‘Mirzapur: The Movie’ चा अल्टिमेट भौकाल, टीझर रिलीज होताच यूट्यूब ट्रेंडिंगमध्ये #1 वर!
Mirzapur: The Movie : अनेक महिन्यांच्या प्रतीक्षेनंतर अखेर ‘मिर्झापूर: द मूव्ही’ चा बहुप्रतीक्षित टीझर प्रदर्शित झाला आहे. रिलीज होताच
-
- Written By: shakir sayyad Published:
Mirzapur: The Movie : अनेक महिन्यांच्या प्रतीक्षेनंतर अखेर ‘मिर्झापूर: द मूव्ही’ चा बहुप्रतीक्षित टीझर प्रदर्शित झाला आहे. रिलीज होताच या टीझरने इंटरनेटवर धुमाकूळ घातला असून तो यूट्यूब ट्रेंडिंगमध्ये थेट #1 वर पोहोचला आहे. या टीझरमधून चाहत्यांना या आयकॉनिक फ्रँचायझीच्या मोठ्या पडद्यावरील आवृत्तीची पहिली झलक पाहायला मिळाली असून, त्यामुळे चित्रपटाबद्दलची उत्सुकता अधिकच वाढली आहे.
पंकज त्रिपाठी, अली फझल आणि दिव्येंदू शर्मा आपल्या लोकप्रिय भूमिकांमध्ये पुन्हा एकदा दमदार पुनरागमन करताना दिसत आहेत. जबरदस्त अॅक्शन, थरारक ड्रामा आणि प्रभावी कथनशैली कायम ठेवत हा चित्रपट प्रेक्षकांना मोठ्या पडद्यावर एक भव्य सिनेमॅटिक अनुभव देण्याचे आश्वासन देतो. ‘मिर्झापूर’ला कल्ट फिनॉमेनन बनवणारा तोच दमदार अंदाज या टीझरमध्येही पाहायला मिळतो. हाय-ऑक्टेन क्षण आणि लक्षात राहणाऱ्या संवादांनी भरलेल्या या टीझरने सोशल मीडियावरही प्रचंड चर्चा रंगवली आहे. चाहत्यांकडून मिळालेल्या या अफाट प्रतिसादानंतर निर्मात्यांनी आनंद व्यक्त करत लिहिले,
“यूट्यूबवर #MirzapurTheMovie चा टीझर #1 वर ट्रेंड करत आहे! हेही ठीक आहे.
पाहा #MirzapurTheMovie फक्त ४ सप्टेंबर रोजी सिनेमागृहांमध्ये, हिंदी आणि तेलुगू भाषांमध्ये.”
View this post on Instagram
या चित्रपटाच्या भव्य स्टारकास्टमध्ये अभिषेक बॅनर्जी, रसिका दुगल, मोहित मलिक, शीबा चड्ढा, राजेश तैलंग, प्रमोद पाठक, श्रिया पिळगावकर, हर्षिता शेखर गौड, श्वेता त्रिपाठी आणि सोनल एस. चौहान यांचाही समावेश आहे. हे सर्व कलाकार मिळून ‘मिर्झापूर’ च्या विश्वातील एक नवा, अधिक भव्य आणि रोमांचक अध्याय प्रेक्षकांसमोर सादर करणार आहेत.
फडणवीस पंतप्रधान पदाच्या शर्यतीत म्हणून त्यांचे पंख छाटण्याचे काम भाजपमध्ये सुरु; ठाकरेंचा मोठा दावा
‘मिर्झापूर: द मूव्ही’ ची निर्मिती Amazon MGM Studios आणि Excel Entertainment यांच्या प्रस्तुतीखाली होत आहे. गुरमीत सिंग यांच्या दिग्दर्शनाखाली आणि पुनीत कृष्णा यांच्या लेखणीतून साकारलेल्या या चित्रपटाची निर्मिती रितेश सिधवानी आणि फरहान अख्तर यांनी एक्सेल एंटरटेनमेंटच्या बॅनरखाली केली आहे. तर कासिम जगमागिया आणि विशाल रामचंद्रनी हे या चित्रपटाचे सह-निर्माते आहेत. ‘मिर्झापूर: द मूव्ही’ 4 सप्टेंबर 2026 रोजी हिंदी आणि तेलुगू भाषांमध्ये भव्य स्वरूपात जगभरातील सिनेमागृहांमध्ये प्रदर्शित होणार आहे.
संबंधित बातम्या
मिर्झापूरचा ‘भौकाल’ आता थिएटरमध्ये! ‘मिर्झापूर: द मूव्ही’चा दमदार टीझर रिलीज
