धर्मशालामध्ये भारताचे वर्चस्व; पहिल्या एकदिवसीय सामन्यात अफगाणिस्तानचा 7 विकेट्सने उडवला धुव्वा

IND vs AFG : धर्मशाला येथे झालेल्या पहिल्या एकदिवसीय सामन्यात भारतीय संघाने अफगाणिस्तानचा 7 विकेट्सने पराभव करत तीन एकदिवसीय सामन्यांच्या

IND vs AFG : धर्मशाला येथे झालेल्या पहिल्या एकदिवसीय सामन्यात भारतीय संघाने अफगाणिस्तानचा 7 विकेट्सने पराभव करत तीन एकदिवसीय सामन्यांच्या मालिकेत 1-0 अशी आघाडी घेतली आहे. पावसामुळे हा सामना प्रति संघ 25 ओव्हर असा करण्यात आला होता. अफगाणिस्तानकडून रहमानुल्ला गुरबाजने शतक झळकावले तर भारतासाठी शुभमन गिलने शानदार खेळी केली.

प्रथम फलंदाजी करताना अफगाणिस्तानसाठी (IND vs AFG) गुरबाजने 51 चेंडूत 102 धावा केल्या ज्यामध्ये 8 चौकार आणि 8 षटकारांचा समावेश होता. तर दुसरीकडे या सामन्यात गुरबाजव्यतिरिक्त इतर कोणत्याही खेळाडूला फलंदाजीत विशेष प्रभाव पाडता आला नाही. इब्राहिम झद्रानने 4 चेंडूत 1 धाव केली, तर सिदिकुल्ला अटल 2 चेंडूत शून्यावर बाद झाला. कर्णधार हशमतुल्ला शाहिदीने 30 चेंडूत 27 धावा केल्या आणि अजमतुल्ला ओमरझाईने 16 चेंडूत 26 धावा केल्या. अफगाणिस्तानचा संघ 24.5 षटकांत 194 धावांत सर्वबाद झाला.

भारताची फलंदाजी

भारतासाठी रोहित शर्मा (Rohit Sharma) 16 चेंडूत 16 धावा करून धावबाद झाला. तर गिलने उत्कृष्ट फलंदाजी केली. तिसऱ्या क्रमांकावर आलेल्या इशान किशनने (Ishan Kishan) 22 चेंडूत 34 धावा केल्या. श्रेयस अय्यरने 15 चेंडूत 12 धावा केल्या. कर्णधार शुभमन गिल 66 चेंडूत 84 धावांवर नाबाद राहिला. भारताने 22.5 षटकांत 3 बाद 195 धावा करून विजयाचे लक्ष्य गाठले.

Picture-Perfect 🙌#TeamIndia wrap a comprehensive victory by 7️⃣ wickets in Dharamshala ✅

They lead the #INDvAFG ODI series by 1️⃣-0️⃣ 👌

Scorecard ▶️ https://t.co/lCuohEZYAl @IDFCFIRSTBank pic.twitter.com/RNy13a0PHX

— BCCI (@BCCI) June 13, 2026

अमेरिका-इराण करारावर आज स्वाक्षरी, Strait of Hormuz सर्वांसाठी खुले होणार? डोनाल्ड ट्रम्प करणार मोठी घोषणा

या मालिकेतील दुसरा सामना 17 जून रोजी लखनौच्या एकाना स्टेडियममध्ये होणार आहे. हा सामना मालिकेतील निर्णायक सामना ठरु शकतो. या सामन्यात जर भारताने विजय मिळवला तर या मालिकेत भारत 2-0 ने आघाडी घेईल पण अफगाणिस्तान हा सामना जिंकला तर मालिकेत 1-1 ने बरोबरी होईल.

संबंधित बातम्या