Welcome To The Jungle: ब्रेकअपनंतर पहिल्यांदाच रुपेरी पडद्यावर एकत्र; खिलाडी अन् रवीना टंडन!
- Written By: Digambar Jadhav Published:
Welcome To The Jungle Announcement: ‘टिप-टिप बरसा पानी…’ बॉलिवूड सिनेमामधील हे गाजलेलं गाण आठवलं की, डोळ्यासमोर येते ती म्हणजे पिवळ्या साडीत पावसात भिजत डान्स करणारी रवीना टंडन (Raveena Tandon) आणि तिच्यावर प्रेमात वेडा झालेला खिलाडी म्हणजेच अक्षय कुमार (Akshay Kumar). आजच्या काळात देखील हे गाणे तितकेच लोकप्रिय आहे. ९०च्या दशकामध्ये खिलाडी (Khiladi ) आणि रवीना एक हिट कपल बनले होते. ऑनस्क्रीन आणि ऑफस्क्रीन रोमान्स बहरत असतानाच दोघांमध्ये थोडा दुरावा निर्माण झाला. यानंतर अनेक वर्ष ते दोघेही एकत्र दिसले नाही.
Khud ko aur aap sab ko ek birthday gift diya hai aaj. If you like it and say thanks, I’d say Welcome(3) 😬#WelcomeToTheJunglehttps://t.co/gzy8l325fZ
In cinemas, Christmas – 20th December, 2024. #Welcome3 pic.twitter.com/eqWePNPrtJ
— Akshay Kumar (@akshaykumar) September 9, 2023
परंतु आता त्यांच्या चाहत्यांना एक आनंदाची बातमी मिळाली आहे. अनेक वर्षांच्या दुराव्यानंतर आता ही जोडी पुन्हा एकदा रुपेरी पडद्यावर बघायला मिळणार आहे. खिलाडी आणि रवीनाची जोडी अनेक सिनेमामध्ये बघायला मिळाली. दोघांची जोडी चाहत्यांना देखील खूप आवडली. एकत्र काम करत असताना खिलाडी आणि रवीना एकमेकांच्या प्रेमात देखील पडले. त्यांच्या रिलेशनशीपबद्दल ते खूप गंभीर देखील होते. दोघांनीही घरच्यांच्या उपस्थितीत गुपचूप साखरपुडा केल्याचे देखील सांगितले जात होते. परंतु त्यांच्या साखरपुड्याच्या काही दिवसांनंतर त्यांच्या ब्रेकअप झाल्याच्या बातम्या येऊ लागल्या होत्या.
एका मुलाखतीच्या दरम्यान रवीनाने खिलाडीवर फसवणूक केल्याचा आरोप देखील लावला आहे. परंतु खिलाडीने कायमच मौन बाळगले आहे. तसेच गेल्या काही काळामध्ये शिल्पा शेट्टीशी जवळीक वाढल्याने खिलाडीने रवीनापासून दुरावल्याचे सांगितले जात होते. मात्र नंतर खिलाडीच्या प्रेमात देखील शिल्पाचा देखील विश्वासघात झाला होता. परंतु तेव्हापासून रवीनाने खिलाडीपासून अंतर ठेवले होते. दोघे कधी एकत्र बघायला मिळाले नाही. मात्र, आता अनेक वर्षांनंतर ही जोडी पुन्हा मोठ्या एकदा रुपेरी पडद्यावर अधिराज्य गाजवण्यास सज्ज झाल्याचे बघायला मिळणार आहे. त्यांच्या आगामी सिनेमाचा अर्थात ‘वेलकम टू द जंगल’चा टीझर देखील प्रदर्शित झाला आहे. त्यामध्ये खिलाडी कुमारसोबत रवीना टंडन दिसली आहे.
Sanya Malhotra: …म्हणून सान्या मल्होत्राने मानले किंग खानचे आभार !
‘वेलकम ३’ या आगामी सिनेमाचे अधिकृत शीर्षक ‘वेलकम टू द जंगल’ करण्यात आले आहे. या सिनेमात खिलाडीसोबत दिशा पाटनी, जॅकलिन फर्नांडिस, परेश रावल, सुनील शेट्टी, जॉनी लिव्हर, कृष्णा अभिषेक, किकू शारदा यांसारख्या कलाकारांच्याही महत्वाच्या भूमिका बघायला मिळणार आहे. या सिनेमात संजय दत्त आणि अर्शद वारसी यांची जोडी दिसणार असल्याने चाहत्यांना ‘मुन्नाभाई एमबीबीएस’ची झलक देखील बघायला मिळणार आहे. तसेच परेश रावल देखील आपल्या कॉमेडीने लोकांना हसवणार असल्याचे दिसणार आहे.
