Emmy Awards: आंतरराष्ट्रीय एमी पुरस्कार गमावल्यानंतर जिम सरभ यांची पहिली प्रतिक्रिया, म्हणाले…
- Written By: Digambar Jadhav Published:
International Emmy Awards 2023 : 51व्या इंटरनॅशनल एमी अवॉर्ड्स 2023 मध्ये (Emmy Awards 2023) ‘रॉकेट बॉईज’ मधील त्याच्या अभिनयासाठी अभिनेता जिम सरभला नामांकन मिळाले. मात्र, हा पुरस्कार मिळणे जिमला मुकला आहे. मार्टिन फ्रीमनने ‘द रिस्पॉन्डर’ मधील अभिनयासाठी आंतरराष्ट्रीय एमी पुरस्कार जिंकला आहे. या श्रेणीतील इतर नामांकितांमध्ये इओसी एल एस्पिया अरेपेंटिडोसाठी गुस्तावो बसानी आणि जोनास कार्लसन यांचा देखील समावेश होता.
इंटरनॅशनल एमी अवॉर्ड्सच्या अधिकृत X हँडलवर पुरस्कारांची घोषणा करण्यात आली आहे. पोस्टमध्ये लिहिले आहे की, “डान्सिंग लेज प्रॉडक्शन निर्मित “मार्टिन फ्रीमॅन इन द रिस्पॉन्डर” या अभिनेत्याच्या सर्वोत्कृष्ट कामगिरीसाठी आंतरराष्ट्रीय एमी देण्यात आला. “एमी अवॉर्ड गमावल्यानंतर जिम सरभ ( Jim Sarbh) यांनी आता सोशल मीडियावर पोस्ट करून आपली प्रतिक्रिया दिली आहे.
जिम सरभ यांची प्रतिक्रिया
एमी अवॉर्ड न जिंकल्याबद्दल जिमने त्याच्या इन्स्टाग्रामवर प्रतिक्रिया दिली आहे. जिमने त्याच्या इंस्टाग्राम स्टोरीजवर लिहिले, “नशीब नाही….” मात्र, त्यांनी वीर दास यांचे विजयाबद्दल अभिनंदन केले. स्टँडअप कॉमेडियन वीर दास यांनी कॉमेडीसाठी आंतरराष्ट्रीय एमी पुरस्कार जिंकला आहे. त्यांना हा पुरस्कार त्यांच्या प्रसिद्ध नेटफ्लिक्स स्पेशल वीर दास: लँडिंगसाठी मिळाला आहे. वीर दासने हा पुरस्कार डेरी गर्ल्स सीझन 3 मध्ये शेअर केला आहे.
OTT वर शिल्पा शेट्टीच्या ‘सुखी’ चा मोठा धमाका ! अवघ्या काही तासांतच होतोय ट्रेंड
एमी पुरस्कार 2023 चे आयोजन
20 नोव्हेंबर रोजी न्यूयॉर्क शहरात आंतरराष्ट्रीय एमी अवॉर्ड सोहळा पार पडला. वीर दास जिंकला, तर मेक्सिकन अभिनेत्री कार्ला सूझा हिने शेफालीला हरवून ‘ला कैडा (डाइव्ह)’ या मालिकेतील तिच्या अभिनयासाठी पुरस्कार जिंकला. निर्माती आणि चित्रपट निर्माती एकता कपूरने आंतरराष्ट्रीय एमी अवॉर्ड्स 2023 मध्ये एमी डायरेक्टरेट अवॉर्ड जिंकला आहे. विशेष म्हणजे हा सन्मान मिळवणारी एकता ही पहिली भारतीय महिला आहे.
