अतिक अहमदच्या हत्येनंतर योगी सरकार एक्शन मोडमध्ये, 17 पोलीस केले निलंबित
- Written By: Rahul shelke Published:
Yogi Government In Action Mode Suspends 17 Policemen : उत्तर प्रदेशातील प्रयागराजमध्ये अतिक अहमद आणि अशरफ अहमद यांच्या हत्येनंतर पोलिसांवर कडक कारवाई करण्यात आली आहे. अतिक आणि अश्रफ यांच्या सुरक्षेत गुंतलेल्या 17 पोलिसांना निलंबित करण्यात आले आहे. याशिवाय सुरक्षा व्यवस्थेच्या दृष्टीने प्रयागराजमध्ये इंटरनेट बंद करण्यात आले आहे.
यासह संपूर्ण उत्तर प्रदेशात कलम 144 लागू करण्यात आले आहे. याशिवाय सर्व पोलिसांच्या सुट्या रद्द करण्यात आल्या असून त्यांना ड्युटीवर पोहोचण्याच्या सूचना देण्यात आल्या आहेत.
स्टेशन प्रभारींना तातडीने परिसरात जाण्यास आदेश
याशिवाय यूपीच्या सर्व स्टेशन प्रभारींना तातडीने परिसरात जाण्यास सांगण्यात आले आहे. यूपीमध्ये पोलिसांच्या सुट्या रद्द करण्यात आल्या आहेत. रजेवर गेलेल्यांना परत बोलावण्यात आले आहे. मुख्यमंत्र्यांच्या सूचनेनुसार मुख्य सचिव विशेष विमानाने प्रयागराजला जातील, असे निर्देश मुख्यमंत्र्यांनी दिले आहेत.
14 महिन्यांचा जेल भत्ता खाल्लाय, अनिल देशमुख यांचा वेगळाच अंदाज
दुसरीकडे, प्रयागराजमधील घटनेनंतर लखनौ आयुक्तालय पोलीस सतर्क झाले आहेत. एडीसीपी चिरंजीव नाथ सिन्हा जुन्या लखनौच्या हुसेनाबादमध्ये पायी गस्त घालत होते. लोकांशी बोलून गर्दी निर्माण करू नये, अशा सूचना देण्यात आल्या आहेत. त्याचबरोबर घाबरून जाऊ नका, असे आवाहनही करण्यात आले आहे. पोलिस आयुक्तांनीही परिसराचा आढावा घेतला.
आलिशान लक्झरी गाड्यांची अतिकला होती क्रेझ…
तिघांना अटक करण्यात आली
एका वरिष्ठ पोलीस अधिकाऱ्याने सांगितले की, या घटनेप्रकरणी तिघांना अटक करण्यात आली आहे. अहमद यांचा मुलगा असद दोनच दिवसांपूर्वी झाशी येथे पोलिस चकमकीत मारला गेला होता. पत्रकार अतीक अहमद याला काही प्रश्न विचारत असताना केल्विन हॉस्पिटलच्या आपत्कालीन औषध विभागासमोर तीन तरुणांनी अतीक आणि अशरफ यांची जवळून गोळ्या झाडून हत्या केली.
