पंतप्रधान नरेंद्र मोदी यांचा सरकारप्रमुख म्हणून नवा रेकॉर्ड, ‘या’ नेत्याला टाकलं माग

2001 रोजी गुजरातचे मुख्यमंत्री म्हणून पदभार स्वीकारला. ते 21 मे 2014 पर्यंत या पदावर राहिले, म्हणजेच ते 13 वर्षांहून अधिक काळ मुख्यमंत्री म्हणून काम केले.

पंतप्रधान नरेंद्र मोदी यांनी आपल्या नावावर एक नवा विक्रम नोंदवला आहे. (Modi) सर्वाधिक काळ सरकारप्रमुख ठरले आहेत. मुख्यमंत्री (गुजरात) आणि पंतप्रधान या दोन्ही पदांचा कालावधी एकत्र केला तर त्यांनी एकूण 8,931 दिवस पूर्ण केले आहेत. त्यांनी सिक्कीमचे माजी मुख्यमंत्री पवन कुमार चामलिंग यांना मागं टाकलं आहे. पंतप्रधान नरेंद्र मोदी यांनी 2001 साली गुजरातचे मुख्यमंत्री म्हणून काम सुरू केले. त्यानंतर 2014 पासून ते देशाचे पंतप्रधान आहेत. या काळात त्यांनी 2014, 2019 आणि 2024 मध्ये सलग तीन वेळा निवडणुका जिंकून सरकार चालवले आहे.

नरेंद्र मोदी यांनी 7 ऑक्टोबर 2001 रोजी गुजरातचे मुख्यमंत्री म्हणून पदभार स्वीकारला. ते 21 मे 2014 पर्यंत या पदावर राहिले, म्हणजेच ते 13 वर्षांहून अधिक काळ मुख्यमंत्री म्हणून काम केले. त्यानंतर 26 मे 2014 रोजी त्यांनी पंतप्रधान म्हणून शपथ घेतली. तेव्हापासून त्यांनी 2014, 2019 आणि 2024 या तीन लोकसभा निवडणुकांद्वारे राष्ट्रीय लोकशाही आघाडी (NDA) सरकारचे नेतृत्व केले आहे. मोदी हे गुजरातमधील सर्वाधिक काळ सेवा देणारे मुख्यमंत्री आहेत आणि अशा पंतप्रधानांपैकी एक आहेत ज्यांना एखाद्या राज्याच्या मुख्यमंत्री म्हणून सर्वाधिक पूर्वानुभव आहे.

पंतप्रधान मोदी यांनी 2026 च्या सुरुवातीला इंस्टाग्रामवर 100 दशलक्ष (10 कोटी) फॉलोअर्सचा टप्पा पार केला. त्यामुळे या प्लॅटफॉर्मवर ही कामगिरी करणारे ते जगातील पहिले नेते ठरले. नरेंद्र मोदी 2014 मध्ये इंस्टाग्रामवर जोडले गेले होते. गेल्या 10 वर्षांत त्यांचे खाते जगभरातील नेत्यांमध्ये सर्वाधिक सक्रिय राहिले आहे. सध्या इंस्टाग्रामवर त्यांचे 10.1 कोटींहून अधिक आणि X वर 10.6 कोटींपेक्षा जास्त फॉलोअर्स आहेत.

पंतप्रधान मोदी आणि इराणच्या राष्ट्राध्यक्षांमध्ये चर्चा, युद्ध थांबवण्यासाठी इराणने मांडली अट

मोदी यांच्या या नव्या विक्रमाबद्दल गृहमंत्री अमित शहा यांनी पंतप्रधान मोदी यांचे अभिनंदन करत X वर लिहिले की, सेवा, मेहनत आणि समर्पण यांची प्रेरणादायी उदाहरणे देत नरेंद्र मोदी भारतातील सर्वाधिक काळ सेवा करणारे सरकारप्रमुख बनले आहेत. त्यांनी एकूण 8,931 दिवस पूर्ण करत पवन कुमार चामलिंग यांचा विक्रम मागे टाकला. गुजरातचे मुख्यमंत्री ते पंतप्रधान असा त्यांचा प्रवास देशहित, पारदर्शकता आणि सतत जनसेवा यांप्रती त्यांच्या बांधिलकीचे दर्शन घडवतो, ज्याला एक दुर्मिळ आणि विश्वासावर आधारित वारसा म्हणून पाहिले जाते.

संरक्षण मंत्री राजनाथ सिंह यांनीही पंतप्रधान मोदी यांचे अभिनंदन करताना म्हटले की, त्यांच्या अनेक वर्षांच्या मेहनतीमुळे आणि सेवेमुळे देशात मोठे बदल घडले आहेत. गरीबांसाठीच्या योजना, विकासाची कामे आणि जगात भारताची प्रतिमा मजबूत करण्यासाठी त्यांनी महत्त्वपूर्ण पावले उचलली आहेत.

राजनाथ सिंह यांनी पुढे म्हटले की, मोदी यांनी 24 वर्षांहून अधिक काळ सुट्टी न घेता सातत्याने काम केले, जे त्यांच्या मेहनतीचे आणि समर्पणाचे उदाहरण आहे. याचमुळे लोकांचा त्यांच्यावर विश्वास आणि पाठिंबा वाढत गेला, ज्यामुळे ते तीन वेळा गुजरातचे मुख्यमंत्री आणि तीन वेळा देशाचे पंतप्रधान बनले. हे त्यांच्या सातत्यपूर्ण मेहनतीचे आणि लोकांच्या विश्वासाचे फलित आहे.

संबंधित बातम्या