Telugu Actress : चित्रपटसृष्टीवर शोककळा ! ज्येष्ठ दक्षिणात्य अभिनेत्री जमुना यांचे निधन

नवी दिल्ली : ज्येष्ठ तेलुगू (Telugu actress) अभिनेत्री जमुना (Jamuna) यांचे शुक्रवारी वृद्धापकाळाने निधन झाले. त्या 87 वर्षांच्या होत्या. पौराणिक चित्रपटांमध्ये सत्यभामेचे पात्र अजरामर करणाऱ्या जमुना यांनी तरुण वयातच रंगमंचावर काम करण्यास सुरुवात केली आणि 200 हून अधिक चित्रपटांमध्ये अभिनय केला.

जमुना यांचा 30 ऑगस्ट 1936 रोजी हंपी येथे जन्म झाला होता. त्यांनी आपले शालेय शिक्षण गुंटूरच्या दुग्गीराला येथे पूर्ण केले. त्यांनी त्यांच्या अभिनय कारकिर्दीची सुरुवात स्टेज परफॉर्मन्सने केली आणि 1952 मध्ये पुटिल्लू या चित्रपटातून त्यांनी स्क्रीनवर पदार्पण केले. मिसम्मा (1955) हा त्यांचा ब्रेकआउट परफॉर्मन्स होता.

जमुना यांनी मुख्यत्वे तेलुगू चित्रपटांमध्ये काम केले असले तरी जमुनाने काही तामिळ, कन्नड आणि हिंदी चित्रपटांमध्येही काम केले. आपल्या अभिनय कारकिर्दीत, जमुनाने एनटी रामाराव, अक्किनेनी नागेश्वरा राव, कृष्णा घट्टामनेनी, शोभन बाबू, कृष्णम राजू यासारख्या सिनेमाच्या दिग्गजांच्या विरुद्ध महिला मुख्य भूमिकेत काम केले. ‘मिलन’ या हिंदी चित्रपटासाठी तिला फिल्मफेअर पुरस्कार मिळाला होता.

जमुना यांचा सिनेमा ते राजकारणातील प्रवास
“श्री कृष्ण तुलाभरम” मधील सत्यभामा, भगवान कृष्णाची पत्नी, आणि “संपूर्ण रामायणम” मध्ये राजा दशरथाची पत्नी कैकेयी यांसारख्या विविध प्रकारच्या भूमिका साकारणाऱ्या त्या त्यांच्या काळातील सर्वात ग्लॅमरस अभिनेत्री होत्या.

जमुनाने सुनील दत्त अभिनीत “मिलन” यासह काही हिंदी चित्रपटांमध्येही काम केले ज्यासाठी तिला फिल्मफेअर पुरस्कार मिळाला होता. 1980 च्या दशकात जमुना यांनी काँग्रेस पक्षात प्रवेश करून राजकारणात प्रवेश केला आणि आंध्र प्रदेश महिला काँग्रेसच्या अध्यक्षा झाल्या.

विविध क्षेत्रातून भावपूर्ण श्रद्धांजली
ज्युनिअर एनटीआर, महेश बाबू, चिरंजीवी यांच्यासह सिनेमा सृष्टीतील अनेक मान्यवरांनी जमुना यांच्या निधनावर शोक व्यक्त केला.