YRF फिल्म्सचा नवा प्रवास; पहिल्या हॉरर चित्रपटात दिसणार वरुण धवन

Varun Dhawan : यश राज फिल्म्स (YRF) प्रथमच हॉरर या शैलीत पाऊल ठेवत असून, दिग्दर्शक अभय पन्नू यांच्या आगामी थिएटरिकल चित्रपटाद्वारे हा नवा

Varun Dhawan : यश राज फिल्म्स (YRF) प्रथमच हॉरर या शैलीत पाऊल ठेवत असून, दिग्दर्शक अभय पन्नू यांच्या आगामी थिएटरिकल चित्रपटाद्वारे हा नवा प्रवास सुरू होत आहे. समीक्षकांची प्रशंसा मिळालेल्या रॉकेट बॉयज या सीरीजसाठी ओळखले जाणारे अभय पन्नू यांनी या चित्रपटाचे दिग्दर्शन करण्यासोबतच पटकथाही लिहिली आहे. या चित्रपटाचे चित्रीकरण यावर्षाअखेरीस सुरू होणार असून, 2027 मध्ये तो जगभरातील चित्रपटगृहांमध्ये प्रदर्शित होणार आहे. उद्योगातील एका सूत्राने सांगितले, “YRF च्या पहिल्या हॉरर चित्रपटासाठी वरुण धवनची मुख्य अभिनेता म्हणून निवड करण्यात आली आहे.”

त्या सूत्राने पुढे सांगितले, “यश राज फिल्म्स (Yash Raj Films) प्रथमच हॉरर शैलीत प्रवेश करत आहे. अभय पन्नू (Abhay Pannu) दिग्दर्शित, अक्षय विधानी यांच्या धोरणात्मक पुढाकारातून साकार होणाऱ्या या चित्रपटात वरुण धवन प्रमुख भूमिकेत दिसणार आहे. YRF ने आजवर जवळपास सर्वच प्रकारच्या चित्रपटांची निर्मिती केली आहे, मात्र हॉरर हा एकमेव प्रकार बाकी होता. 2027 मध्ये हा प्रतिष्ठित बॅनर अखेर हॉरर विश्वात पदार्पण करणार आहे.”

रॉकेट बॉयज (Rocket Boys) नंतर अभय पन्नू यांचा हा पहिलाच थिएटरिकल चित्रपट असेल. तसेच, नव्या पिढीतील दिग्दर्शकांना संधी देण्याच्या YRF च्या भूमिकेलाही हा चित्रपट अधिक बळकटी देतो. सैयारा च्या अभूतपूर्व यशानंतर, आदित्य चोप्रा यांच्या मार्गदर्शनाखाली YRF ने मोहित सूरी, समीर सक्सेना आणि आता अभय पन्नू यांसारख्या वेगळ्या दिग्दर्शकीय आवाजांवर विश्वास दाखवला आहे.

राज्यात 30,209 शिक्षक पदांची मेगाभरती; मुलाखतीशिवाय नोकरीची सुवर्णसंधी

सुई धागा नंतर वरुण धवनचा यश राज फिल्म्स सोबतचा हा दुसरा चित्रपट असून, YRF च्या पहिल्याच थिएटरिकल हॉरर चित्रपटाचे नेतृत्व तो करणार आहे.

संबंधित बातम्या