दुष्काळाच्या मुद्द्यावर गोपीचंद पडळकरांचा विरोधकांना टोला; 5 हजारांच्या मदतीवर काय म्हणाले?

Gopichand Padalkar Drought Statement : महायुती सरकारने ऑक्टोबरमध्येच दुष्काळ जाहीर करून शेतकऱ्यांना 5 हजार मदतीवर पडळकर यांचं भाष्य.

Gopichand Padalkar Drought Statement : पुढच्या एकदोन महिन्यात दुष्काळाच्या झळा जास्त तीव्र होण्याची शक्यता तज्ञ वर्तवत आहेत. त्या पार्श्वभूमीवर आपल्याकडं दोन महिने अगोदरच दुष्काळ सरकारने जाहीर केला आहे. आजपर्यंत दुष्काळ नेहमी डिसेंबर महिन्यात जाहीर केला जायचा, परंतु, महायुती सरकारने यावर्षी पहिल्यांदाच हा नियम मोडून ऑक्टोबरमध्ये दुष्काळ जाहीर केला आहे असं म्हणत भाजप आमदार गोपीचंद पडळकर यांनी अप्रत्यक्ष विरोधकांना टोला लगावला आहे. ते बहुजन दसरा मेळाव्यात बोलत होते.

पुढं बोलताना पडळकर म्हणाले, आपल्या शेजारी कर्नाटक राज्यातही दुष्काळ आहे, त्या सरकारने पहिला हप्ता 1200 रुपये दिला आहे, तर दुसरा हप्ता 2500 दिला आहे. परंतु, आपल्या सरकारने पहिलाच हप्ता 5 हजार रुपयांचा दिला आहे. ही रक्कम मोठी नाही, पण आपल्या सर्वांची दिवाळी चांगली साजरी व्हावी म्हणून सरकारने ही तात्काळ मदत जाहीर केली आहे असंही पडळकर यावेळी बोलताना म्हणाले आहेत.

संबंधित बातम्या