भारीच … आता UPI आणि ATM द्वारे काढता येणार PF चे पैसे, ‘या’ दिवशी मिळणार सुविधा 

PF Withdrawals With UPI And ATM : कामगार आणि रोजगार मंत्रालय लवकरच देशातील कोट्यवधी लोकांना आनंदाची बातमी देणार आहे. समोर आलेल्या माहितीनुसार, भविष्य निर्वाह निधी म्हणजेच पीएफ निधी (PF Withdrawals) आता UPI आणि ATM द्वारे काढण्याची सुविधा  कामगार आणि रोजगार मंत्रालय (Ministry of Labor and Employment) उपलब्ध करून देणार आहे. ज्याचा फायदा देशातील कोट्यवधी लोकांना होणार आहे.

याबाबत कामगार आणि रोजगार मंत्रालयाच्या सचिव सुमिता डावरा यांनी एएनआयला सांगितले की, ही नवीन सुविधा मे किंवा जूनच्या अखेरीस सुरु करण्यात येणार आहे.

EPFO देणार सुविधा

कर्मचारी भविष्य निर्वाह निधी संघटना म्हणजेच ईपीएफओ आता UPI द्वारे निधी काढण्याची सुविधा ग्राहकांना देणार आहे. यासाठी कामगार आणि रोजगार मंत्रालयाने नॅशनल पेमेंट्स कॉर्पोरेशन ऑफ इंडियाच्या शिफारशींना मान्यता देखील दिली आहे.

पीएफ काढण्यासाठी नवीन प्रक्रिया

एएनआयशी बोलताना डावरा म्हणाल्या की, नवीन प्रणालीअंतर्गत, ईपीएफओ सदस्य तात्काळ 1 लाखपर्यंत पैसे काढू शकतील आणि ही रक्कम त्यांच्या पसंतीच्या बँक खात्यात हस्तांतरित करू शकतील. याशिवाय, सदस्यांना UPI वर त्यांचे पीएफ बॅलन्स देखील तपासता येईल. या बदलामुळे केवळ आर्थिक सुविधा वाढणार नाहीत तर शिक्षण, लग्न आणि वैद्यकीय उपचारांसाठी निधी लवकर काढणे देखील शक्य होणार आहे.

मोठी बातमी! माजी मुख्यमंत्री भूपेश बघेल यांच्या घरावर सीबीआयचे छापे

पेन्शनधारकांनाही दिलासा

डावरा म्हणाल्या की, अलिकडच्या सुधारणांमुळे पेन्शनधारकांनाही फायदा झाला आहे. डिसेंबर 2024 पासून 78  लाख पेन्शनधारकांना कोणत्याही बँकेच्या शाखेतून पेन्शन काढण्याची सुविधा मिळत आहे. पूर्वी ते फक्त निवडक बँक शाखांपुरते मर्यादित होते, परंतु आता भौगोलिक निर्बंध रद्द करण्यात आले आहेत.

संबंधित बातम्या