DCM शिंदेंच्या पुढाकाराने एसटी कर्मचाऱ्यांच्या पगाराचा प्रश्न सुटला! उर्वरित 44 टक्के वेतन लवकरच मिळणार

ST Emplyoee Salary : एसटी कर्मचाऱ्यांचा उर्वरित 44 टक्के पगार येत्या मंगळवारपर्यंत देण्यात येणार आहे. उपमुख्यमंत्री एकनाथ शिंदे यांनी पुढाकार घेऊन वित्त सचिवांशी केलेल्या चर्चेअंती एसटी कर्मचाऱ्यांचे प्रलंबित वेतन लवकरच अदा करण्याची त्यांनी तयारी दर्शवली आहे. त्यामुळे आता एसटी कर्मचाऱ्यांना उर्वरीत 44 टक्के मिळणार आहे. एसटी कर्मचाऱ्यांसाठी हा दिलासादायक निर्णय आहे.

औरंगजेबपेक्षा क्रुर मुंडे अन् गॅंगला धडा शिकवणार, हा फक्त ट्रेलर, पिक्चर अजून बाकी; करूणा शर्मां आक्रमक

एसटी कर्मचाऱ्यांना एप्रिल महिन्याचे फक्त 56 टक्के वेतन मिळाल्याचे वृत्त पसरल्यामुळे एसटी कर्मचाऱ्यांनी याबाबत नाराजी व्यक्त केली होती. आज सांगोला तालुक्याच्या दौऱ्यावर असताना उपमुख्यमंत्री शिंदे यांची काही एसटी कर्मचाऱ्यांनी भेट घेऊन आपले उर्वरित वेतन लवकरच देण्याची मागणी केली होती.

या मागणीची तत्काळ दखल घेऊन या प्रश्नावर शिंदे यांनी राज्याचे वित्त सचिव ओमप्रकाश गुप्ता यांच्याशी फोनवरून चर्चा केली. या चर्चेअंती एसटी कर्मचाऱ्यांचे या महिन्याचे उर्वरित 44 टक्के वेतन येत्या मंगळवारपर्यंत अदा करण्यात येईल असे गुप्ता यांनी स्पष्ट केले. उपमुख्यमंत्री शिंदे यांच्या पुढाकाराने एसटी कर्मचाऱ्यांना दिलासा मिळाला असून त्यांच्यावरील वेतन कपातीचे संकट दूर होण्यास मदत झाली आहे.

दरम्यान,एसटी अर्थात लालपरी म्हणजे ग्रामीण भागाची जीवनवाहिनी आहे. याच एसटी महामंडळातील कर्मचाऱ्यांना आर्थिक अडचणींचा सामना करावा लागतोय.एकूणच कर्मचाऱ्यांच्या मार्च महिन्याचे वेतन फक्त 56 टक्केच देण्यात आलंय. यामुळं घर चालवायचं तरी कसं असा सवाल एसटी कर्मचारी आणि त्यांचे कुटुंबीय करीत होते. अखेर उपमुख्यमंत्री एकनाथ शिंदे यांनी यावर तोडगा काढला आहे.

संबंधित बातम्या