अहिल्यानगरमधील रनर्सच्या महाकुंभात धावले दोन हजार धावक, दिव्यांग अन् राजकीय व्यक्तींचाही सहभाग

Two Thousand Runners Participated In Ahilyanagar Marathon : महाराष्ट्रातील नावाजलेली अहिल्यानगर जिल्ह्यातील प्रथम सर्वात मोठी मॅरेथॉन स्पर्धा (Ahilyanagar Marathon) म्हणून ओळख असलेल्या नगर रायझिंग हाफ मॅरेथॉन (Marathon) स्पर्धा आहे. या स्पर्धेती रनर्सच्या महाकुंभात आज (रविवारी) दोन हजार स्पर्धक उत्साहात सहभागी झाले. या स्पर्धेत 21 किलोमीटर प्रकारात प्रेम काळे, सूर्यकांत पारधी, विद्या उघाडे व स्नेहा गुर्जर यांनी, तर 10 किलोमीटर प्रकारात महेश रासकर, रिया मनियार, महादेव घुले आणि चैताली गांधी यांनी आपल्या गटात प्रथम क्रमांक ((Ahilyanagar News) मिळवला.

या हाफ मॅरेथॉनमध्ये टाईमपास फेम प्रथमेश परब, सोनी मराठीवरील बहुचर्चित ‘महाराष्ट्राची हास्यजत्रा’ या कार्यक्रमातील पृथ्वीक प्रताप आणि दत्तू मोरे हे आकर्षणाचे केंद्र ठरले. नगर रायझिंग फाउंडेशनने या स्पर्धेचे आयोजन केले होते. स्पर्धेचे पारितोषिक वितरण हास्य जत्रातील कलाकारांच्या उपस्थितीत जल्लोषात झाले. स्पर्धेत 10 किलोमीटर आणि 21 किलोमीटर मॅरेथॉनला मेजर जनरल विक्रम वर्मा, आर्मड कोअर सेंटर अॅण्ड स्कूलचे कमांडन्ट ब्रिगेडियर अजय दलाल, एमआयआरसीचे ब्रिगेडियर रसेल डिसोझा, जिल्हा पोलीस अधीक्षक राकेश ओला आणि अपर पोलीस अधीक्षक प्रशांत खैरे यांनी, तर 4 किलोमीटरच्या मॅरेथॉनला ‘महाराष्ट्राची हास्यजत्रा’मधील कलाकारांच्या हस्ते झेंडा दाखवून प्रारंभ करण्यात आला.

मी आदित्य अन् रश्मी वहिनी एका खोलीत थांबलो; सीएम फडणवीसांनी सांगितला 2019 चा A टू Z पट

यावेळी शांतीकुमारजी फिरोदिया मेमोरिअल फाउंडेशनच्या आशाताई फिरोदिया, नगर रायझिंग फाउंडेशनचे अध्यक्ष नरेंद्र फिरोदिया, नगर रायझिंगचे संचालक संदीप जोशी, ‘सोहम ग्रुप’चे व्यवस्थापकीय संचालक अमित बुरा, नगर रायझिंगचे ट्रस्टी डॉ. सतीश सोनवणे, डॉ. श्याम तारडे, अॅड. गौरव मिरीकर आदी उपस्थित होते.

ही मॅरेथॉन स्पर्धा 21 किलोमीटर, 10 किलोमीटर व 4 किलोमीटर अशा तीन प्रकारांत झाली. सहभागी स्पर्धकांना टी शर्ट, चेस नंबर, भेट वस्तू व पदक देण्यात आले. शांतीकुमारजी फिरोदिया मेमोरियल फाउंडेशन व मॅक्सिमस स्पोर्टस अॅकॅडमी हे या स्पर्धेचे मुख्य प्रायोजक होते. तर आय लव्ह नगर, सुहाना मसाले, बिगॉस, सी.टी. पंडोल अॅण्ड सन्स व बी.यू. भंडारी हे सह प्रायोजक होते. इंदू पॅव्हेलियन, हेमराज, चंगेडिया आउटडोअर्स, एमएमए मॅट्रिक्स जिम, सिनेलाईफ मल्टिप्लेक्स, हेल्थलेजर डाग्नॉस्टिक्स, अहमदनगर रिहॅब सेंटर, हायपरीस, एसपीजे स्पोर्टस क्लब, रेडिओ सिटी, अहमदनगर क्लब यांचे सहकार्य मिळाले. हेल्दी अफेअर्स, जय जलाराम फुड्स, बोरनील हे गुडी पार्टनर होते.

दिल्ली गमावली पण केजरीवालांच्या मागचा ससेमिरा कायम; जेलमध्ये जावंच लागणार

राजकीय व्यक्तीही धावले

यंदाच्या मॅरेथॉनमध्ये घुले कुटुंबातील तीनही पिढ्यांनी धावण्याचा आनंद घेतला. यात नरेंद्र घुले, क्षितिज घुले अन् राजवीर घुले यांचा समावेश होता. नरेंद्र घुले आणि क्षितिज घुले हे 10 किलोमीटरमध्ये तर राजवीर घुले यांनी 4 किलोमीटर प्रकारात सहभागी झाले होते. तर शिवसेनेच्या शिंदे गटात नुकतेच दाखल झालेले संभाजी कदम यांनी सहभाग घेतला.

दिव्यांगांनी वेधले लक्ष

मॅरेथॉनमध्ये सहभागी होत विषरुदा शेळके, अर्णव अवचर या दिव्यांगांनी आपणही इतरांपेक्षा कमी नसल्याचे सर्वांना दाखवून दिले. तर अंध खेळाडू तथा ज्येष्ठ पत्रकार अजय धोपावकर यांनी अभियंता अमोल यनगंदुल आणि सचिन नराल यांच्या मदतीने 10 किलोमीटरचे अंतरपूर्ण करत आपली दृढ इच्छा शक्ती दाखवून दिली.

21 किलोमीटर स्पर्धेत युवक गटात प्रेम काळे प्रथम, भुषण भाटिया द्वितीय, तर जालिंदर चेमटे हे तृतीय होते. तर ज्येष्ठ गटात सूर्यकांत पारधी प्रथम, द्वितीय रवींद्र जाधव तर तृतीय क्रमांकावर सुनील बनकर होते. ज्येष्ठ महिलांमध्ये स्नेहा गुर्जर प्रथम, स्मिता उकिरडे द्वितीय आणि निलम पंडित तृतीय होते. युवतींमध्ये पहिला क्रमांक विद्या उघाडे, दुसरा स्वप्नाली वामन आणि तिसरा क्रमांक रूपाली खंडेलवाल यांनी पटकावला.

10 किलोमीटर स्पर्धेत पहिला क्रमांक महेश रासकर, दुसरा क्रमांक अमरजित हिमाने आणि तिसरा क्रमांक विशाल शेळके यांनी पटकावलाय. ज्येष्ठमध्ये पहिला क्रमांक कर्नल (निवृत्त) महादेव घुगे द्वितीय क्रमांक बाजीराव यांनी तर तृतीय क्रमांक संजय शेळके यांनी पटकावला. युवतींमध्ये पहिला क्रमांक रिया मनियार, द्वितीय तनुश्री वाबळे, तृतीय क्रमांक खुशबू गांधी यांनी पटकावला.
ज्येष्ठ महिलांमध्ये प्रथम चैताली गांधी, द्वितीय सुनीता भिंगारदिवे यांनी तर तृतीय क्रमांक सोनाली कासार यांनी पटकावला.

संबंधित बातम्या