आयफोन वापरकर्त्यांची वाढली अडचण! ‘या’ मॉडेल्सवर युट्यूब चालणार नाही, लिस्ट वाचा

Apple Iphone Users Not Able To Use Youtube App On Phone : तुम्ही आयफोन (Iphone) वापरता का? मग ही बातमी तुमच्यासाठी आहे. आयफोन (Apple) आणि आयपॅड वापरणाऱ्या लाखो वापरकर्त्यांसाठी एक मोठी बातमी आहे. आयफोन (iPhone Update) आणि आयपॅड वापरणाऱ्या वापरकर्त्यांना युट्यूबने मोठा धक्का दिला आहे, युट्यूबने एक नवीन अपडेट आणलंय. यानुसार काही ठराविक वापरकर्त्यांसाठी युट्यूब अॅप (Youtube) सपोर्ट बंद करण्यात आला आहे. कोणत्या मॉडेल्ससाठी सपोर्ट बंद करण्यात आला आहे. तुमच्या फोनवर युट्यूब अॅप चालणार की नाही? यासंदर्भात आपण जाणून घेऊ या.

युट्युबचं नवीन व्हर्जन

अलीकडेच युट्युबने अॅपचं नवीन व्हर्जन (20.22.1) आणलं आहे. या नवीन आवृत्तीमुळे जुन्या आयफोन आणि आयपॅड वापरणाऱ्या वापरकर्त्यांसाठी युट्युब अॅपचा सपोर्ट बंद करण्यात आला आहे. युट्युबची नवीन आवृत्ती iOS 16 आणि त्यावरील मॉडेल्सना सपोर्ट करेल. याचा अर्थ असा की, जर तुमचा आयफोन किंवा आयपॅड iOS 15 वर काम करत असेल, तर आता तुम्ही फोनवर युट्युब अॅप चालवू शकणार नाही.

ब्लॅकमेलिंग सहन करणार नाही, कारवाई करु; चंद्रहार पाटलांनी साथ सोडताच राऊतांचा इशारा

युट्युब कोणत्या मॉडेल्सवर चालणार नाही?

YouTube च्या नवीन अपडेटनंतर, हे अॅप खाली नमूद केलेल्या iPhone आणि iPad मॉडेल्सना सपोर्ट करणार नाही. अर्थात, YouTube अॅप खाली नमूद केलेल्या मॉडेल्सना सपोर्ट करणार नाही, परंतु वापरकर्ते मोबाइल ब्राउझरद्वारे YouTube अॅक्सेस करू शकतील. ब्राउझरद्वारे वापरले गेल्यास अॅपमध्ये उपलब्ध असलेल्या स्मूथ नेव्हिगेशन, ऑफलाइन सपोर्ट आणि चांगले व्हिडिओ स्ट्रीमिंग टूल्स इत्यादी वैशिष्ट्यांचा लाभ घेऊ शकणार नाही.

आयफोन 6 एस प्लस
आयफोन 6 एस
आयफोन 7 प्लस
आयफोन 7
आयपॉड टच (7th Generation)
आयफोन एसई (1st Generation)
आयपॅड मिनी 4
आयपॅड एअर 4

प्रसाद ओक यांना यंदाचा ‘निळू फुले कृतज्ञता सन्मान 2025 ‘ जाहीर, पुरस्कार सोहळा पुण्यात पार पडणार

एखाद्या अ‍ॅपने जुन्या मॉडेल्सना सपोर्ट करणे बंद करण्याची ही पहिलीच वेळ नाही, तर व्हॉट्सअॅपने जुन्या व्हर्जनना सपोर्ट करणाऱ्या मॉडेल्सना सपोर्ट करणे देखील थांबवले आहे. यावरून एक गोष्ट स्पष्ट होते की, डेव्हलपर्स अधिक प्रगत सॉफ्टवेअरसह येणाऱ्या नवीन डिव्हाइसेसवर लक्ष केंद्रित करत आहेत.

आयफोनवर युट्यूब वापरण्यासाठी काय करायचं?
जुन्या उपकरणांसाठी YouTube सपोर्ट बंद करणे हे तुमच्या फोनला अपग्रेड करण्याची वेळ आली आहे याचे लक्षण आहे. जर तुम्हाला आयफोनवर YouTube अॅप चालवायचे असेल, तर तुम्हाला iOS 16 किंवा त्यावरील OS आवृत्तीसह येणारा नवीन फोन खरेदी करावा लागेल.

संबंधित बातम्या