न्यूझीलंड दौऱ्यातील पहिल्या दोन सामन्यांतून ऋषभ पंत बाहेर; कुणाला मिळाली संधी ?

Rishabh Pant: ऋषभ पंतचा स्नायू दुखविल्यातून न्यूझीलंड दौऱ्यातील भारत ‘अ’ संघाच्या पहिल्या दोन सामन्यांतून माघार घ्यावी लागली आहे.

IND A vs NZ A : भारतीय क्रिकेट संघ या महिन्यात न्यूझीलंड दौऱ्यावर जाणार आहे. या दौऱ्यात भारतीय संघ बारा सामने खेळणार आहे. त्यामध्ये पाच टी-20 आंतरराष्ट्रीय सामने, पाच एकदिवसीय सामने आणि दोन कसोटी सामन्यांचा समावेश आहे. याशिवाय, भारत ‘अ’ संघही न्यूझीलंडमध्ये तीन-चार दिवसीय सामने खेळणार आहे. भारत ‘अ’ संघाचा यष्टीरक्षक फलंदाज ऋषभ पंत (Rishabh Pant) दुखापतीमुळे न्यूझीलंड दौऱ्यातील पहिल्या दोन सामन्यांतून बाहेर झाला आहे. त्याच्या जागी झारखंडचा यष्टीरक्षक फलंदाज कुमार कुशाग्र याला संघात स्थान देण्यात आले आहे.

सुनेत्रा पवारांचा ‘सोमेश्वर’वर दणदणीत विजय; युगेंद्र पवार, पुरुषोत्तम जगतापांचा सुपडा साफ

ऋषभ पंतला दुखापत, बीसीसीआयच्या वैद्यकीय पथकाच्या देखरेखीखाली उपचार
इराणी कपमध्ये रेस्ट ऑफ इंडिया संघाचे नेतृत्व करणाऱ्या ऋषभ पंतचा स्नायू दुखविल्यातून न्यूझीलंड दौऱ्यातील भारत ‘अ’ संघाच्या पहिल्या दोन सामन्यांतून माघार घ्यावी लागली आहे. बीसीसीआयच्या वैद्यकीय पथकाने त्याला सुरुवातीच्या सामन्यांमध्ये विश्रांती घेण्याचा आणि वैद्यकीय देखरेखीखाली राहण्याचा सल्ला दिला आहे. निवड समितीने पहिल्या दोन सामन्यांसाठी पंतच्या जागी कुमार कुशाग्रची निवड केली आहे. कुशाग्रने अलीकडेच दिलीप ट्रॉफीच्या अंतिम सामन्यात आणि इराणी कपमध्ये शतके झळकावून चांगली कामगिरी केली होती. त्यामुळे त्याला मिळालेली ही संधी महत्त्वाची मानली जात आहे.

मोठी बातमी! ज्ञानेश कुमारांच्या अडचणी वाढणार? सर्वोच्च न्यायालयाकडून विरोधातील सर्व याचिका मंजूर

बीसीसीआयने काय सांगितले?
बीसीसीआयने प्रसिद्धिपत्रक जारी करून ऋषभ पंतच्या दुखापतीबाबत माहिती दिली. इराणी कपमध्ये रेस्ट ऑफ इंडिया संघाचे नेतृत्व करत असताना पंतच्या डाव्या बाजूला दुखापत झाली होती. सध्या तो बीसीसीआयच्या वैद्यकीय पथकाच्या देखरेखीखाली असून, त्याच्या प्रकृतीत सुधारणा होत आहे. न्यूझीलंड दौऱ्यातील तिसऱ्या सामन्यासाठी पंत उपलब्ध असेल की नाही, याचा निर्णयनंतर घेतला जाणार असल्याचेही बीसीसीआयने स्पष्ट केले आहे.

भारत ‘अ’ संघाचे सामने कधी होणार?
भारत ‘अ’ आणि न्यूझीलंड ‘अ’ यांच्यातील तीन चार दिवसीय सामन्यांचे वेळापत्रक पुढीलप्रमाणे आहे.

पहिला सामना: 24 ते 28 ऑक्टोबर, लिंकन

दुसरा सामना: 31 ऑक्टोबर ते 3 नोव्हेंबर, क्राइस्टचर्च

तिसरा सामना: 7 ते 10 नोव्हेंबर, लिंकन

भारत ‘अ’ संघ : यशस्वी जैस्वाल, केएल राहुल, देवदत्त पडिक्कल, रविचंद्रन स्मरण, ध्रुव जुरेल (कर्णधार आणि यष्टीरक्षक), वॉशिंग्टन सुंदर, आकिब नबी, आकाश दीप, अंशुल कंबोज, मानव सुथार, मुकेश चौधरी, साई सुदर्शन, यश राठोड, मुकेश कुमार आणि कुमार कुशाग्र (यष्टीरक्षक — पहिल्या दोन सामन्यांसाठी).

संबंधित बातम्या