Amritpal Singh Location : अमृतपाल नेमका कुठं? विविध प्रकारच्या माहितीमुळे पोलिसांची दमछाक
- Written By: Digambar Jadhav Published:
पंजाब : फरारी खलिस्तान समर्थक अमृतपाल सिंगला (Amritpal Singh) पकडण्यासाठी पोलीस सतत शोध मोहीम राबवत आहेत. पोलिसांनी (Police) दिलेल्या माहितीनुसार, 21 मार्च रोजी अमृतपाल हरियाणातील (Haryana) शहााबाद येथे त्याच्या एका समर्थकाकडे आला होता. त्यानंतर पोलीस त्या समर्थकाची चौकशी करत आहेत. (Amritpal Singh Location) मात्र, आता अमृतपाल सिंग उत्तराखंडमध्ये असल्याची शक्यता वर्तवली जात आहे. अमृतपाल सिंग जालंधरमधील शाहकोट येथून फिल्लौर आणि लुधियानामार्गे हरियाणात दाखल झाल्याची शक्यता आहे.
पोलिसांकडून मिळालेल्या माहितीनुसार, लुधियाना सोडण्यासाठी अमृतपाल सिंग आणि त्याचा सहकारी पापलप्रीत सिंग यांनी शेरपूर चौकात जाण्यासाठी दोन रिक्षा बदलल्या. यानंतर तो बसमध्ये बसून हरियाणाला पळून गेला. अमृतपाल आणि पापलप्रीत तीन ठिकाणी. जालंधर बायपास आणि शेरपूर चौकात लावलेल्या सीसीटीव्हीमध्ये कैद झाला. हरियाणातील शाहबादमध्ये अमृतपाल सिंगला आश्रय दिल्याप्रकरणी एका महिलेला अटक करण्यात आली. बलजीत कौर या महिलेने तपास अधिकाऱ्यांना सांगितले की, दोघांनी तिला उत्तराखंडला जाण्याची हमी दिली होती. चौकशीअंती अमृतपालचा अन्य राज्यात सुरक्षित आश्रयस्थान शोधण्याचा उद्देश असल्याचे पोलिसांना वाटते.
ED, CBI विरोधात 14 पक्षांची वज्रमुठ; सर्वोच्च न्यायालयात होणार सुनावणी
तेजिंदर सिंगला अटक
पोलिसांनी अमृतपालचा सशस्त्र अंगरक्षक तेजिंदर सिंग उर्फ गोरखा बाबा याला त्याच्या मूळ गावी मंगेवाल येथून अटक केली. पोलिसांनी सांगितले की अमृतपालच्या मागे विनापरवाना .315-बोअर पंप आणि अॅक्शन गन घेऊन उभे असलेले अनेक फोटो आहेत. याशिवाय अमृतपालच्या अन्य 11 अटक केलेल्या साथीदारांना गुरुवारी (24 मार्च) न्यायालयात हजर करण्यात आले, तेथून त्यांना दोन आठवड्यांची न्यायालयीन कोठडी सुनावण्यात आली. तसेच, पोलीस पथकाने अमृतपालची पत्नी किरणदीप कौर आणि त्यांची आई बलविंदर कौर यांची त्यांच्या गावी घरी चौकशी केली आहे.
