मोठी बातमी! मुख्यमंत्री देवेंद्र फडवीसांना होमग्राउंडवर धक्का, नागपूरमध्ये काँग्रेसचे अभिजित वंजारींचा विजय

Abhijit Vanjari : नागपूर पदवीधर मतदारसंघाच्या निकालाने राजकीय वर्तुळात खळबळ उडाली असून, भाजपच्या ग्राऊंडवर काँग्रेसचे अभिजित वंजारी विजयी.

Abhijit Vanjari wins in Nagpur : नागपूर पदवीधर मतदारसंघाच्या निवडणुकीत मोठा उलटफेर झाला असून, काँग्रेसचे अभिजित वंजारी विजयी झाले आहेत. त्यांनी भाजपचे उमेदवार सुधाकर कोहळे यांचा पराभव केला. या निकालामुळे नागपूरमध्ये भाजपला धक्का बसला असून, काँग्रेसच्या गोटात उत्साहाचं वातावरण आहे.

अभिजित वंजारी यांच्या विजयाची घोषणा होताच काँग्रेस कार्यकर्त्यांनी भाजपविरोधात घोषणाबाजी करत परिसर दणाणून सोडला. दरम्यान, राज्यातील विधानपरिषदेच्या पाच निवडणुकांपैकी महाविकास आघाडीने आता तीन ठिकाणी विजय मिळवला आहे. त्यामुळे या निकालांमुळे राज्यातील राजकीय समीकरणांची चर्चा सुरू झाली आहे.

मराठवाडा पदवीधर निवडणुकीत शरद पवारांचा विजयी प्रताप, महायुतीचे सतीश चव्हाण यांचा पराभव, 18 वर्षांचा गड खालसा

महाराष्ट्र विधानपरिषदेच्या 3 पदवीधर आणि 2 शिक्षक मतदारसंघांच्या निवडणुकीचे निकाल जाहीर होत आहेत. एकूण 5 जागांसाठी 182 उमेदवार निवडणुकीच्या रिंगणात उतरले होते. पुणे, छत्रपती संभाजीनगर आणि नागपूर विभागातील पदवीधर मतदारसंघ, तसेच अमरावती आणि पुणे विभागातील शिक्षक मतदारसंघांसाठी ही निवडणूक झाली.

नागपूर पदवीधर मतदारसंघात एकूण 38 उमेदवार रिंगणात होते. या निवडणुकीत भाजपचे सुधाकर कोहळे आणि काँग्रेसचे अभिजित वंजारी यांच्यात मुख्य लढत झाली. सुमारे सहा दशकांपासून असलेलं वर्चस्व 2020 मध्ये काँग्रेसने संपुष्टात आणलं होतं. आता ही जागा पुन्हा मिळवण्यासाठी भाजपने प्रयत्न केले होते.

मात्र, या निवडणुकीत गेल्या वेळी विजयी झालेले काँग्रेसचे अभिजित वंजारी यांनी पुन्हा मतांमध्ये आघाडी घेत विजय मिळवला. त्यानंतर काँग्रेस कार्यकर्त्यांनी जल्लोष सुरू केला. दुसरीकडे, भाजपचे उमेदवार सुधाकर कोहळे यांनी आपला पराभव मान्य केला आहे.

संबंधित बातम्या