‘सितारे जमीन पर’ने बॉक्स ऑफिसवर केली धडाकेदार सुरुवात! आमिर खानची जादू पुन्हा चालली

Sitare Zameen Par 11.7 crores opening day collection : आमीर खानची (Aamir Khan) जादू पुन्हा एकदा यशस्वी झाली आहे. “सितारे जमीन पर” या चित्रपटाने (Sitare Zameen Par) धडाकेदार सुरूवात केलीय. पहिल्याच दिवशी जबरदस्त कलेक्शन (Entertainment News) नोंदविण्यात आलं आहे.

प्रदीर्घ प्रतिक्षेनंतर आमिर खानचा नवीन चित्रपट ‘सितारे जमीन पर’ अखेर 20 जून 2025 रोजी देशभरातील चित्रपटगृहांत प्रदर्शित झाला आहे. त्याला प्रेक्षकांचा प्रचंड प्रतिसाद मिळत आहे. हा चित्रपट 2007 मध्ये प्रदर्शित झालेल्या क्लासिक ‘तारे जमीन पर’चा स्पिरिचुअल सिक्वेल मानला जातोय. त्याची कथा प्रेरणादायक आणि हृदयस्पर्शी आहे.

PM मोदी, राष्ट्रपती मुर्मू ते इंडियन आर्मी…सर्वांनी केला योगा, पाहा PHOTO

चित्रपटाच्या पहिल्याच दिवशी देशभरातून प्रेक्षकांनी तुफान प्रतिसाद दिला आहे. 11.7 कोटींचा जबरदस्त ओपनिंग डे कलेक्शन नोंदवण्यात आलंय. सकारात्मक प्रतिक्रिया, तोंडी प्रसार (माउथ-ऑफ-वर्ड) आणि सोशल मीडियावरील चर्चेमुळे चित्रपटाविषयी उत्सुकता अधिकच वाढली आहे. वीकेंड जवळ येत असताना, या कमाईत लक्षणीय वाढ होण्याची शक्यता आहे.

आनंदाची बातमी, लाडक्या बहिणींना मिळणार 1 लाखांपर्यंत कर्ज; ‘या’ बँकेची मोठी घोषणा

या चित्रपटात आमिर खानसोबत अभिनेत्री जेनेलिया देशमुख प्रमुख भूमिकेत दिसून येत आहे. विशेष म्हणजे, या चित्रपटाद्वारे 10 नवोदित कलाकारांचे भव्य पदार्पण होत आहे. हे कलाकार म्हणजे – अरूष दत्ता, गोपी कृष्ण वर्मा, सम्वित देसाई, वेदांत शर्मा, आयुष भंसाली, आशीष पेंडसे, ऋषि शाहानी, ऋषभ जैन, नमन मिश्रा आणि सिमरन मंगेशकर. या नव्या चेहऱ्यांनी चित्रपटाच्या उत्सवाला अधिकच रंगत आणली आहे.

संबंधित बातम्या