हफ्तेखोरी आणि खंडणी हे शब्द संगमनेरकरांना नव्याने कळाले; बाळासाहेब थोरातांचा आ. खताळ, विखेंवर निशाणा

काँग्रेसचे नेते बाळासाहेब थोरात विरोधकांवर जोरदार हल्लाबोल. विरोधक म्हणतात की काँग्रेस संपली. तस काही नसून काँग्रेस आमच्या मनात आहे.

Congress Leader Balasaheb Thorat Speaks On Nagarpalika Election : राज्यभरात नगरपरिषद आणि नगरपालिका निवडणुकांची रेलचेल पाहायला मिळत आहे. येत्या 2 डिसेंबरला निवडणूका होणार आहेत. या निवडणुकीत सर्वच राजकीय पक्षांची प्रतिष्ठा पणाला लागली आहे. याच पार्श्वभूमीवर काँग्रेसचे नेते बाळासाहेब थोरात (Balasaheb Thorat) यांच्याशी संवाद साधला असता. त्यांनी विरोधकांवर जोरदार हल्लाबोल केला. विरोधक म्हणतात की काँग्रेस (Congress) संपली. तस काही नसून काँग्रेस आमच्या मनात आहे असं वक्तव्य त्यांनी केलय. आम्ही काँग्रेसकडून का लढत नाही आहोत? हा प्रश्न अनेकांकडून विचारला जातो. हे महत्वाचं नसून आम्ही कोणाच्या विरोधात लढतोय हे महत्वाचं आहे. आम्ही सगळ्यांना सोबत घेऊन जाण्याच्या उद्देशाने आणि शहराच्या विकासासाठी संगमनेर (Sangamner) एकीकरण समिती स्थापन केली आहे. या समितीत काँग्रेससह आघाडीच्या पक्षांतील देखील सदस्य आहेत. यामुळेच आम्ही सिंहाचं चिन्ह घेऊन या निवडणुकीला सामोरे जात आहोत.

संगमनेरचे आमदार अमोल खताळ (Amol Khatal) यांच्यावर देखील त्यांनी टीका केली आहे. आमच्यावर घराणेशाहीचा आरोप करणारे ज्यांच्या मार्गदर्शनाखाली काम करतात त्यांच्या घरात तर घराणेशाहीचा उच्चांक असल्याचा आरोप त्यांनी केलाय. त्यामुळे या घराणेशाहीच्या आरोपात काही तथ्य नाही. वर्षभरापासून शहरात शांतता आणि सुव्यवस्थेचे बारा वाजले आहेत. अंमली पदार्थांचा वापर वाढलाय, गुन्हेगारी वाढली आहे. त्यावर कोणी बोलत नाही. आताच उपमुख्यमंत्री एकनाथ शिंदे (Eknath Shinde) हे प्रचारसभेसाठी संगमनेरमध्ये आले होते. त्यावेळी त्यांनी आम्ही शहराला MIDC मंजूर करू म्हणून सांगितले. मात्र हेच आश्वासन त्यांनी तब्बल 48 ठिकाणी दिलय. ते प्रत्येक ठिकाणी जातात आणि उद्योगमंत्री उदय सामंत (Uday Samant) यांना फोन लावतात. मला अशी शंका आहे की हे सगळं काही ते ठरवून करत असतील. कोणीही येऊन भाषण करून जातो. मात्र वस्तुस्थिती तपासली पाहिजे. नाशिक-पुणे सुपरफास्ट रेल्वे संगमनेर तालुक्यातील समनापूर स्टेशनवरून जाणार होती. तो प्रकल्प देखील वर्षभरात गेला.

Nilesh Rane : मोठी बातमी, आमदार निलेश राणेंवर बेकायदेशीरपणे घरात घुसल्याप्रकरणी मालवणमध्ये गुन्हा दाखल

संगमनेरकरांना कधीही माहित नसलेले दोन शब्द एवढयात माहित पडलेत. ते म्हणजे खंडणी आणि हफ्तेखोरी. शहरात गुन्हेगारी प्रचंड वाढली आहे. पोलीस स्टेशनमध्ये गुंड मारामारी करत आहेत. सगळी कामं खंडणी आणि हफ्तेखोरीमुळे बंद आहेत. हा वाईट अनुभव हे शहर घेत आहे. शहरात अशांतता निर्माण करण्याला सध्याचे लोकप्रतिनिधी जबाबदार असल्याचा आरोप त्यांनी केलाय. आमचा पराभव का झाला हे सांगण्याची गरज नाही. ते सगळ्यांचं माहिती आहे. नुकत्याच झालेल्या सभेत त्यांनी संगमनेरमधील भ्रष्टाचार उघड करणार असल्याचं सांगितलं होतं. त्यांनी यावेळी एकनाथ शिंदे यांना देखील चॅलेंज दिलंय. गेल्या वर्षभरात देखील संगमनेरमध्ये किती भ्रष्टाचार झाला हे देखील त्यांनी उघड करावं.

महायुतीत त्यांच्या त्यांच्यातच धुसफूस पाहायला मिळत असून. प्रचंड गोंधळ आणि भ्रष्टाचार या महायुती सरकारमध्ये पाहायला मिळत आहे. सगळे पक्ष भीतीपोटी एकत्र आले आहेत. स्वतःची कातडी वाचवण्यासाठी हे एकत्र आलेत. अत्यंत वाईट परिस्थितीतून महाराष्ट्र (Maharashtra) जात असल्याची शोकांतिक्का त्यांनी यावेळी व्यक्त केली. जाती-जातीत आणि धर्म-धर्मात भेद निर्माण केला जातोय. समाजापासून समाज तोडला जातोय. इतकी वाईट परिस्थिती महाराष्ट्राने कधीच पहिली नव्हती. अशी खदखद देखील काँग्रेस नेते बाळासाहेब थोरात यांनी बोलून दाखवली.

संबंधित बातम्या