कसाऱ्याजवळ नंदीग्राम एक्स्प्रेसला अचानक आग; प्रवाशांची झाली धावाधाव, आग नक्की कशामुळं लागली

Nandigram Express Fire : कसाऱ्यातून मोठी बातमी हाती आली आहे. कसाऱ्याजवळ नंदीग्राम एक्स्प्रेसच्या कोचला आग लागल्याची खळबळजनक घटना घडली आहे. आग लागल्यानंतर नंदीग्राम एक्स्प्रेस कसारा सिग्नल जवळ थांबवण्यात आली आहे. प्रवासी सुखरूप असून या एक्स्प्रेसला आग नेमकी कशामुळे लागली, याची माहिती मिळालेली नाही.

मिळालेल्या माहितीनुसार, नंदीग्राम एक्स्प्रेसच्या कॉम्प्रेसरला आग लागल्याची घटना घडली. नंदीग्राम एक्सप्रेसला आग लागल्यानंतर प्रवाशांमध्ये एकच खळबळ उडाली. आग लागल्यानंतर अग्निशमन दलाला तातडीने कळवण्यात आलं. एक्स्प्रेसला आग लागल्यानंतर ट्रेन कसारा जवळील सिग्नलजवळ थांबवली. या घटनेत प्रवासी सुखरुप असल्याची माहिती मिळाली आहे. त्यांना तातडीने ट्रेनमधून उतरवण्यात आलं. या प्रवाशांना सुरक्षित ठिकाणी हलवण्यात आलं आहे.

Video: धनंज महाडिकांची महिलांना भरसभेत धमकी; सतेज पाटलांकडून कोल्हापूरी स्टाईल समाचार

नंदीग्राम एक्स्प्रेसच्या एका कोचजवळ आग लागल्याची घटना घडली. आग लागल्याची घटना घडताच अग्निशमन दलाचे जवान मदतीला धावले. या अग्निशमन दलाच्या जवानांनी पोहोचून कोचजवळील आगीवर पाण्याचा फवारा मारण्यास सुरुवात केली. अग्निशमन दलाच्या जवानांनी तातडीने आगीवर नियंत्रण मिळवण्यास सुरुवात केली.