Kanguva Trailer: ‘कांगुवा’चा धमाकेदार ट्रेलर कधी येणार? मेकर्सनी पोस्टर शेअर करत थेट तारीख सांगितली

Kanguva Trailer Release Date: स्टुडिओ ग्रीन प्रोडक्शनमध्ये बनवलेला ‘कांगुवा’ (Kanguva Movie) चित्रपट या वर्षातील मोठ्या चित्रपटांपैकी एक आहे, ज्याच्या पोस्टर्समुळे लोकांमध्ये चित्रपटाची उत्सुकता वाढली आहे. शिव दिग्दर्शित ‘कांगुवा’चा बहुप्रतिक्षित ट्रेलर (Kanguva Trailer) 12 ऑगस्टला प्रदर्शित होणार असून निर्मात्यांनी इन्स्टाग्रामवर ही माहिती दिली आहे. ट्रेलर पाहिल्यानंतर चाहत्यांची प्रतीक्षा आणखी वाढणार आहे.

 

View this post on Instagram

 

A post shared by Studio Green (@studiogreen_official)

‘कांगुवा’च्या निर्मात्यांनी सोशल मीडियावर (social media) एक नवीन पोस्टर शेअर केले आहे आणि (Kanguva Trailer Release Date) त्यासोबतच या चित्रपटाच्या बहुप्रतिक्षित ट्रेलरची रिलीज डेटही जाहीर केली आहे.

‘कांगुवा’चा ट्रेलर ‘या’ तारखेला रिलीज होणार?

स्टुडिओ ग्रीन्सने एक नवीन पोस्ट शेअर केली आहे ज्यामध्ये सूर्या तलवारीसह ॲक्शन पोजमध्ये बसला आहे. त्याच्या कॅप्शनमध्ये त्याने लिहिले, ‘प्रतीक्षा संपली, विजयाची वेळ जवळ आली आहे. एका अनोख्या उत्सवासाठी सज्ज व्हा. 12 ऑगस्टपासून भव्य ‘कांगुवा ट्रेलर’ तुमच्यासाठी सज्ज आहे.

‘कांगुवा’ हा या वर्षातील सर्वात मोठा आणि महागडा चित्रपट आहे. अंदाजे 350 कोटींपेक्षा जास्त बजेट असलेला हा चित्रपट ‘पुष्पा’, ‘सिंघम’ आणि इतर अनेक मोठ्या चित्रपटांपेक्षा मोठा आहे. या चित्रपटाचे चित्रीकरण वेगवेगळ्या खंडातील 7 देशांमध्ये करण्यात आले आहे. प्रागैतिहासिक काळाचे चित्रण करणारा हा एक अनोखा चित्रपट असल्याने निर्मात्यांच्या मनात या चित्रपटासाठी एक अनोखा देखावा आहे.

Kanguva 2: ‘सूर्या’च्या चाहत्यांसाठी खास भेट; निर्मात्याने केली ‘कांगुआ’ बाबत मोठी घोषणा

निर्मात्यांनी ॲक्शन आणि सिनेमॅटोग्राफी सारख्या तांत्रिक विभागांसाठी हॉलीवूड तज्ञांची नियुक्ती केली आहे. एकूण 10 हजारांहून अधिक लोकांसोबत या चित्रपटाचे चित्रीकरण करण्यात आले होते आणि यात सर्वात मोठा वॉर सीक्वेन्स देखील आहे. इतकेच नाही तर स्टुडिओ ग्रीनने टॉप डिस्ट्रिब्युशन हाऊसेसशी हातमिळवणी केली आहे, जेणेकरून हा चित्रपट जगभरात मोठ्या प्रमाणावर प्रदर्शित होऊ शकेल. हा चित्रपट 10 ऑक्टोबर 2024 रोजी प्रदर्शित होणार आहे.

संबंधित बातम्या