‘मी उद्धव ठाकरे नाही…’, शिंदेंच्या नाराजीच्या चर्चांवर मुख्यमंत्री फडणवीसांचा टोला

Devendra Fadnavis: राज्यात पुन्हा एकदा महायुतीचं सरकार स्थापन झाले असून यावेळी मात्र कमान देवेंद्र फडणवीस (Devendra Fadnavis) यांच्याकडे देण्यात आली आहे. त्यामुळे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे (Eknath Shinde) यांच्यात कोल्ड वॉर सुरु असल्याची चर्चा राजकीय वर्तुळात सुरु आहे. यातच आता मुख्यमंत्री फडणवीस यांनी याबाबत स्पष्टीकरण दिले आहे. ते आज विधानसभेत राज्यपालांच्या अभिभाषणावरील धन्यवाद प्रस्तावावर बोलत होते.

यावेळी देवेंद्र फडणवीस म्हणाले की, गेल्याकाही दिवसांपासून आमच्या माध्यमांची आवडती बातमी म्हणजे देवेंद्र फडणवीस यांनी एकनाथ शिंदे यांच्या प्रकल्पाला स्थगिती दिली. आता ही एक पेड बातमी झाली आहे. पण हे लक्षात ठेवा की, स्थगिती देण्यासाठी मी उद्धव ठाकरे (Uddhav Thackeray) नाही. यापूर्वी देखील मी स्पष्ट केले आहे की, जे जे राज्याच्या हिताचं आहे ते सुरु करताना एकनाथ शिंदे यांच्यासोबत मी देखील होतो आणि त्यानंतर दादा देखील होते. त्यामुळे घेतलेले जे निर्णय आहे, त्याची जबाबदारी एकट्या शिंदेंची नाही आहे तर आम्हा तिघांची आहे. असं यावेळी मुख्यमंत्री देवेंद्र फडणवीस म्हणाले.

पुढे बोलताना मुख्यमंत्री फडणवीस म्हणाले की, ज्या ठिकाणी आम्हाला काही गोष्टी आढळल्या, खालच्या स्तरावर गडबड होत असते. त्या त्या ठिकाणी चर्चा करुनच स्थगिती देण्यात येते पण विभागीय आयुक्तांनी आपल्या स्तरावर स्थगिती दिली तर लगेच देवेंद्र फडणवीसांचा दणका तर खाताच्या मंत्र्यानं स्वत;च्या खात्यामध्ये केंद्र सरकारच्या सुचनेनुसार स्थगिती दिली तरी देखील शिंदेंच्या खात्यात फडणवीसांनी स्थगिती दिली. अशा बातम्या माध्यमांत येत आहे. असं यावेळी बोलताना मुख्यमंत्री देवेंद्र फडणवीस म्हणाले.

तर माध्यमांना टोला लावत मुख्यमंत्री फडणवीस म्हणाले की, शिंदेंना फडणवीसांचा दणका म्हणतात पण दादांचं नाव घेत नाही कारण दादा थेट अटॅक करतात ना. त्यामुळे फार कोणी त्याच्या वाटेला जात नाही. असं देवेंंद्र फडणवीस म्हणाले. तसेच मी तुम्हा सांगतो, हे सरकार समन्वयानं चालणारं सरकार आहे. या सरकारमध्ये सगळे निर्णय आम्ही तिथे समन्वयानं घेतो. असं देखील मुख्यमंत्री देवेंद्र फडणवीस विधानसभेत राज्यपालांच्या अभिभाषणावरील धन्यवाद प्रस्तावावर बोलताना म्हणाले.

कैलास बोराडे सळई चटके प्रकरण : जरांगेंनी अर्धनग्न व्हिडिओ दाखवताच बोराडे म्हणाले, मी प्रसाद म्हणून दारू…

तसेच जर बैठकीत दोघांपैकी एक हजर नसेल तर तो नाराज अश्या बातम्या चालत आहे. कॉलिटीच्या बातम्या माध्यामांना सापडत नाही आणि विरोधकांना देखील कॉलिटीची टिका करता येत नाही. असा टोला मुख्यमंत्री देवेंद्र फडणवीस यांनी टोला लावला.

संबंधित बातम्या