Israel Hamas War : हमासचा पलटवार! गाझात अंदाधुंद गोळीबार, 9 इस्त्रायली सैनिकांचा मृत्यू
- Written By: Mukund Bhalerao Published:
Israel Hamas War : मागील दोन महिन्यांपासून इस्त्रायल आणि हमास यांच्यात (Israel Hamas War) यु्द्ध सुरू आहे. युद्धाचा निकाल अजूनही लागलेला नाही. दोन्ही बाजूंनी जोरदार हल्ले सुरू झाले आहेत. आताही युद्धाच्या मैदानातून मोठी बातमी समोर आली आहे. मागील आठवड्यात इस्त्रायली सैनिकांनी हमासवर (Hamas) एअरस्ट्राइक करत हमासवर बॉम्बचा वर्षाव केला होता. यामध्ये शेकडो लोकांचा मृत्यू झाला होता. चिडलेल्या हमासने या हल्ल्याचा बदला घेतला आहे. हमासने गाझापट्टीत (Gaza City) अंदाधुंद गोळीबार केला. तसेच स्फोटकांचाही वापर करण्यात आला. या हल्ल्यात इस्त्रायलच्या नऊ सैनिकांचा मृत्यू झाला तर एक सैनिक गंभीर जखमी झाल्याच माहिती समोर आली आहे.
Israel Hamas War : युद्धविराम संपताच इस्त्रायलचा ‘एअरस्ट्राइक’ बॉम्बफेकीत 178 लोकांचा मृत्यू
याबाबत मिळालेल्या माहितीनुसार, चार इस्त्रायली सैनिकांचा संपर्क तुटला होता. त्यांना शोधण्यासाठी दहा सैनिकांच्या एका तुकडीला रवाना करण्यात आले होते. या तुकडीत एका सैन्य अधिकाऱ्याचाही समावेश होता. गाझापट्टीत शोधमोहिम सुरू असतानाच हमासच्या सैनिकांनी त्यांच्यावर अचानक हल्ला केला. अंदाधुंद गोळीबार आणि स्फोटकांचा मारा केला. काही कळायच्या आत हल्ला झाल्याने इस्त्रायलच्या सैनिकांना सावध होण्यासाठीही वेळ मिळाला नाही. या हल्ल्यात नऊ सैनिकांचा मृत्यू झाल्याचे सांगण्यात येत आहे. दरम्यान, हमासने केलेल्या हल्ल्यांत आतापर्यंत 115 इस्त्रायली सैनिकांचा मृत्यू झाला आहे.
इस्त्रायलच्या हल्ल्यात 178 लोकांचा मृत्यू
याआधीइस्त्रायलने आठवडाभराच्या युद्धविरामाची संपताच (Israel Hamas War) गाझा पट्टीवर तुफान बॉम्बफेक केली. या हल्ल्यात हमास अतिरेकी संघटनेच्या तब्बल 200 ठिकाणांवर मारा (Hamas) करण्यात आला होता. या हल्ल्यात 178 पेक्षा जास्त लोकांचा मृत्यू झाला. तर शेकडो लोक जखमी झाले होते. हमासचा संपूर्ण नायनाट करण्याच्या उद्देशानेच इस्त्रायल (Israel Attack) मैदानात उतरला असून आता हल्ले अधिक तीव्र करण्यात आले आहेत. पॅलेस्टिनी नागरिकांना (Israel Palestine Conflict) मात्र प्रचंड हाल सहन करावे लागत आहेत. इस्त्रायलने गाझातील काही (Gaza City) भाग रिकामा करण्याचा इशारा दिला होता. काहीही झालं तरी आम्ही युद्ध थांबवणार नाही, असे इस्त्रायलने स्पष्ट केले आहे.
Israel Hamas War : दक्षिण गाझात इस्त्रायलचा मोठा अटॅक; 45 लोकांचा मृत्यू
7 ऑक्टोबरपासून युद्ध सुरू आहे. युद्धात मोठं नुकसान झालं आहे. हजारो लोकांचा बळी गेला आहे. या युद्धाचे चटके जगालाही बसू लागले होते. त्यामुळे अन्य देशांच्या मध्यस्थीनंतर 24 नोव्हेंबरपासून सात दिवसांच्या युद्धविरामाची घोषणा करण्यात आली होती. बुधवारी युद्धबंदीच्या शेवटच्या दिवशी हमासने इस्त्रायलच्या 16 ओलिसांची सुटका केली होती. मात्र हमासने अद्याप सगळ्या बंधकांची सुटका केलेली नाही असा आरोप इस्त्रायलने केला होता. तसेच गाझा पट्टीत कुणीही निर्दोष नाही असे इस्त्रायलने ठासून सांगितले होते.
