राजा कृष्ण मेनन महिला कलाकारांना सोबत घेऊन करणार मानसशास्त्रीय भयपट ड्रामा !

जोखमीच्या नाट्यचित्रपटांचे दिग्दर्शन करण्यासाठी ओळखले जाणारे दिग्दर्शक राजा कृष्ण मेनन नवी कलाकृती प्रेक्षकांच्या भेटीला घेऊन येणार आहेत.

Psychological horror-drama! : एअरलिफ्ट, शेफ आणि पिप्पा यांसारख्या उच्च-जोखमीच्या नाट्यचित्रपटांचे दिग्दर्शन करण्यासाठी ओळखले जाणारे दिग्दर्शक राजा कृष्ण मेनन लवकरच नवी कलाकृती प्रेक्षकांच्या भेटीला घेऊन येणार आहेत. तमिळ चित्रपटसृष्टीत पदार्पण करून राजा मेनन यांनी पॅनोरमा स्टूडियो आणि लोकोमोटिव ग्लोबल यांच्या सहयोगाने निर्मित अद्याप शीर्षक निश्चित न झालेल्या मानसशास्त्रीय भयपट नाट्यचित्रपटाच्या मुख्य चित्रीकरणाला लंडनमध्ये अधिकृतपणे सुरुवात केली आहे.

“कोणीतरी एकदा मला अगदी योग्यपणे ‘genre agnostic’ म्हटले होते आणि हा चित्रपट त्या प्रवासातील आणखी एक शोध आहे” अस दिग्दर्शक राजा मेनन सांगतात ! ही कथा माझ्यासाठी अनेक अर्थांनी पहिली आहे कारण तमिळमधील माझा पहिला चित्रपट, माझा पहिला मानसशास्त्रीय भयपट, आणि पूर्णपणे महिलांभोवती केंद्रित असलेली माझी पहिली कथा ! त्यात त्रिशा कृष्णन, राधिका मॅडम, अपर्णा बालमुरली, यांच्या सारखे अप्रतिम कलाकार आणि शानदार टीमसोबत काम करण्याचा हा पहिला अनुभव आहे. विशेषाधिकार मिळणे ही आणखी एक भर आहे.

अन्न सुरक्षा म्हणजे शिक्षा नाही; तुकाराम मुंढेंच्या कारवाईवर FSSAI प्रमुख स्पष्टच बोलले

या चित्रपटात कलाकारांची दमदार ट्रियो असून इंडस्ट्री आयकॉन त्रिशा कृष्णन, ज्येष्ठ अभिनेत्री राधिका सरथकुमार, आणि राष्ट्रीय पुरस्कार विजेत्या अपर्णा बालमुरली यात मुख्य भूमिकेत दिसणार आहेत. राजा मेनन यांच्यासाठी या तीन वैशिष्ट्यपूर्ण कलाकारांना एकत्र आणणे म्हणजे कथेला आवश्यक असलेली प्रभावी मांडणी आणि भावनिक खोली मिळवून देणारे माध्यम आहे.

हा प्रकल्प Panorama Studios च्या विस्तारत चाललेल्या दक्षिण भारतीय वाटचालीचा भाग म्हणून त्यांचा पहिला तमिळ उपक्रमही ठरतो, ज्याची निर्मिती कुमार मंगत पाठक, अभिषेक पाठक, सुंदर आरोन, विकास शर्मा, आणि अमित दलमिया यांच्या सहकार्याने केली जात आहे.

ठरावीक जंप स्केअर्सवर अवलंबून राहण्याऐवजी राजा मेनन एक गडद, वातावरणनिर्मिती करणारी कथा साकारण्याचे उद्दिष्ट ठेवत आहेत. जिथे व्यक्तिरेखांमधून निर्माण होणारी भावनिकता भयाला चालना देईल. राजा मेनन यांचा तमिळ चित्रपटसृष्टीतील प्रवेश हा त्यांच्या आतापर्यंतच्या सर्वात धाडसी आणि वैयक्तिक सर्जनशील प्रवासांपैकी एक ठरण्याचे आश्वासन देतो.

संबंधित बातम्या