1 ऑक्टोबरपासून FDचे नियम बदलणार; मोठी रक्कम जमा करण्यापूर्वी ‘या’ गोष्टी जाणून घ्या

RBI New FD Rules: मात्र, 1 लाख, 2 लाख किंवा 5 लाखांसारखी सामान्य रिटेल FD करणाऱ्या ग्राहकांवर या बदलाचा थेट परिणाम होणार नाही.

RBI New FD Rules : भारतीय रिझर्व्ह बँकने (RBI) 1 ऑक्टोबर 2026 पासून मुदत ठेवीबाबत (FD) संबंधित नियमांमध्ये महत्त्वाचा बदल लागू केलाय. या नव्या नियमाचा परिणाम 3 कोटी किंवा त्याहून अधिक रकमेच्या बल्क डिपॉझिटवर होणार आहे. त्यामुळे मोठी रक्कम एफडीमध्ये गुंतवणाऱ्या ग्राहकांना दररोजच्या व्याजदराची माहिती तपासणे महत्त्वाचे ठरणार आहे. मात्र, 1 लाख, 2 लाख किंवा 5 लाखांसारखी सामान्य रिटेल FD करणाऱ्या ग्राहकांवर या बदलाचा थेट परिणाम होणार नाही.

काय आहे RBIचा नवा नियम?
RBIच्या नव्या मार्गदर्शक तत्त्वांनुसार, बँकांना बल्क डिपॉझिटवर देण्यात येणाऱ्या व्याजदरांची माहिती प्रत्येक कामकाजाच्या दिवशी सकाळी 10 वाजेपर्यंत त्यांच्या अधिकृत वेबसाइटवर जाहीर करावी लागणार आहे. जर बँकेला त्या व्याजदरांमध्ये काही बदल किंवा अपडेट करायचे असतील, तर सकाळी 10 वाजल्यानंतर त्यासाठी केवळ 10 मिनिटांचा कालावधी उपलब्ध असेल. त्या दिवशी जाहीर केलेला व्याजदर त्या दिवशी बँकेकडून स्वीकारल्या जाणाऱ्या समान श्रेणीतील जमा रकमांसाठी लागू राहील.

किती रकमेची FD ‘बल्क डिपॉझिट’ मानली जाणार?
बँकिंग नियमांनुसार, 3 कोटी किंवा त्याहून अधिक रकमेची FD बल्क डिपॉझिटच्या श्रेणीत येते. त्यामुळे एखादा वैयक्तिक गुंतवणूकदार, कंपनी किंवा संस्था 3 कोटी किंवा त्याहून अधिक रकमेची FD करणार असेल, तर FD करण्यापूर्वी त्या दिवसाचा लागू व्याजदर बँकेच्या वेबसाइटवर तपासणे महत्त्वाचे ठरणार आहे.

नव्या नियमाचे प्रमुख फायदे
1. शाखा किंवा डिजिटल माध्यमानुसार वेगवेगळे दर नाहीत
नव्या नियमामुळे एकाच दिवशी समान श्रेणीतील बल्क डिपॉझिटसाठी वेगवेगळ्या शाखा किंवा डिजिटल माध्यमांनुसार वेगवेगळे व्याजदर देण्याची शक्यता कमी होईल.

2. व्याजदरात पारदर्शकता
एकाच दिवशी समान श्रेणीतील FD करणाऱ्या ग्राहकांसाठी समान व्याजदर लागू होईल. त्यामुळे मोठ्या गुंतवणूकदारांना अधिक पारदर्शक पद्धतीने निर्णय घेता येईल.

संजय राऊतांच्या पत्रानंतर तुकाराम मुंढेंचा मोठा निर्णय; 12 अधिकाऱ्यांवर कारवाई होणार?

3. विविध बँकांच्या दरांची तुलना सोपी
मोठ्या रकमेची FD करणाऱ्या गुंतवणूकदारांना वेगवेगळ्या बँकांच्या दरांची तुलना करून गुंतवणुकीचा निर्णय घेणे अधिक सोपे होईल.
मात्र, लिक्विडिटी कव्हरेज रेशो (LCR) फ्रेमवर्कअंतर्गत ज्या ठेवींची तरलता वैशिष्ट्ये वेगळी असतील, अशा ठेवींसाठी काही परिस्थितींमध्ये वेगळे व्याजदर लागू करण्याची परवानगी बँकांना असू शकते.

पैशांचा पाऊस पाडण्याचे आमिष दाखवून फसवणूक; बारामतीतील तिघांना अटक, 1.03 कोटींचा मुद्देमाल जप्त

1 ते 5 लाखांच्या FDवर काय परिणाम होणार?
सामान्य रिटेल गुंतवणूकदारांनी या नव्या नियमामुळे चिंतेत पडण्याची गरज नाही. 1 लाख, 2 लाख किंवा 5 लाखांसारखी सामान्य एफडी करणाऱ्या ग्राहकांना दररोज सकाळी बँकेच्या वेबसाइटवर व्याजदर तपासण्याची आवश्यकता असणार नाही. हा बदल मुख्यतः 3 कोटी किंवा त्याहून अधिक रकमेच्या बल्क डिपॉझिटसाठी लागू होणार आहे. त्यामुळे छोट्या रकमेच्या सामान्य FDवर या नियमाचा थेट परिणाम होणार नाही.

मोठी FD करणाऱ्यांनी काय काळजी घ्यावी?
1 ऑक्टोबर 2026 पासून ₹3 कोटी किंवा त्याहून अधिक रकमेची FD करण्याचा विचार असल्यास, प्रत्येक कामकाजाच्या दिवशी सकाळी 10 वाजता बँकेच्या अधिकृत वेबसाइटवर जाहीर केलेले व्याजदर तपासावेत. भविष्यातील नोंद किंवा पुराव्यासाठी त्या दिवशी वेबसाइटवर दाखवण्यात आलेल्या व्याजदराचा स्क्रीनशॉट जतन करून ठेवणे उपयुक्त ठरू शकते.

संबंधित बातम्या