ED ची धाड अन् माजी मुख्यमंत्र्यांनी दिला काँग्रेसच्या सर्व पदांचा राजीनामा

Harish Rawat Resigns : उत्तराखंडचे माजी मुख्यमंत्री हरीश रावत यांनी काँग्रेसच्या सर्व पदांचा राजीनामा दिल्याने राजकीय वर्तुळात अनेक चर्चांना

Harish Rawat Resigns : उत्तराखंडचे माजी मुख्यमंत्री हरीश रावत यांनी काँग्रेसच्या सर्व पदांचा राजीनामा दिल्याने राजकीय वर्तुळात अनेक चर्चांना उधाण आले आहे. काही दिवसांपूर्वी अंमलबजावणी संचालनालयाने (ED) त्यांचे वैयक्तिक सहाय्यक (PA) चंदन सिंग जीना यांच्या निवासस्थानी धाड टाकून मोठ्या प्रमाणात रोख रक्कम आणि सोने जप्त केले होते. यानंतर हरीश रावत यांनी काँग्रेसमधील सर्व पदाचा राजीनामा दिल्याने अनेक चर्चांना उधाण आले आहे.

‘एक्स’ (X) वर एका सविस्तर पोस्टद्वारे त्यांनी (Harish Rawat) आपल्या राजीनाम्याचे कारण स्पष्ट केले. रावत म्हणाले की, त्यांच्या सहकाऱ्याच्या घरी मोठी रोख रक्कम आणि दागिने सापडल्याच्या बातम्या पसरत आहेत आणि यामागील सत्य लवकरच समोर येईल. चंदन सिंग जीना (Chandan Singh Jeena) यांनी त्यांचे ओएसडी (विशेष कर्तव्यावरील अधिकारी) म्हणून काम केले होते. जर ओएमआर (OMR) शीट्समध्ये फेरफार किंवा ‘ग्रामसेवक’ भरती परीक्षेत अनियमितता केल्याबाबत जीनांविरुद्ध पुरावे सापडले, तर ती त्यांच्यासाठी लज्जास्पद बाब ठरेल. मात्र, जीनांवर करण्यात आलेल्या आरोपांवर त्यांनी अविश्वासही व्यक्त केला.

उत्तराखंड निवडणुकीत खूप काही पणाला लागले आहे. जेव्हा कोणी मला विचारायचे की निवडणुका कधी होतील, तेव्हा मी गमतीने म्हणायचो की, निवडणुका तेव्हाच होतील जेव्हा सीबीआय (CBI) माझ्या दारावर येईल. जर ते अजून आले नसतील, तर याचा अर्थ निवडणुका पुढच्या वर्षी मार्च किंवा एप्रिलमध्ये होतील. पण यावेळी, माझ्या स्वतःच्या घराऐवजी माझ्या एका सहकाऱ्याच्या दारावर धडक देऊन एक विशिष्ट वातावरण (नॅरेटिव्ह) निर्माण करण्याचा प्रयत्न केला गेला आहे. भ्रष्टाचाराविरुद्धच्या लढ्यात काँग्रेस पक्ष आणि त्याचे कार्यकर्ते एकजूट आहेत. राष्ट्रीय स्तरावर, राहुल गांधी ‘छात्रों की गूंज’ (विद्यार्थ्यांचा आवाज) या उपक्रमाद्वारे शिक्षण व्यवस्थेतील भ्रष्टाचाराविरुद्ध आवाज उठवत आहेत. अशा निर्णायक वेळी माझ्या कोणत्याही कृतीमुळे पक्षाचा लढा कमकुवत व्हावा, असे मला नक्कीच वाटणार नाही. म्हणूनच, माझ्या आराध्य दैवताचे स्मरण करून मी एक मोठा निर्णय घेतला आहे. जरी तांत्रिकदृष्ट्या माझ्याकडे असे कोणतेही सरकारी पद नाही ज्याचा मी राजीनामा देऊ शकेन! हो, मी उत्तराखंड राज्य काँग्रेस समितीच्या कार्यकारिणीचा सदस्य आहे आणि राष्ट्रीय स्तरावरील काँग्रेस कार्यकारिणीचा (CWC) कायमस्वरूपी निमंत्रित सदस्य आहे; मला या दोन्ही पदांवरून अत्यंत नम्रपणे पायउतार व्हायचे आहे, कारण माझ्यामुळे पक्षाच्या लढ्याला कोणतीही हानी पोहोचू नये किंवा तो कमकुवत होऊ नये असं हरीश रावत म्हणाले.

Dehradun, Uttarakhand: Congress leader Harish Rawat says, “Reports are appearing in the media claiming that a large amount of cash, jewellery, and other valuables were seized or recovered from the possession of my PA. The facts of the matter would become clear in due course. Jina… pic.twitter.com/zMQxjrjkco

— ANI UP/Uttarakhand (@ANINewsUP) September 12, 2026

पुढे ते म्हणाले की, अधीनस्थ सेवा निवड आयोगाचा (Subordinate Services Selection Commission) प्रश्न आहे? आम्ही राज्याच्या तरुणांचे भविष्य लक्षात घेऊन त्याची स्थापना केली होती. आम्ही लोकसेवा आयोगाला वेळेवर परीक्षा घेण्यास भाग पाडले किंबहुना, आमच्या अल्प कार्यकाळात उच्च-स्तरीय पदांसाठी दोनदा भरती प्रक्रिया राबवली गेली. आम्ही भरती मंडळे स्थापन केली. वैद्यकीय भरती मंडळ आणि शिक्षण भरती मंडळ. त्या प्रक्रियेदरम्यान नियुक्त्यांबाबत आमच्याकडून काही चूक झाली असेल, तर मी उत्तराखंडच्या जनतेची त्याबद्दल माफी मागतो. तरीही, मी नम्रपणे पुन्हा एकदा हे सांगू इच्छितो की आमच्या तीन वर्षांच्या कार्यकाळात 42000 हून अधिक सरकारी पदे भरली गेली. ज्या व्यक्तीची अधीनस्थ सेवा निवड आयोगाचे अध्यक्ष म्हणून नियुक्ती करण्यात आली होती आणि ज्यांना मी पदावरून हटवले किंवा ज्यांच्याकडून मी राजीनामा घेतला (हे कसेही म्हटले तरी चालेल) कारण त्यांच्याविरुद्ध तक्रारी प्राप्त झाल्या होत्या…

चंदन सिंग जीना कोण आहेत?

हरीश रावत जेव्हा उत्तराखंडचे मुख्यमंत्री होते, तेव्हा जीना यांनी 2014 ते 2017 या काळात त्यांचे ओएसडी म्हणून काम पाहिले. उत्तराखंड अधीनस्थ सेवा निवड आयोगाद्वारे आयोजित परीक्षेत झालेल्या अनियमिततेच्या संदर्भात जीना यांच्या निवासस्थानी छापा टाकण्यात आला होता. ईडीने (ED) सांगितले की, जीना यांच्या निवासस्थानातून 32 लाख रुपये रोख, 12 महागडी घड्याळे आणि 200 ग्रॅम सोने जप्त करण्यात आले.

संबंधित बातम्या