आर. एम. धारीवाल फाऊंडेशनचा पुढाकार, वृक्ष पुनर्रोपणद्वारे 2100 हून अधिक परिपक्व झाडांना पुनर्जीवन
- Written By: shruti letsupp Published:
R. M. Dhariwal Foundation’s initiative, reviving over 2100 mature trees through tree replanting : आर. एम. धारीवाल फाऊंडेशनचे मुख्यालय पुणे येथे असून, गेली 40 वर्षे श्री. रसिकलाल एम. धारीवाल आणि श्रीमती शोभा आर. धारीवाल यांच्या दूरदृष्टीपूर्ण नेतृत्वाखाली सातत्याने कार्यरत आहे. शिक्षण, आरोग्य, पर्यावरण आणि आपत्ती निवारण अशा क्षेत्रांमध्ये 50 हून अधिक संस्थांद्वारे फाऊंडेशनने असंख्य नागरिकांच्या जीवनावर कायमस्वरूपी सकारात्मक प्रभाव टाकला आहे. आज 25 ऑगस्ट रोजी फाऊंडेशनच्या अध्यक्षा जान्हवी धारीवाल बालन हा वारसा पुढे नेत आहेत. परिपक्व वृक्ष सरसकट कापण्याऐवजी, त्यांचे पुनर्रोपण करून त्यांना नवजीवन देणे हे त्यांचे नवीन ध्येय आहे. हा उपक्रम महाराष्ट्र राज्य रस्ते विकास महामंडळ (MSRDC), पुणे महानगर पालिका (PMC) आणि सार्वजनिक बांधकाम विभाग (PWD) यांच्या सहकार्याने राबविला जात आहे.
आपल्या देशात दररोज रस्ते, बांधकामे आणि इतर विकासकामांच्या निमित्ताने मोठ्या प्रमाणावर झाडे तोडली जातात. विकास आवश्यक असला तरी प्रत्येक परिपक्व वृक्ष तोडणे म्हणजे आपल्या पर्यावरणाची मोठी हानी करणे. पण वृक्ष पुनर्रोपणामुळे या झाडांना दुसरे जीवन मिळू शकते अशी खात्री आहे. एक परिपक्व झाड दररोज 4 माणसांसाठी पुरेसा ऑक्सिजन म्हणजेच प्राणवायू निर्माण करते. प्रत्येक झाड दरवर्षी 10-40 किलो कार्बन डायऑक्साइड (CO2) शोषून घेते. झाडाचे काळजीपूर्वक प्रत्यारोपण केल्यास सुमारे 80% झाडे व्यवस्थितरीत्या जगतात. आत्तापर्यंत RMD फाऊंडेशनने पुणे रिंग रोड, मुंढवा, घोरपडी आणि बी. जी. शिर्के रोड परिसरात 2100 हून अधिक परिपक्व झाडांचे यशस्वी पुनर्रोपण केले आहे.
लक्ष्मण हाके यांच्या ‘तुला दांडकच काढतो’ला आमदार पंडितांचा घणाघाती पलटवार, संघर्ष पेटणार…
मात्र पुढील आव्हाने खूप मोठी आहेत : 172 किमी लांबीच्या पुणे रिंग रोड प्रकल्पामुळे हजारो झाडे तोडली जाण्याची शक्यता वर्तविण्यात येत आहे. तुमच्या मदतीने ही झाडे वाचविता येऊ शकतात. हे कार्य कोणतीही एक व्यक्ती, एक संस्था यांच्या क्षमते पेक्षा खूपच मोठे आहे त्यामुळेच अनेक संस्था, कंपन्या आणि समाजाने एकत्र येऊन ही चळवळ पुढे न्यायला हवी. तुम्ही वृक्ष पुनर्रोपण अभियानात खालील मार्गांचा अवलंब करून तुमचे अमूल्य योगदान देऊ शकता.
तमन्ना आणि डायना दिसणार एकत्र, प्राइम व्हिडीओवर प्रदर्शित होणार ‘ही’ सिरीज
वृक्ष पुनर्रोपणासाठी निधी द्या : तुमच्या सहकार्याने झाडांना सुरक्षित ठिकाणी म्हणजेच शेत जमीन, लष्कराची जमीन किंवा जंगलात हलवून त्यांचे संरक्षण करता येईल. एका झाडाच्या पुनर्रोपणा साठी त्याचे वय व आकारानुसार रु. ५००० ते ४०००० इतका खर्च येतो. एक झाड दत्तक घ्या : पुनर्रोपित झाड २ वर्षांसाठी प्रायोजित करा. योग्य देखभालीमुळे त्याचे जवळजवळ १००% व्यवस्थितरीत्या जगण्याचे प्रमाण वाढते. पुनर्रोपण केल्यापासूनच २० / २५ / ३० वर्षे वयाच्या परिपक्व वृक्षाचा लाभ आपल्याला होईल.
‘आपला मावळा संघटने’ची सहावी दुर्गसंवर्धन मोहीम! निलेश लंके यांची प्रतापगडावर हाक
झाडांसाठी जागा उपलब्ध करा : तुमच्याकडे जागा किंवा परिसर असल्यास, तुम्ही पुनर्रोपित झाडांना आश्रय देऊ शकता आणि त्यांना वाढण्यास मदत करू शकता. जागरूकता निर्माण करा : या चळवळीबद्दल अधिकाधिक लोकांपर्यंत माहिती पोहोचवा, सम विचारी नागरिकांना जोडा आणि हरित उपक्रमाला बळकटी द्या. चला, आजच पाऊल उचलूया – विकास आणि पर्यावरण संवर्धन हातात हात घालून पुढे नेता येईल. अधिक माहितीसाठी भेट द्या : www.rmdfoundation.org.in/tree-transplantation वृक्ष पुनर्रोपण अभियानात सहभागी व्हा, साथ द्या ! एकत्र येऊन झाडे वाचवू आणि आपले उद्याचे भविष्य सुरक्षित करू.
