भवनाचे वर्णन (Description of New Parliament Building)केले आहे.

नवीन संसदेच्या उद्घाटनाबद्दलचे 10 वाद…

नवीन संसद भवनाच्या उद्घाटनापूर्वी, बॉलीवूड किंग खानने ट्विटरवर लिहिलंय की, जे आपल्या संविधानाचे समर्थन करतात, या महान राष्ट्राच्या प्रत्येक नागरिकाचे प्रतिनिधित्व करतात आणि त्यातील व्यक्तींच्या विविधतेचे रक्षण करतात त्यांच्यासाठी हे किती आश्चर्यकारक नवीन संसद भवन आहे. एक नवीन संसद नवीन भारतासाठी घर… भारताच्या अभिमानाचे जुने स्वप्न घेऊन… जय हिंद!

What a magnificent new home for the people who uphold our Constitution, represent every citizen of this great Nation and protect the diversity of her one People @narendramodi ji.
A new Parliament building for a New India but with the age old dream of Glory for India. Jai Hind!… pic.twitter.com/FjXFZwYk2T

— Shah Rukh Khan (@iamsrk) May 27, 2023

यापूर्वी संगीतकार इलैयाराजा आणि अभिनेते रजनीकांत यांनी अभिनंदनाचे संदेश पोस्ट केले आहेत. ट्विटरवर इलैयाराजा यांनी एक नागरिक म्हणून आपला आनंद आणि उत्साह शेअर केला आहे. पंतप्रधान रविवारी नवीन संसद भवनाचे उद्घाटन करणार आहेत. मी एक नागरिक आणि विशेषत: एक खासदार म्हणून आनंदी आणि उत्साहित असल्याचे त्यांनी म्हटले आहे.

अभिनेते रजनीकांत यांनी देखील अभिनंदन केले आहे. तमिळ सत्तेचे पारंपारिक प्रतीक असलेला राजदंड भारताच्या नवीन संसद भवनात चमकेल. तमिळांना अभिमान वाटावा यासाठी मी माननीय पंतप्रधान नरेंद्र मोदी यांचे मनापासून आभार मानतो, असं रजनीकांत यांनी म्हटलं आहे.