एक-दोन नव्हे तब्बल 14 वर्षांनंतर अभिनेत्याचं बॉलिवूडमध्ये कमबॅक; म्हणाला, ‘माझ्या वयाचे…’

Fardeen Khan on Hiramandi: चित्रपट निर्माते संजय लीला भन्साळी यांच्या हिरामंडीचा (Hiramandi) दमदार ट्रेलर रिलीज झाला आहे. दिग्दर्शकाने आपल्या वेब सिरीजमध्ये (web series) असे जग दाखवले आहे की, ते पाहताच प्रत्येकजण त्यात भारावून जातो. या वेब सिरीजद्वारे संजय लीला भन्साळी (Sanjay Leela Bhansali) ओटीटीच्या (OTT) जगात पदार्पण करणार आहेत. हिरामंडीच्या माध्यमातून अनेक स्टार्स पुनरागमन करणार आहेत. त्यातील एक नाव फरदीन खानचे (Fardeen Khan ) आहे. संजय लीला भन्साळी यांच्या वेब सीरिजमध्ये फरदीन खान वली मोहम्मदची भूमिका साकारणार आहे.

वली मोहम्मदची झलक पाहताच त्याचे पुनरागमन खूप दमदार होणार आहे, असे म्हणणे चुकीचे ठरणार नाही. 14 वर्षांनंतर फरदीन पुन्हा एकदा आपल्या अभिनयाची चुणूक दाखवणार आहे. या अभिनेत्याचे फर्स्ट लूक पोस्टर रिलीज झाल्यावर सर्वांनाच आश्चर्याचा मोठा धक्का बसला. त्याची शाही शैली लोकांना खूप आवडते. 2010 मध्ये फरदीन शेवटचा ‘दुल्हा मिल गया’ या चित्रपटात दिसला होता. ट्रेलर लॉन्चदरम्यान फरदीनने त्याच्या पुनरागमनाबद्दल खुलेपणाने सांगितले.

अभिनेता फरदीन म्हणाला की, “माझ्यासाठी हे खूप मोठे अंतर होते, जवळपास 14 वर्षे झाली आहेत. या अप्रतिम स्टार कास्टसाठी, नेटफ्लिक्स सारखे व्यासपीठ आणि अर्थातच संजय लीला भन्साळी यांच्यासोबत काम करण्याची संधी मिळाल्याबद्दल मी अत्यंत आभारी आहे. “अभिनेता म्हणून पडद्यावर परत येण्याची यापेक्षा चांगली संधी मी मागितली नसती.

Prerna Arora: प्रेरणा अरोरानी ‘क्रू’च्या यशाबद्दल ‘रोल मॉडेल’ एकताचं केलं कौतुक, म्हणाली…

त्याच्या व्यक्तिरेखेबद्दल बोलताना फरदीन म्हणाला की, भन्साळींनी दिलेली पात्रे खूप सशक्त आहेत, जी अभिनेत्याला भूमिकेत खोली आणण्यास सांगतात. ते पुढे म्हणाले की, संजय लीला भन्साळी यांच्यासोबत हीरामंडीमध्ये काम करणे ही अशी गोष्ट आहे, जी त्याने यापूर्वी कधीही केली नव्हती. संजय सरांसारखा भावनेने काम करणारा कोणीच नाही. कारण त्यांना त्यांची चांगली समज आहे. तो ज्या वयात आहे, त्याच वयात पडद्यावर पुनरागमन करण्यासाठी हे त्याच्यासाठी योग्य पात्र होते.

संबंधित बातम्या