धनंजय मुंडे राजीनामा देणार? अजितदादांचं सूचक विधान, ‘तेव्हा मीही राजीनामा दिला होता, आता मुंडेंनी…’

Ajit Pawar : सरपंच सतोष देशमुख (Satosh Deshmukh) यांच्या हत्या प्रकरणात मंत्री धनंजय मुंडे (Dhananjay Munde) यांचा निकटवर्तीय वाल्मिक कराडला (Walmik Karad) अटक करण्यात आली. कराडशी असलेल्या संबंधावरून मंत्री मुंडेंवरही विरोधकांकडून गंभीर आरोप केले जात आहोत. विरोधकांकडून मुंडेंच्या राजीनाम्याची मागणी सातत्याने केली जातेय. अखेर उपमुख्यमंत्री अजित पवार (Ajit Pawar यांनी याबाबत मोठं वक्तव्य केलं आहे.

धनंजय मुंडे राजीनामा देणार? अजितदादांचं सूचक विधान, ‘तेव्हा मीही राजीनामा दिला होता, आता मुंडेंनी…’ 

सिंचन घोटाळ्याच्या आरोपावेळी मी राजीनामा दिला होता, त्यामुळं राजीनामा द्यायचा की नाही हे धनंजय मुंडेंनी ठरवावं, असं अजित पवार म्हणााले.

अजित पवार यांनी माध्यमांशी संवाद साधला. यावेळी बोलताना त्यांनी अनेक विषयांवर भाष्य केलं. मुंडेंच्या राजीनाम्याविषयी विचारले असता ते म्हणाले की, मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि मी सांगितले आहे की, बीडमध्ये जी घटना घडली, ती अतिशय निंदनीय आणि माणुसकीला फासणारी घटना आहे. त्यामुळे त्यात जे कोणी दोषी असतील त्यांना शासन केले जाईल. कोणालाही सोडले जाणार नाही. मुख्यमंत्र्यांनी तातडीने एसआयटी आणि सीआयडी नेमली आहे, न्यायालयीन चौकशी देखील सुरू आहे.

संदीप क्षीरसागर आणि अजित पवारांमध्ये गुप्त भेट, चर्चांना उधाण; अजितदादा पत्रकारांवर संतापले, ‘तुम्ही वेडे…’ 

अजित पवार पुढे म्हणाले की, एखाद्यावर आरोप सिध्द झाला किंवा चौकशीमध्ये त्याचं नावं आलं, चौकशीची सुई तिथपर्यंत पोहोचली तरचं आपण कारवाई करणार ना? पुरावा नसेल म्हणून मुंडेंची राजीनामा दिला नसेल. पण, २०१० मध्ये माझ्यावर सिंचनाचे आरोप झाले. त्यावेळी मी राजानामा दिला होता. मी गेल्या ३४ वर्षांपासून विविध खाती सांभाळली आहेत. १९९२ सालापासून आजपर्यंत काम करताना मला देखील बदनाम करण्यात आलं. माझी जनमाणसात प्रतिमा मलिन करण्यात आली. मला वाटलं की, आपण इतक्या व्यवस्थितपणे काम करत असतांना आपल्यावर आरोप होत आहेत. हे माझ्या विवेक बुध्दीला ते पटलं नव्हतं आणि मीही राजीनामा दिला होता, असं अजित पवार म्हणाले. जो तो स्वतःचा निर्णय घेतो. आता या सगळ्या प्रकरणात राजीनामा द्यायचा की नाही हे धनंजय मुंडेंनी ठरवावं, असंही ते म्हणाले.

विशेष म्हणजे, तीन दिवसांपूर्वी धनंजय मुंडे यांनी अजित पवार यांच्या मुंबईतील ‘देवगिरी’ या शासकीय निवासस्थानी जाऊन भेट घेतली होती. धनंजय मुंडे यांच्यानंतर राष्ट्रवादी काँग्रेसचे ज्येष्ठ नेते प्रफुल्ल पटेलही ‘देवगिरी’ बंगल्यावर पोहोचले होते. यावेळी तिन्ही नेत्यांमध्ये महत्त्वाची चर्चा झाल्याचे सांगण्यात येत आहे. पण नेमकी काय चर्चा झाली, हे अद्याप गुलदस्त्यात आहे.

दरम्यान, अजित पवार यांनी धनंजय मुंडे यांच्या राजीनाम्याचा चेंडू हा त्यांच्यात कोर्टात ढकललाय. त्यामुळं आता धनंजय मुंडे काय भूमिका घेतात? हे पाहणे महत्त्वाचे आहे.

संबंधित बातम्या