Border 2 Release Date: प्रतिक्षा संपली! ‘बॉर्डर 2’ ची नवी रिलीज डेट जाहीर

Border 2 Release Date Announced: 1997 मध्ये रिलीज झालेला जेपी दत्ताचा ‘बॉर्डर’ हा एक ब्लॉकबस्टर चित्रपट होता. या देशभक्तीपर चित्रपटात सनी देओल, (Sunny Deol) जॅकी श्रॉफ, सुनील शेट्टी यांच्यासह अनेक कलाकारांनी आपल्या दमदार अभिनयाने मनाला स्पर्श केला. आता या चित्रपटाचा बहुप्रतिक्षित सिक्वेल येणार आहे. ‘बॉर्डर 2’च्या (Border 2) घोषणेनंतर या चित्रपटाची रिलीज डेट जाणून घेण्यासाठी चाहते अधीर झाले आहेत. अखेर निर्मात्यांनी ‘बॉर्डर 2’ ची रिलीज डेट (Border 2 Release Date ) जाहीर केली आहे. चला तर मग जाणून घेऊया हा चित्रपट चित्रपटगृहात कधी येणार?

 

View this post on Instagram

 

A post shared by Sunny Deol (@iamsunnydeol)

‘बॉर्डर 2’ कधी रिलीज होणार?

‘बॉर्डर 2’ ची घोषणा झाल्यापासून, चाहते चित्रपटगृहांमध्ये प्रदर्शित होण्याची आतुरतेने वाट पाहत आहेत. या चित्रपटात महत्त्वाची भूमिका साकारणाऱ्या सनी देओलने त्याच्या इंस्टाग्राम स्टोरीवर एक पोस्ट शेअर करून ‘बॉर्डर 2’ची रिलीज डेट जाहीर केली आहे. पोस्टमध्ये असे लिहिले आहे की, ‘बॉर्डर 2’ 23 जानेवारी 2026 रोजी थिएटरमध्ये प्रदर्शित होईल. म्हणजेच प्रजासत्ताक दिनानिमित्त हा चित्रपट चित्रपटगृहात दाखल होणार आहे. चित्रपटाच्या प्रदर्शनाच्या तारखेच्या घोषणेने चाहत्यांची उत्सुकता आता शिगेला पोहोचली आहे.

‘बॉर्डर 2’मध्ये वरुण धवनची एन्ट्री

नुकताच ‘बॉर्डर 2’ चा टीझरही रिलीज झाला आहे. टीझरची सुरुवात सोनू निगमच्या ‘ए गुजरने वाली हवा बाता, मेरा इतना काम करेंगे क्या…’ या गाण्याने होते. यानंतर वरुण धवनचा आवाज येतो. मी जय हिंद म्हणत शत्रूची प्रत्येक गोळी मारतो, जेव्हा पृथ्वी माता मला हाक मारते तेव्हा मी सर्वकाही सोडून परत येतो. मी भारताचा सैनिक आहे.” या टीझरद्वारे सनी देओलने वरुण धवनने ‘बॉर्डर 2’ मध्ये प्रवेश केल्याचे जाहीर केले होते. त्याने टीझरसोबत कॅप्शनमध्ये लिहिले की, “बॉर्डर 2 च्या बटालियनमध्ये सैनिक वरुण धवनचे स्वागत आहे.

सनी पाजीच्या Border 2 चित्रपटात बॉलीवूडच्या ‘या’ चॉकलेट हिरोची वर्णी, झळकणार प्रमुख भूमिकेत

‘बॉर्डर 2’ चे दिग्दर्शन अनुराग सिंग करत आहेत

‘बॉर्डर 2’ चे दिग्दर्शन अनुराग सिंग यांनी केले आहे. या चित्रपटाची निर्मिती जेपी दत्ता, भूषण कुमार आणि निधी दत्ता करत आहेत. मीडिया रिपोर्ट्सनुसार, या चित्रपटात केवळ सनी देओल मुख्य भूमिकेत दिसणार नाही, तर आयुष्मान खुराना आणि दिलजीत दोसांझ सारख्या कलाकारांनाही या चित्रपटात कास्ट करण्यात आले आहे. कलाकारांच्या यादीत विनाली भटनागर आणि नितीश निर्मल यांच्या नावाचाही समावेश आहे.

संबंधित बातम्या