‘चैत्र चाहूल 2026 चे सन्मान जाहीर! शुभांगी दामलेंचा ‘ध्यास सन्मानाने’ तर सुरेश गोसावींचा ‘रंगकर्मी सन्मानाने गौरव!

Chaitra Chahul 2026 गुढी पाडव्याच्या मुहूर्तावर “चैत्र चाहूल” हा मराठी संस्कृती आणि मराठी भाषेला वाहिलेला कार्यक्रम 'ॲड फिझ' करतो.

‘Chaitra Chahul 2026’ honors announced Shubhangi Damle with ‘Dhyas Samman’ and Suresh Gosavi honored with ‘Rangkarmi Samman’ : गेली दोन दशके गुढी पाडव्याच्या मुहूर्तावर “चैत्र चाहूल” हा मराठी संस्कृती आणि मराठी भाषेला वाहिलेला कार्यक्रम ‘ॲड फिझ’ करतो. यानिमित्ताने काही दिग्गज कलाकारांचे ऋण सत्कार आणि कलेसाठी अवघे आयुष्य समर्पित करणाऱ्यांना “ध्यास सन्मानाने” गौरविले जाते. यंदाचा हा सोहळा गुरुवार दिनांक १९ मार्च २०२६ रोजी संध्याकाळी ५ वाजता, रवींद्र नाट्य मंदिर, प्रभादेवीं, मुंबई येथे संपन्न होणार आहे.

VSR कंपनी, लग्न समारंभ आणि अजित पवारांचा अपघात… रोहित पवार यांनी उलगडले नवे धागेदोरे

आत्तापर्यंत या दिग्गजांना चैत्र चाहूल मध्ये गौरविले गेले. गेल्या एकोणीस वर्षात ज्यांच्याविषयी कृतज्ञता व्यक्त केली ते मान्यवर: सुलभाताई देशपांडे, गुरू पार्वती कुमार, राजा मयेकर, मधुकर तोरडमल, प्रा. शंकर वैद्य, सुलोचना चव्हाण, प्रा. वामन केंद्रे, अभिराम भडकमकर, प्रकाश खांडगे, सूनिल शानबाग, संध्या पुरेचा आणि ज्यांचा सन्मान केला ते ध्यास पुरस्कार: अरुण होर्णेकर, संजना कपूर, गणपत म्हसगे, चंद्गकांत काळे, माधुरी पुरंदरे, अरुण काकडे, कांचन सोनटक्के, अविनाश गोडबोले, ओमप्रकाश चव्हाण, सुधीर नांदगावकर, विदयाधर निमकर, अतुल पेठे रंगकर्मी पुरस्कार : मुक्ता बर्वे, प्रदीप मुळये, प्रसाद ओक, विजय केंकरे, विजयकुमार नाईक, चंद्रकांत कुलकर्णी, दत्त्ता पाटील, अजित भगत, विश्वास सोहनी, फैयाज शेख, मनोहर गोलांबरे.

स्वयंपाकघरात उतरल्या ‘तिघी’; ’तिखट मीठ फूड्स’ क्लाऊड किचनसोबत अनोखा उपक्रम

यंदा पुण्याच्या ‘सुदर्शन रंगमंच’च्या शुभांगी दामले यांचा ‘ध्यास सन्माना’ने आणि प्रख्यात लेखक आणि भाष्यकार सुरेश गोसावी यांचा ‘रंगकर्मी सन्माना’ने गौरव करण्यात येणार आहे. ‘चैत्र चाहूल’च्या निमित्ताने दरवर्षी वेगवेगळ्या विषयावर मनोरंजनाचा सोहळा होतो. यंदाचे वर्ष ही त्याला अपवाद नाही. यावर्षी विद्याधर पुंडलिक यांच्या माळ या कथेचे अभिवाचन प्रसिद्ध अभिनेते वैभव मांगले सादर करणार आहेत. सृजन संस्कार आणि प्रकाश योजना प्रदीप मुळ्ये यांची आहे आणि संगीत राहुल रानडे यांचे आहे.

इराण-इस्रायल युद्ध ! जिल्ह्यात एलपीजी गॅसची परिस्थिती काय? जिल्हाधिकाऱ्यांनी दिली महत्त्वाची माहिती

डॉ अश्विनी भिडे-देशपांडे यांचा खास ‘चैत्र चाहूल’ साठी निर्माण केलेला “रंग विठ्ठल“ हा अभंगाचा कार्यक्रम उत्तरार्धात असेल. त्याला साथ देतील तबला – यती भागवत, संवादिनी- ज्ञानेश्वर सोनवणे, तालवाद्य – सुर्यकांत सुर्वे, पखवाज- हनुमंत रावडे, बासरी – अमर ओक, स्वरसाथ- निमिष कैकाडी, स्वरांगी मराठे, स्वराली जोशी. हा कार्यक्रम सर्वांसाठी विनामूल्य खुला असून काही रांगा आरक्षित असून प्रथम येणाऱ्यांस प्रथम प्राधान्य दिले जाणार आहे. अधिक माहितीसाठी संपर्क : महेंद्र पवार ९८६९२८७८७०

संबंधित बातम्या